Pressure Cooker Safety: ప్రెషర్ కుక్కర్లో వండిన ఆహారం సురక్షితమేనా?.. నిపుణులు ఏం చెబుతున్నారో చూసేయండి!

Pressure Cooker Safety: ప్రస్తుతం ప్రెషర్ కుక్కర్ల వాడటం విపరీతంగా పెరిగింది. ఎందుకంటే.. వంటల్ని వేగంగా పూర్తి చేయడంలో ప్రెషర్ కుక్కర్లు ఎంతో దోహదం చేస్తాయి. అయితే చాలామందికి ఉన్న సందేహం ఏమిటంటే.. ప్రెషర్ కుక్కర్లో వండిన ఆహారం ఆరోగ్యం మీద ఎలాంటి ప్రభావం చూపుతుందో అని. ఈ విషయంలో నిపుణలు ఏం చెబుతున్నారంటే.. ప్రెషర్ కుక్కర్ ద్వారా వండిన ఆహారం సురక్షితమా, హానికరమా అనేది చాలా విషయాలపై ఆధారపడి ఉంటుందని, సరైన జాగ్రత్తలు పాటిస్తే ప్రెషర్ కుక్కర్ వంటలు ఆరోగ్యానికి మంచిదే అని చెబుతున్నారు. అయితే కొన్ని జాగ్ర‌త్త‌ల‌ను పాటించాల‌ని సూచిస్తున్నారు. అవేంటో ఇప్పుడు చూసేద్దాం..

ఎలాంటి హానీ జరగదు:

ప్రెష‌ర్ కుక్క‌ర్లలో ఆహారం వండ‌టం అనేది ఆహారాన్ని ఆవిరితో ఉడికించ‌డం కింద‌కే వ‌స్తుంది. ఎందుకంటే.. ఇడ్లీల‌ను ఏవిధంగా ఆవిరి ద్వారా ఉడికిస్తామో అలాగే ప్రెష‌ర్ కుక్క‌ర్ కూడా ఆహారాల‌ను ఉడికిస్తుంది. ఇలా ఆవితో వండిన ఆహారాలు అత్యంత ఆరోగ్య‌క‌ర‌మైన ప‌ద్ధ‌తుల్లో ఒక‌టి. కాబట్టి.. ప్రెష‌ర్ కుక్క‌ర్లలో వండిన ఆహారాన్ని ఎలాంటి సందేహం లేకుండా తిన‌వ‌చ్చట. దీనివ‌ల్ల మ‌న‌కు ఎలాంటి హానీ జరగదని చెబుతున్నారు నిపుణులు.

అతిగా ఉడికించ‌వ‌ద్దు..

సాధారణంగా ప్రెష‌ర్ కుక్క‌ర్‌లో ఉష్ణోగ్ర‌త అధికంగా ఉంటుంది. కాబట్టి.. ఏ ఆహారాన్నైనా స‌రే నిర్దిష్ట‌మైన విజిల్స్ వ‌చ్చే వ‌ర‌కు మాత్ర‌మే ఉడికించాలి. బాగా ఉడుకుతుందని చాలాసేపు అలానే వదిలేయకూడదు. ఎందుకంటే.. ప్రెష‌ర్ కుక్క‌ర్‌లో ఆహారాన్ని మ‌రీ అతిగా ఉడికిస్తే అందులోని పోష‌కాలు చాలా వ‌ర‌కు న‌శిస్తాయి. ఇక అలా వండిన ఆహారాన్ని తిన్నా కూడా మ‌న‌కు పెద్ద‌గా ప్ర‌యోజ‌నం ఉండకపోవచ్చు. కాబట్టి.. ప్రెష‌ర్ కుక్కర్లలో ఎక్కువగా ఆహారాల‌ను వండేవాళ్లు ఈ విష‌యాన్ని క‌చ్చితంగా గుర్తుంచుకోవాలని సూచిస్తున్నారు

మన్నిక-వారంటీ చూసుకోవాలి:

ఇకపోతే.. ప్రెష‌ర్ కుక్క‌ర్లలో వండిన ఆహారం ఆరోగ్య‌క‌ర‌మే అయిన‌ప్ప‌టికీ ఆ కుక్కర్లు ఎక్కువ కాలం పాటు వాడ‌కూడ‌ద‌ని నిపుణులు హెచ్చరిస్తున్నారు. ఎందుకంటే.. దీర్ఘ‌కాలం పాటు ప్రెష‌ర్ కుక్క‌ర్లను వాడితే వాటి లోప‌లి పొర దెబ్బ తింటుంది. దీంతో ఆహారం ఉడికేటప్పుడు దానిలోకి ర‌సాయ‌నాలు, టాక్సిన్లు విడుద‌ల‌య్యే అవ‌కాశం ఉంటుంది. అవి నేరుగా ఆహారంలో క‌లుస్తాయి. అలాంటి ఆహారాన్ని తిన‌డం వ‌ల్ల అనారోగ్య సమస్యలు తలెత్తవచ్చు. కాబట్టి.. ప్రెష‌ర్ కుక్క‌ర్లను వాటి వారెంటీలను బట్టి మారుస్తూ ఉండాలి. ఒకవేళ కుక్కర్లోని లోప‌లి లైనింగ్ దెబ్బ తింటే అలాంటి వాడ‌కూడ‌దు.

Join WhatsApp Channel

రాత్రి సరిగా నిద్ర పట్టలేదా? మరుసటి రోజు శరీరం చురుకుగా ఉండేందుకు ఈ టిప్స్ పాటించండి

మోసం చేసిన భర్త లేదా భార్యను క్షమించడం కరెక్టేనా?

వర్షాకాలంలో వరదల ప్రమాదం.. ప్రకృతి విపత్తు సమయంలో మీ ఫ్యామిలీని ఇలా కాపాడుకోండి

స్వస్తిక్‌కు ఇరువైపులా రెండేసి గీతలు.. అంత అర్థం ఉందా? అసలు విషయాలు తెలిస్తే షాక్

ఈ సందర్భాల్లో అబద్ధం చెప్పాలని పిల్లలకు చెప్పాలి.. తల్లిదండ్రులు నేర్పాల్సిన 5 ముఖ్యమైన విషయాలు

ఎప్పుడూ ఒంటరిగా ఉంటారు.. ఈ తేదీల్లో పుట్టినవారిని అందరూ అపార్థం చేసుకుంటారు

నిమ్మకాయ తొక్కలు పారేస్తున్నారా? వీటితో 7 అద్భుతమైన ఆరోగ్య ప్రయోజనాలు

వీకెండ్‌లో ఎక్కువసేపు నిద్రపోతే ఆరోగ్యానికి మంచిదా? డాక్టర్లు ఏం చెబుతున్నారంటే

Big Stories

సరిహద్దు దాటకుండానే.. విదేశాలకు వెళ్లిన ఫీల్.. దేశంలోని 5 నెవర్ బిఫోర్ టౌన్స్!