బయట ఎండలు మామూలుగా లేవు బాబోయ్.. ఈ నేచురల్ డ్రింక్స్‌తో రీఛార్జ్ అవ్వండి

Summer Drinks: సూర్యుడు నిప్పులు చెరుగుతున్నాడు. బయటకు అడుగు పెడితే చాలు.. నిమిషాల్లోనే చెమటలు పట్టేసి బాడీలోని ఎనర్జీ అంతా డ్రై అయిపోతుంది. కేవలం నీళ్లు తాగడం వల్ల బాడీకి కావాల్సిన ఎలక్ట్రోలైట్స్ అందకపోవచ్చు. అందుకే ఈ సమ్మర్‌లో బయటకు వెళ్లే ముందు కొన్ని స్పెషల్ ‘నేచురల్ డ్రింక్స్’ తీసుకోవడం చాలా ముఖ్యం. ఇవి మిమ్మల్ని కేవలం రిఫ్రెష్ చేయడమే కాదు.. వడదెబ్బ తగలకుండా మీ బాడీని ఇంటర్నల్‌గా కూల్ చేస్తాయి. ఆ మ్యాజిక్ డ్రింక్స్ ఏంటో.. వాటి వల్ల కలిగే లాభాలేంటో ఇప్పుడు చూద్దాం.

వేసవి కాలంలో మన బాడీ ఒక ఇంజిన్ లాంటిది. దానికి సరైన ‘కూలెంట్’ అందకపోతే అది ఓవర్ హీట్ అయిపోయి నీరసం, తల తిరగడం వంటి సమస్యలు వస్తాయి. కూల్ డ్రింక్స్ తాగి తాత్కాలికంగా ఉపశమనం పొందడం కంటే.. మన ఇంట్లో దొరికే సహజమైన డ్రింక్స్‌తో ఎండకు చెక్ పెట్టొచ్చు.

1. కొబ్బరి నీళ్లు:
నేచురల్ డ్రింక్స్ అనగానే ఫస్ట్ గుర్తొచ్చేది కొబ్బరి నీళ్లే. ఇందులో పొటాషియం, సోడియం వంటి ఎలక్ట్రోలైట్స్ పుష్కలంగా ఉంటాయి. ఎండలో తిరిగేటప్పుడు చెమట ద్వారా కోల్పోయే ఖనిజాలను ఇది వెంటనే భర్తీ చేస్తుంది. బయటకు వెళ్లే ముందు ఒక కొబ్బరి బొండాం తాగితే, మీరు ఎక్కువ సేపు యాక్టివ్‌గా ఉండొచ్చు.

2. మజ్జిగ :
మజ్జిగ మన సంప్రదాయ కూల్ డ్రింక్. ఇందులో కొంచెం ఉప్పు, జీలకర్ర పొడి వేసుకుని తాగితే ఆ కిక్కే వేరు! ఇది మీ జీర్ణవ్యవస్థను ప్రశాంతంగా ఉంచుతుంది మరియు శరీర ఉష్ణోగ్రతను అదుపులో ఉంచుతుంది. బయటకు వెళ్లేటప్పుడు ఒక బాటిల్ మజ్జిగ వెంట తీసుకెళ్లడం ఇంకా మంచిది.

3. సగ్గుబియ్యం జావ:
శరీరంలోని వేడిని తగ్గించడంలో సగ్గుబియ్యానికి సాటి లేదు. సగ్గుబియ్యాన్ని ఉడికించి, అందులో కొంచెం పాలు లేదా మజ్జిగ కలుపుకుని తాగితే బాడీ ఇన్‌స్టంట్‌గా కూల్ అవుతుంది. ఎండలో ఎక్కువగా తిరిగే వారికి ఇది ఒక పవర్‌ఫుల్ డ్రింక్.

4. రాగి జావ :
రాగి జావను ‘పూర్ మ్యాన్స్ ఎనర్జీ డ్రింక్’ అని పిలుస్తారు. కానీ దీని పోషక విలువలు చాలా ఎక్కువ. ఇందులో ఉండే కాల్షియం, ఐరన్ బాడీకి బలాన్నిస్తాయి. ఉదయం టిఫిన్ సమయంలో లేదా బయటకు వెళ్లే ముందు రాగి జావ తాగితే ఎండ తాపాన్ని తట్టుకునే శక్తి వస్తుంది.

5. పుదీనా – నిమ్మరసం :
ఇది ఒక ట్రెండీ రిఫ్రెషర్! పుదీనా చలవ చేస్తుంది. నిమ్మకాయలోని విటమిన్-సి రోగనిరోధక శక్తిని ఇస్తుంది. ఈ రెండింటి కాంబినేషన్ మీ బాడీని హైడ్రేటెడ్‌గా ఉంచడంతో పాటు.. నోటికి కూడా మంచి రుచిని ఇస్తుంది. షుగర్ కంటే కొంచెం తేనె వేసుకుంటే ఇంకా హెల్తీ!

ఇవి అస్సలు చేయకండి:
అతిగా కాఫీ, టీలు వద్దు: వేసవిలో కెఫీన్ తీసుకోవడం వల్ల బాడీ త్వరగా డీహైడ్రేట్ అవుతుంది.

ఐస్ వాటర్: ఎండ నుంచి రాగానే ఐస్ వాటర్ తాగొద్దు. ఇది గొంతు నొప్పికి, బాడీ టెంపరేచర్ ఇంబాలెన్స్‌కు దారి తీస్తుంది.

మందు : ఆల్కహాల్ బాడీని విపరీతంగా డీహైడ్రేట్ చేస్తుంది. కాబట్టి సమ్మర్ మధ్యాహ్నాల్లో దీనికి దూరంగా ఉండటం సేఫ్.

ఎండలు పెరిగే కొద్దీ మన లైఫ్‌స్టైల్‌లో మార్పులు అవసరం. ఫ్యాన్సీ కూల్ డ్రింక్స్ కంటే మన అమ్మమ్మల కాలం నాటి మజ్జిగ, రాగి జావలు ఈ వేసవికి బెస్ట్ పార్ట్‌నర్స్. బయటకు వెళ్లే ముందు పైన చెప్పిన డ్రింక్స్‌లో ఏదో ఒకటి తప్పకుండా తీసుకోండి.