Face Scrub: ఈ ఫేస్ స్క్రబ్స్ వాడితే.. ముఖం మెరిసిపోతుంది తెలుసా ?

Face Scrub: ప్రతి ఒక్కరూ కాంతివంతమైన, మృదువైన చర్మాన్ని కోరుకుంటారు. మనం పడుకునే ముందు.. నిద్ర లేచిన తర్వాత ఎన్ని క్రీములు వాడినా, చర్మంపై పేరుకుపోయిన మృత కణాలు, మురికి తొలగిపోకపోతే చర్మం నిస్తేజంగా కనిపిస్తుంది. దీనికి సరైన పరిష్కారం స్క్రబ్ చేయడం. మార్కెట్లో దొరికే రసాయనాలు కలిపిన స్క్రబ్‌లకు బదులుగా.. ఇంట్లో సహజ పదార్థాలతో తయారుచేసుకునే స్క్రబ్‌లు చర్మానికి ఎలాంటి హానీ చేయకుండా అద్భుతమైన మెరుపును ఇస్తాయి. ఇంట్లో సులభంగా తయారుచేసుకోగలిగే , చర్మాన్ని మెరిపించే కొన్ని ఉత్తమ ఫేస్ స్క్రబ్‌లు, వాటి తయారీ విధానం గురించిన పూర్తి వివరాలను ఇప్పుడు తెలుసుకుందాం.

1. కాఫీ, కొబ్బరి నూనె స్క్రబ్ (అన్ని రకాల చర్మానికి):
కాఫీలో ఉండే యాంటీఆక్సిడెంట్లు రక్త ప్రసరణను మెరుగు పరిచి చర్మానికి తక్షణ మెరుపునిస్తాయి. కొబ్బరి నూనె చర్మాన్ని మృదువుగా.. తేమగా ఉంచుతుంది.

కావాల్సినవి:
కాఫీ పొడి: 1 టేబుల్ స్పూన్

కొబ్బరి నూనె : 1 టేబుల్ స్పూన్

తేనె: 1/2 టీస్పూన్

తయారీ, వాడే విధానం:

ఒక గిన్నెలో కాఫీ పొడి, కొబ్బరి నూనె, తేనె (తేనె చర్మానికి అదనపు తేమను, యాంటీ బ్యాక్టీరియల్ గుణాలను ఇస్తుంది) వేసి బాగా కలపండి.

ఈ మిశ్రమాన్ని ముఖం, మెడపై సున్నితంగా అప్లై చేయండి.

వృత్తాకార కదలికలలో సుమారు 2-3 నిమిషాలు మసాజ్ చేయండి. చాలా సున్నితంగా రుద్దాలి. లేదంటే చర్మం దెబ్బతినవచ్చు.

పది నిమిషాలు అలాగే ఉంచి.. ఆ తర్వాత చల్లటి నీటితో శుభ్రం చేసుకోండి.

ఈ స్క్రబ్‌ను వారానికి ఒకటి లేదా రెండు సార్లు ఉపయోగించడం ద్వారా చర్మం ప్రకాశవంతంగా మారుతుంది.

2. శనగపిండి, పెరుగు స్క్రబ్ :
శనగపిండి: జిడ్డు చర్మానికి ఒక వరం. ఇది చర్మం నుంచి అదనపు నూనెను, మురికిని తొలగిస్తుంది. పెరుగులో ఉండే లాక్టిక్ యాసిడ్ మృత కణాలను తొలగించి.. చర్మాన్ని కాంతివంతం చేస్తుంది.

కావాల్సినవి:
శనగపిండి: 2 టేబుల్ స్పూన్లు
పెరుగు/మజ్జిగ: 1 టేబుల్ స్పూన్
చిటికెడు పసుపు: రంగు

తయారీ, వాడే విధానం:
శనగపిండి, పెరుగు, పసుపు కలిపి పేస్ట్‌లా తయారు చేయండి.
ఈ పేస్ట్‌ను ముఖానికి ప్యాక్‌లా వేసుకుని 5 నిమిషాలు ఆరనివ్వండి.
పూర్తిగా ఆరిపోకముందే.. చేతిని కొద్దిగా తడిచేసుకుని, ముఖంపై మెల్లగా రుద్దుతూ (స్క్రబ్ చేస్తూ) తొలగించండి.
గోరు వెచ్చని నీటితో కడగండి. ఇది ముఖంపై ఉండే నల్ల మచ్చలను, ట్యాన్‌ను తగ్గించి మెరుపునిస్తుంది.

3. ఓట్‌మీల్ (ఓట్స్), తేనె స్క్రబ్ :
ఓట్స్‌లో యాంటీ ఇన్‌ఫ్లమేటరీ గుణాలు ఉంటాయి. ఇవి సున్నితమైన చర్మానికి చాలా మంచివి. ఇది తేమను కోల్పోకుండా.. చర్మాన్ని శాంతపరుస్తుంది. తేనె మాయిశ్చరైజర్‌గా పనిచేస్తుంది.

కావాల్సినవి:
ఓట్స్ (బాగా పొడి చేసినవి): 1 టేబుల్ స్పూన్
తేనె: 1 టీస్పూన్
పాలు లేదా రోజ్ వాటర్: సరిపడా

తయారీ, వాడే విధానం:
ఓట్స్ (మిక్సీలో వేసి మెత్తగా పొడి చేసుకోవచ్చు), తేనె, పాలు/రోజ్ వాటర్ కలిపి చిక్కటి మిశ్రమంగా చేయండి.
ఈ స్క్రబ్‌ను ముఖానికి అప్లై చేసి, సున్నితంగా మసాజ్ చేయండి.
10 నిమిషాలు ఉంచి.. ఆపై శుభ్రం చేసుకోండి. ఇది చర్మాన్ని పొడిబారకుండా చేసి మృదుత్వాన్ని, మెరుపును ఇస్తుంది.

స్క్రబ్ చేసేటప్పుడు గుర్తుంచుకోవాల్సిన ముఖ్య విషయం ఏమిటంటే.. ఎప్పుడూ సున్నితంగా మసాజ్ చేయాలి. గట్టిగా రుద్దడం వల్ల చర్మం ఎర్రబడి, దెబ్బతినే ప్రమాదం ఉంది. ఈ సహజమైన స్క్రబ్‌లను వారానికి ఒకటి లేదా రెండు సార్లు ఉపయోగించి.. మెరిసే, ఆరోగ్యవంతమైన చర్మాన్ని పొందవచ్చు.