Coconut Milk: సాధారణ పాలను తాగడానికి ఇష్టపడని చాలామంది కొబ్బరి పాలను రోజూ తమ డైట్లో భాగం చేసుకుంటుంటారు. కొబ్బరి తురుము నుండి తీసే ఈ పాలు కేవలం రుచికరమే కాదు, ఆరోగ్యానికి మేలు చేసే ఎన్నో పోషకాలకు నిలయం కూడా. ముఖ్యంగా ఇందులో ఉండే లారిక్ యాసిడ్, ట్రైగ్లిజరాయిడ్స్ శరీర జీవక్రియను మెరుగుపరచడంలో కీలక పాత్ర పోషిస్తాయి. అయితే, వీటిని అమృతంలా భావించి అతిగా తీసుకుంటే మాత్రం కొన్ని ఇబ్బందులు తప్పవని వైద్యులు హెచ్చరిస్తున్నారు.
కొబ్బరిపాలు తీసుకోవడం వల్ల శరీరంలో మంచి కొలెస్ట్రాల్(HDL) పెరుగుతుందని పలు అధ్యయనాలు చెబుతున్నాయి. దాదాపు 8 వారాల పాటు పరిమితంగా కొబ్బరిపాలను ఆహారంలో భాగం చేసుకున్న వారిలో మంచి కొలెస్ట్రాల్ 18 శాతం వరకు పెరిగినట్లు పరిశోధనలు వెల్లడించాయి. ఇది గుండె జబ్బుల ముప్పును తగ్గించి, రక్త ప్రసరణను మెరుగుపరుస్తుంది.
Also Read: విటమిన్ B12 లోపాన్ని గుర్తిండమెలా? ఈ సమస్య తగ్గాలంటే ఏ ఆహారం తీసుకోవాలి?
మంచి చేస్తుంది కదా అని కొబ్బరిపాలను ఎక్కువగా తీసుకుంటే రివర్స్ అయ్యే ప్రమాదం ఉంది. వీటిలో క్యాలరీలు చాలా ఎక్కువగా ఉంటాయి. అతిగా తీసుకోవడం వల్ల శరీర బరువు పెరగడంతో పాటు, చెడు కొలెస్ట్రాల్(LDL) కూడా పెరిగే అవకాశం ఉంది. ఫలితంగా గుండె సంబంధిత సమస్యలు తలెత్తవచ్చు. అందుకే కొబ్బరిపాలను ఆహారంలో ఒక భాగంగా మాత్రమే చూడాలి తప్ప, ప్రధాన ఆహారంగా తీసుకోకూడదు.
కొబ్బరిపాలు శరీరంలో ఆక్సీకరణ ఒత్తిడిని తగ్గించడమే కాకుండా, జీర్ణ వ్యవస్థను ఆరోగ్యంగా ఉంచుతాయి. ఇవి పొట్టలో ఉండే మంచి బ్యాక్టీరియా వృద్ధికి తోడ్పడతాయి. అయితే, బయట దొరికే ప్యాక్ చేసిన, చక్కెర కలిపిన కొబ్బరిపాల కంటే.. ఇంట్లో తయారు చేసుకున్న తాజా పాలను తాగటం ఉత్తమం.
కొబ్బరిపాలను నేరుగా తాగడం కంటే కూరలు, సూప్లు లేదా స్మూతీల్లో పాలకు బదులుగా వాడుకోవడం మంచి పద్ధతి. రోజుకు కొన్ని టేబుల్ స్పూన్ల మోతాదులో తీసుకుంటే సరిపోతుంది. ఇప్పటికే అధిక కొలెస్ట్రాల్, గుండె సమస్యలు ఉన్నవారు వీటిని తీసుకునే ముందు వైద్యుల సలహా తీసుకోవాలి.
Also Read: గుడ్డులోని పచ్చసొన తింటే గుండెపోటు వస్తుందా? అసలు నిజం ఏంటంటే?
Share
Lokesh Kanagaraj: హీరోగా మారిన ఖైదీ దర్శకుడు.. 'డీసీ' గ్లింప్స్ రిలీజ్!
Regena Cassandra: అసలైన ప్రేమకు చిహ్నం.. వాలెంటైన్స్ డే నాడు రెజీనా సరికొత్త ఫోజులు!
