Haircare Tips: మందపాటి, పొడవైన జుట్టు కావాలని ప్రతి ఒక్కరికీ ఉంటుంది. కానీ ప్రస్తుతం చాలా మంది జుట్టు రాలే సమస్యతో ఇబ్బంది పడుతున్నారు. చిన్నా పెద్దా తేడా లేకుండా రాలుతున్న జుట్టుతో నానా పాట్లు పడుతున్నారు. అంతే కాకుండా జుట్టు రాలకుండా ఉండేందుకు రకరకాల హెయిర్ కేర్ ప్రొడక్ట్స్ వాడుతుంటారు. వాటితో ఫలితం అంతంత మాత్రమే. ఇదిలా ఉంటే జుట్టు రాలడానికి అనేక కారణాలు ఉంటాయి. మారుతున్నజీవనశైలితో పాటు అనేక కారణాలు జుట్టు రాలడాన్ని పెంచుతాయి. ఇవే కాకుండా మనం చేసే చిన్నచిన్న పొరపా్లు కూడా జుట్టు రాలేందుకు ప్రధాన కారణంగా మారతాయి. మరి మనం చేసే ఏ తప్పులు జుట్టు రాలేలా చేస్తాయో ఇప్పుడు తెలుసుకుందాం.
అందమైన, ఆరోగ్యకరమైన మన అందాన్ని రెట్టింపు చేస్తుంది.జుట్టు సంరక్షణ కోసం చాలా మంది వివిధ రకాల ఉత్పత్తులను వాడతారు. తెలిసి, తెలియక చేసే పొరపాట్ల వల్ల కూడా జుట్టు బలహీనంగా మారుతుంది.
తడి జుట్టు:
తడి వెంట్రుకలు దువ్వడం వల్ల మీ జుట్టుకు ఎంత నష్టం వాటిల్లుతుందో తెలుసా? ఇది చిన్నప్పటి నుండి మనం పెంచుకునే అలవాటు. కానీ ఇది మీ జుట్టుకు చాలా హానికరం. హెయిర్ వాష్ తర్వాత, హెయిర్ ఫోలికల్స్ కొద్దిసేపటికే మృదువుగా మారుతాయి. అటువంటి పరిస్థితిలో, మీరు దువ్వినప్పుడు , జుట్టు సులభంగా రాలిపోతుంది. అంతే కాకుండా వాటి మూలాలు కూడా బలహీనంగా మారుతాయి.
షాంపూ చేయడం:
ఎక్కువగా షాంపూ చేయడం వల్ల స్కాల్ప్ పొడిబారుతుంది. మీరు చుండ్రు సమస్యను కూడా ఎదుర్కోవలసి ఉంటుంది. మన జుట్టు యొక్క మూలాల నుండి ఒక సహజ నూనె వస్తుంది. ఇది జుట్టును తేమగా ఉంచడంలో చాలా సహాయపడుతుంది. కానీ మీరు ఎక్కువగా షాంపూ చేయడం వల్ల ఈ నూనె ఎక్కువగా విడుదలై జుట్టు పొడిగా, నిర్జీవంగా మారుతుంది.
పొడి జుట్టు :
తడి జుట్టు చాలా సున్నితంగా ఉంటుంది. స్వల్ప అజాగ్రత్తను కూడా తట్టుకోదు. చాలా మంది సమయాన్ని ఆదా చేయడానికి డ్రైయర్తో తడి జుట్టును ఆరబెడతారు. అయితే ఈ అలవాటు మీ జుట్టుకు చాలా హాని కలిగిస్తుందని మీకు తెలుసా. డ్రైయర్ యొక్క వేడి జుట్టు నుండి తేమను తీసివేస్తుంది. దీని వలన జుట్టు పొడిగా మారుతుంది. అంతే కాకుండా విరిగిపోతుంది.
స్టైలింగ్ సాధనాలను శుభ్రపరచకపోవడం:
సాధారణంగా మనం మన జుట్టుపై శ్రద్ధ చూపుతాము. కానీ దువ్వెనలు,స్టైలింగ్ సాధనాలను శుభ్రపరచడాన్ని మరిచిపోతుంటాము. లేదా అంతగా పట్టించుకోము.దువ్వెనలు, బ్రష్లపై పేరుకుపోయిన మురికి, నూనె, చుండ్రు మీ జుట్టుకు అనేక సమస్యలను కలిగిస్తుంది.
Also Read: శనగపిండిలో ఇవి కలిపి రాస్తే.. ఎవ్వరైనా తెల్లగా అవ్వాల్సిందే !
జుట్టుకు నూనె రాయకపోవడం:
ఆయిల్ శతాబ్దాలుగా జుట్టు సంరక్షణ కోసం ఉపయోగించబడుతోంది. కానీ మీరు తలకు ఆయిల్ అప్లై చేయకుండా ఉంటే జుట్టు ఆరోగ్యానికి ఇది అంత మంచిది కాదు. జుట్టుకు నూనె రాసుకోకుండా ఉండే జుట్టు పొడిబారి నిర్జీవంగా మారుతుంది. పొడి జుట్టు వల్ల చుండ్రు సమస్య కూడా పెరుగుతుంది. దీంతో జుట్టు రాలడం కూడా ఎక్కువవుతుంది.
Share
Diwali Story: దీపావళి రోజు ఆ శ్రీ మహాలక్ష్మి పునర్జన్మ పొందింది, ఆ కథ ఇదిగో
Israel Hezbollah: 'ఇజ్రాయెల్తో సంధికి మేము రెడీ.. కానీ'.. హిజ్బుల్లా కొత్త చీఫ్ ప్రకటన
