చెమట కాయలను నిమిషాల్లో తగ్గించే.. పవర్ ఫుల్ చిట్కాలు!

Tips for heat rash: ఎండలు పెరిగే కొద్దీ చర్మంపై ఎర్రటి పొక్కులు, విపరీతమైన దురద, మంట కలిగించే ‘చెమట కాయలు’ రావడం సహజం. మన చర్మంపై ఉండే స్వేద గ్రంథులు మూసుకుపోయి, చెమట బయటకు రాకుండా చర్మం కింద నిలిచిపోవడం వల్ల ఇవి ఏర్పడతాయి. ఇది కేవలం చిన్న పిల్లలకే కాదు.. పెద్దలకూ తీవ్ర అసౌకర్యాన్ని కలిగిస్తుంది.అయితే.. కొన్ని జాగ్రత్తలు ,సహజ సిద్ధమైన చిట్కాలను పాటించడం ద్వారా ఈ సమస్యను కేవలం తగ్గించుకోవడమే కాకుండా.. మళ్లీ రాకుండా శాశ్వతంగా నివారించవచ్చు.

చెమట కాయలను శాశ్వతంగా వదిలించుకునే మార్గాలు:
1. కలబంద:
కలబందలో యాంటీ ఇన్‌ఫ్లమేటరీ, శీతలీకరణ గుణాలు మెండుగా ఉంటాయి. ఇది చర్మాన్ని చల్లబరచడమే కాకుండా ఇన్ఫెక్షన్‌ను తగ్గిస్తుంది.

ఎలా వాడాలి: తాజా కలబంద జెల్‌ను తీసుకుని చెమట కాయలు ఉన్న చోట అప్లై చేయాలి. 20 నిమిషాల తర్వాత చల్లని నీటితో శుభ్రం చేయాలి. ఇలా రోజుకు రెండు సార్లు చేస్తే ఫలితం ఉంటుంది.

2.చందనం,గులాబీ నీరు :
చందనం చర్మాన్ని లోపల నుంచి చల్లబరుస్తుంది. ఇది స్వేద గ్రంథుల అడ్డంకులను తొలగించడానికి సహాయ పడుతుంది.

ఎలా వాడాలి: చందనం పొడిని గులాబీ నీటితో కలిపి పేస్ట్‌లా చేయండి. దీనిని ప్రభావిత ప్రాంతంలో రాసి ఆరిన తర్వాత శుభ్రం చేయండి.ఇది మంటను తక్షణమే తగ్గిస్తుంది.

3. ముల్తానీ మిట్టి:
ముల్తానీ మిట్టి చర్మంపై ఉండే అదనపు నూనెను, చెమటను పీల్చుకుంటుంది. ఇది మూసుకుపోయిన రంధ్రాలను తెరుస్తుంది.

ఎలా వాడాలి:ముల్తానీ మిట్టిని నీటితో కలిపి ప్యాక్ లా వేయండి. ఇది చెమట కాయల తీవ్రతను తగ్గించడంలో అద్భుతంగా పని చేస్తుంది.

4.ఓట్ మీల్ బాత్:
దురద ఎక్కువగా ఉన్నప్పుడు ఓట్ మీల్ అద్భుతమైన రెమెడీ. ఇది చర్మంపై దురదను, ఎరుపును తగ్గిస్తుంది.

ఎలా వాడాలి:ఓట్ మీల్ పొడిని స్నానం చేసే నీటిలో కలిపి.. ఆ నీటితో 15 నిమిషాల పాటు శరీరాన్ని తడపాలి. ఇది చర్మానికి మంచి ఉపశమనాన్ని ఇస్తుంది.

5. వేప ఆకులు:
వేపలో యాంటీ సెప్టిక్ గుణాలు ఉంటాయి. ఇది చెమట కాయల వల్ల వచ్చే సెప్టిక్ ఇన్ఫెక్షన్లను అరికడుతుంది.

ఎలా వాడాలి: వేప ఆకులను మెత్తగా నూరి ఆ పేస్ట్‌ను రాసుకోవచ్చు లేదా వేప ఆకులు వేసి మరిగించిన నీటితో స్నానం చేయొచ్చు.

Also Read: ఎండలో నుంచి రాగానే స్నానం వద్దు.. ఎందుకో తెలిస్తే షాక్ అవుతారు!

శాశ్వత నివారణకు తీసుకోవాల్సిన జాగ్రత్తలు:
కేవలం చిట్కాలు మాత్రమే కాకుండా.. ఈ కింది లైఫ్ స్టైల్ మార్పులు చేసినప్పుడే చెమట కాయలు శాశ్వతంగా దూరమవుతాయి.

కాటన్ బట్టలు: వేసవిలో సింథటిక్ బట్టలకు బదులుగా వదులుగా.. ఉండే కాటన్ బట్టలు ధరించండి. ఇది చర్మానికి గాలి తగిలేలా చేస్తుంది.

ఎక్కువ నీరు తాగండి: శరీరాన్ని లోపల నుంచి చల్లగా ఉంచుకోవడానికి రోజుకు 3-4 లీటర్ల నీరు తాగాలి. పుచ్చకాయ,దోసకాయ వంటి నీటి శాతం ఎక్కువ ఉన్న పండ్లు తినాలి.

చల్లని వాతావరణం: సాధ్యమైనంత వరకు ఎండలో తిరగడం తగ్గించాలి. నీడ పట్టున లేదా చల్లని గాలి ఉన్న చోట ఉండటానికి ప్రయత్నించండి.

సబ్బుల వాడకం:గాఢమైన సువాసనలు లేని, మైల్డ్ సబ్బులను మాత్రమే వాడండి. రోజూ రెండు సార్లు స్నానం చేయడం వల్ల చర్మ రంధ్రాలు శుభ్రంగా ఉంటాయి.