Plants For Summer: సమ్మర్‌లో.. వారాల తరబడి నీరు లేకుండా జీవించే మొక్కలు ఇవే !

Plants For Summer: వేసవి కాలం రాగానే చాలా మొక్కలు నీటి కొరత కారణంగా ఎండిపోవడం జరుగుతుంది. ఎక్కువ సూర్యకాంతి, పెరుగుతున్న ఉష్ణోగ్రతలు, తక్కువ తేమ కారణంగా.. చాలా మొక్కలకు క్రమం తప్పకుండా నీరు అవసరం అవుతాయి. కానీ కొన్ని మొక్కలు తక్కువ నీటిలో కూడా సులభంగా జీవించగలవు. ఇలాంటి మొక్కలు ఎక్కువ జాగ్రత్త లేకుండానే వారాల తరబడి పచ్చగా ఉంటాయి.

తోటపనిలో పెద్దగా అనుభవం లేని వారికి ఇటువంటి మొక్కలు అనువైనవి. మీరు కూడా మీ గార్టెన్‌ను పచ్చగా ఉంచుకోవాలనుకుంటే.. ప్రతిరోజూ నీరు పోయడానికి సమయం దొరకకపోతే.. తక్కువ నీటితో కూడా బాగా పెరిగే మొక్కలను ఎంచుకోవాలి. మరి అలాంటి 5 రకాల మొక్కలను గురించి ఇప్పుడు తెలుసుకుందాం.

1. స్నేక్ ప్లాంట్:
చాలా తక్కువ జాగ్రత్తలు తీసుకున్నా కూడా స్నేక్ ప్లాంట్ ఎక్కువ కాలం జీవించగలదు కాబట్టి స్నేక్ ప్లాంట్ ను సంజీవన్ మొక్క అని కూడా పిలుస్తారు. ఈ మొక్క కరువులో చాలా కాలం జీవించి ఉండటమే కాకుండా గాలిని శుద్ధి చేయడానికి కూడా పనిచేస్తుంది. దీనికి వారాల తరబడి నీరు అవసరం లేదు. తక్కువ వెలుతురులో కూడా బాగా పెరుగుతుంది. ఇది కార్బన్ డయాక్సైడ్‌ను ఆక్సిజన్‌గా మార్చే సామర్థ్యాన్ని కలిగి ఉంటుంది. తద్వారా ఇంట్లోని గాలిని శుద్ధి చేస్తుంది. అందుకే ఇలాంటి మొక్కలను ఇంట్లో తప్పకుండా పెంచుకోవాలి.

2. కలబంద:
సమ్మర్‌లో నీటి కొరతను తట్టుకునే సామర్థ్యం ఉన్న మొక్కగా కలబందను చెబుతారు. దీని మందపాటి రసవంత,మైన ఆకులు నీటిని నిల్వ చేస్తాయి. ఇది నీటిపారుదల లేకుండా ఎక్కువ కాలం జీవించడానికి వీలు కల్పిస్తుంది. ఇది చర్మానికి, ఆరోగ్యానికి చాలా ఉపయోగకరంగా ఉంటుంది. దీనికి నెలకు ఒకసారి నీరు పోస్తే సరిపోతుంది. ఇది ఎక్కువ సూర్యరశ్మి, వేడిని కూడా తట్టుకోగలదు.

3. కాక్టస్:
ఏదైనా మొక్క ఎక్కువ కరువును తట్టుకోగలుతుంది అంటే.. అది కాక్టస్ మాత్రమే. ఈ ఎడారి మొక్క నెలల తరబడి నీరు లేకుండా జీవించగలదు. అంతే కాకుండా ఇది వేడిని తట్టుకునే అద్భుతమైన సామర్థ్యాన్ని కూడా కలిగి ఉంటుంది. ఇది బలమైన సూర్యకాంతిలో కూడా సులభంగా జీవించగలదు. దీని దట్టమైన కొమ్మలు, ఆకులు నీటిని నిల్వ చేస్తాయి. ఇది వివిధ పరిమాణాల, ఆకారాలలో లభిస్తుంది. వీటిని అలంకరణకు కూడా అనుకూలంగా ఉంటుంది.

4. మనీ ప్లాంట్:
మనీ ప్లాంట్ చాలా ప్రజాదరణ పొందిన మొక్క. ఇది తక్కువ నీటిలో కూడా ఎక్కువ కాలం జీవించగలదు. ఈ మొక్క అందంగా ఉండటమే కాకుండా శుభప్రదంగా పరిగణించబడుతుంది. ఇది తక్కువ కాంతిలో కూడా బాగా పెరుగుతుంది. మట్టిలోనే కాకుండా.. నీటిలో కూడా పెంచవచ్చు. ఇది ఇంట్లో సానుకూల శక్తిని ప్రసారం చేస్తుంది. మనీ ప్లాంట్ కు నెలకు ఒకటి లేదా రెండుసార్లు మాత్రమే నీరు పోస్తే సరిపోతుంది. ఇది త్వరగా ఎండిపోదు కూడా.

Also Read: ఈ ఆయిల్ వాడితే.. జుట్టు పెరగడం పక్కా !

5. జాడే మొక్క:
జాడే మొక్క ఒక రసవంతమైన మొక్క. ఇది దాని ఆకులలో నీటిని నిల్వ చేస్తుంది. ఇది నీరు లేకుండా అనేక వారాల పాటు జీవించగలదు. ఈ మొక్క అందంగా కనిపించడమే కాకుండా.. దీనిని “శ్రేయస్సు మొక్క” అని కూడా పిలుస్తారు. ఇది చాలా నెమ్మదిగా పెరుగుతుంది. కాబట్టి దీనికి ఎక్కువ జాగ్రత్త అవసరం లేదు. దీని ఆకులు మందంగా, మెరుస్తూ ఉంటాయి. ఇది ఆకర్షణీయంగా ఉంటుంది.