Kidney Disease Symptoms: కిడ్నీ వ్యాధిని ముందే పసిగట్టే.. కంటి మార్పులు, అస్సలు నిర్లక్ష్యం చేయొద్దు

Kidney Disease Symptoms: మన శరీరంలో కిడ్నీలు కేవలం రక్తాన్ని శుద్ధి చేయడమే కాకుండా.. మొత్తం ఆరోగ్యాన్ని సమతుల్యం చేయడంలో కీలక పాత్ర పోషిస్తాయి. అయితే.. కిడ్నీలు దెబ్బతింటున్నప్పుడు ఆ సంకేతాలు కేవలం మూత్ర విసర్జనలోనో లేదా నడుము నొప్పి రూపంలోనో కాకుండా.. మన కళ్లలో కూడా కనిపిస్తాయి. కళ్లు వాపు రావడం, చూపు మసకబారడం వంటి లక్షణాలు కిడ్నీలు ప్రమాదంలో ఉన్నాయని చెప్పడానికి ప్రాథమిక హెచ్చరికలు. ఈ లక్షణాలను ముందుగానే గుర్తించడం ద్వారా ప్రాణాపాయం నుంచి తప్పించుకోవచ్చు. కిడ్నీ సమస్యలను సూచించే 7 రకాల కంటి మార్పుల గురించి ఇప్పుడు వివరంగా తెలుసుకుందాం.

మీ కిడ్నీలు ప్రమాదంలో ఉన్నాయని చెప్పే కంటి సంకేతాలు:
కిడ్నీలు సరిగ్గా పనిచేయనప్పుడు శరీరంలో టాక్సిన్లు, అదనపు ద్రవాలు పేరుకుపోతాయి. దీని ప్రభావం కళ్లపై స్పష్టంగా కనిపిస్తుంది. అవేంటంటే..

1. కళ్ల చుట్టూ వాపు :
కిడ్నీలు రక్తంలోని ప్రోటీన్‌ను వడపోయలేకపోయినప్పుడు.. ఆ ప్రోటీన్ మూత్రం ద్వారా బయటకు వెళ్లిపోతుంది. దీని వల్ల శరీరంలో ద్రవాల సమతుల్యత దెబ్బతిని కళ్ల చుట్టూ.. ముఖ్యంగా ఉదయం నిద్రలేవగానే విపరీతమైన వాపు కనిపిస్తుంది. దీనిని ‘పెరియార్బిటల్ ఎడెమా’ అని కూడా పిలుస్తారు.

2. చూపు మసకబారడం :
కిడ్నీ సమస్యలు ఉన్నవారిలో రక్తపోటు పెరిగే అవకాశం ఉంటుంది. అధిక రక్తపోటు కంటిలోని రక్త నాళాలను దెబ్బతీస్తుంది. దీని వల్ల చూపు మసకబారడం లేదా వస్తువులు సరిగ్గా కనిపించకపోవడం జరుగుతుంది. దీనిని నిర్లక్ష్యం చేస్తే శాశ్వత కంటి చూపు కోల్పోయే ప్రమాదం ఉంటుంది.

3. కళ్లు పొడిబారడం:
కిడ్నీ వైఫల్యం ఉన్నప్పుడు శరీరంలో ఖనిజాల సమతుల్యత తప్పుతుంది. ముఖ్యంగా కాల్షియం, ఫాస్ఫరస్ స్థాయిలలో మార్పుల వల్ల కళ్లు విపరీతంగా పొడి బారిపోతాయి. కళ్లలో గిలకలు పడినట్లు ఉండటం లేదా ఎరుపు రంగులోకి మారడం వంటివి జరుగుతాయి.

4. కంటి రెటినా దెబ్బతినడం:
డయాబెటిస్ , బీపీ వల్ల కిడ్నీలు దెబ్బతిన్నప్పుడు, అదే ప్రభావం కంటి వెనక భాగంలో ఉండే రెటినాపై పడుతుంది. కిడ్నీ వ్యాధిగ్రస్తులలో ‘రీనల్ రెటినోపతి’ వచ్చే అవకాశం ఎక్కువ. ఇది కంటి లోపల రక్తస్రావానికి కూడా దారితీయవచ్చు.

Also Read: కిడ్నీ స్టోన్స్ రాకూడదా? మీ బాడీకి కావాల్సిన కరెక్ట్ వాటర్ లెవల్ ఇదే!

5. కంటి రంగు మారడం:

కిడ్నీలు, కాలేయం ఒకదానితో ఒకటి ముడిపడి ఉంటాయి. కిడ్నీ సమస్యలు తీవ్రమైనప్పుడు శరీరంలో వ్యర్థాలు పేరుకుపోయి కళ్లలోని తెల్లసొన భాగం స్వల్పంగా పసుపు రంగులోకి మారవచ్చు. ఇది కిడ్నీ పనితీరు మందగించిందని చెప్పడానికి ఒక సంకేతం.

6. కళ్లలో తెల్లటి మచ్చలు:
కిడ్నీలు ఫాస్ఫరస్‌ను సరిగ్గా విసర్జించలేనప్పుడు, రక్తంలో కాల్షియం స్థాయిలు పెరుగుతాయి. ఈ అధిక కాల్షియం కంటిలోని కంజుంక్టివాలో చేరి తెల్లటి గిలకల్లాగా లేదా చిన్న చిన్న మచ్చల్లాగా కనిపిస్తుంది. దీని వల్ల కళ్లలో మంటగా అనిపిస్తుంది.

7. డార్క్ సర్కిల్స్:
అధికంగా పేరుకుపోయిన టాక్సిన్లు , రక్తహీనత వల్ల కళ్ల కింద నల్లటి వలయాలు వస్తాయి. కిడ్నీ వ్యాధి ఉన్నవారిలో ఎర్ర రక్త కణాల ఉత్పత్తి తగ్గుతుంది. ఇది ముఖాన్ని పాలిపోయినట్లు చేసి కళ్ల చుట్టూ నలుపును పెంచుతుంది.

Join WhatsApp Channel

Share

• 
• 
• 
• 
• 
•