Sleep: మీలోని ఈ 5 అలవాట్లే నిద్ర పట్టకుండా చేస్తాయ్

Sleep: మీరు ఉదయం నిద్ర లేవగానే సరిగ్గా నిద్రపోలేదని అనిపిస్తుందా ? అవును అయితే.. ఇందుకు గల కారణాలను తెలుసుకోవడం చాలా ముఖ్యం. నిజానికి కొన్ని నిద్రకు అంతరాయం కలిగించే అలవాట్లు మనలో ఉంటాయి. అయితే వీటిపై చాలా మంది అంతగా శ్రద్ధ వహించరు. మీకు ఇష్టమైన కొన్ని అలవాట్లు మీ నిద్రకు అతిపెద్ద శత్రువుగా మారతాయి.

మనలో చాలా మంది తెలియకుండానే కొన్ని రకాల తప్పులు చేస్తూనే ఉంటారు. ఇవి మన మొత్తం నిద్ర విధానాన్ని ప్రభావితం చేస్తాయి . ఫలితంగా రోజంతా అలసట, చిరాకు, బద్ధకం వంటివి కూడా పెరుగుతాయి. అలాంటి 5 ప్రధాన అలవాట్లను గురించి తెలుసుకోవడం అవసరం. మీరు కూడా వీటిని త్వరగా సరిదిద్దుకోకపోతే రాత్రి ప్రశాంతంగా నిద్రపోలేరు. మరి ఆ అలవాట్లేంటో ఇప్పుడు తెలుసుకుందాం.

నిద్రవేళకు ముందు భోజనం:
రాత్రిపూట అధికంగా ఆహారం తినడం మీ నిద్రకు అతిపెద్ద శత్రువు కావచ్చు. అవును మీరు నిద్రపోయేటప్పుడు, మీ శరీరం రిలాక్స్డ్ మోడ్‌లో ఉంటుంది. కానీ మీరు నిద్ర పోవడానికి ముందు ఎక్కువగా తిన్నట్లయితే, జీర్ణవ్యవస్థ ఓవర్ టైం పని చేయాల్సి ఉంటుంది. ఇది కడుపు ఉబ్బరం లేదా అజీర్ణం వంటి సమస్యలను కలిగిస్తుంది. ఫలితంగా ఇది మిమ్మల్ని నిద్రపోనివ్వదు. కాబట్టి.. నిద్రపోవడానికి కనీసం 2-3 గంటల ముందు మీ రాత్రి భోజనం తినడానికి ప్రయత్నించండి. తేలికైన భోజనం తీసుకోండి.

రాత్రిపూట ఎక్కువ నీరు తాగడం:
రోజంతా హైడ్రేటెడ్‌గా ఉండటం మంచిది. కానీ పడుకునే ముందు ఎక్కువ నీరు తాగడం వల్ల మీ నిద్రకు భంగం కలుగుతుంది. దీని వల్ల మీరు రాత్రిపూట తరచుగా నిద్ర లేవాల్సి రావచ్చు. ఇది మీ నిద్రకు అంతరాయం కలిగిస్తుంది. ఇలాంటి పరిస్థితిలో..నిద్రవేళకు ఒకటి లేదా రెండు గంటల ముందు నీరు తాగడానికి ప్రయత్నించండి.

చాలా వేడిగా ఉన్న గదిలో నిద్రపోవడం:
మన శరీరం సహజంగానే రాత్రిపూట నిద్రపోవడానికి చల్లదనాన్ని కోరుకుంటుంది. అందుకే మీ గది చాలా వేడిగా ఉంటే.. మీ శరీరం దాని ఉష్ణోగ్రతను తగ్గించడంలో ఇబ్బంది పడుతుంటుంది. దీని వల్ల మీకు చెమట పట్టడం, అసౌకర్యంగా అనిపించడం జరుగుతుంది. దీని వల్ల గాఢ నిద్ర పోవడం కష్టమవుతుంది . కాబట్టి.. మీ పడకగది ఉష్ణోగ్రతను కొద్దిగా చల్లగా ఉంచండి.

Also Read: ఇంట్లోనే పెరుగుతో ఫేషియల్.. ఎలా చేసుకోవాలో తెలుసా ?

నిద్రకు ముందు కాఫీ లేదా మద్యం తాగడం:
కాఫీ, ఆల్కహాల్ లోని కెఫిన్ మీ నిద్ర విధానాన్ని తీవ్రంగా ప్రభావితం చేస్తుంది. కెఫిన్ మిమ్మల్ని మేల్కొని ఉంచే ఉత్తేజకారి. ఆల్కహాల్ మీకు వెంటనే నిద్ర వచ్చేలా చేస్తుంది. కానీ రాత్రిపూట మీ నిద్రకు భంగం కలిగిస్తుంది . కాబట్టి.. నిద్రవేళకు కొన్ని గంటల ముందు ఈ రెండింటికీ దూరంగా ఉండండి.

పగటిపూట ఎండకు దూరంగా ఉండటం:
ఉదయం, మధ్యాహ్నం తగినంత సూర్యరశ్మి లభించకపోవడం కూడా మీ నిద్రపై ప్రతికూల ప్రభావాన్ని చూపుతుంది. మన శరీరం యొక్క సిర్కాడియన్ లయను నియంత్రించడంలో సూర్యరశ్మి పెద్ద పాత్ర పోషిస్తుంది. ఎందుకంటే మీకు తగినంత సూర్యరశ్మి లభించనప్పుడు.. మీ శరీరం సరైన సమయంలో మెలటోనిన్‌ను విడుదల చేయలేకపోతుంది. అందుకే రోజుకు కనీసం 20-30 నిమిషాలు ఎండలో గడపడానికి ప్రయత్నించండి.