Moringa Powder: మునగ చెట్టును “మెరాకిల్ ట్రీ ” అని పిలుస్తారు. మునగ ఆకు నుంచి బెరడు, కాయలు అన్ని మనకు ఎంతగానో ఉపయోగపడతాయి. ముఖ్యంగా మునగ ఆకుల పొడిలో అనేక రకాల పోషకాలు, విటమిన్లు, ఖనిజాలు, యాంటీఆక్సిడెంట్లకు, ఫైబర్ ఉంటాయి. బరువు తగ్గాలనుకునే వారికి మునగ పొడి ఒక సహజమైన, శక్తివంతమైన సప్లిమెంట్గా పనిచేస్తుంది. అంతే కాకుండా ఇది అనేక రకాల వ్యాధులు తగ్గించడంలో కూడా ఉపయోగ పడుతుంది. దీనికి సంబంధించిన పూర్తి వివరాలను ఇప్పుడు తెలుసుకుందాం.
బరువు తగ్గడానికి మునగాకు ఎలా వాడాలి ?
1. ఉదయం డిటాక్స్ డ్రింక్:
ఒక గ్లాసు గోరువెచ్చని నీటిని తీసుకోండి. దానిలో అర టీస్పూన్ (1/2 టీ స్పూన్) మునగ పొడి, కొద్దిగా నిమ్మరసం, కొద్దిగా తేనె కలపండి. ఇలా తయారు చేసిన ఈ డ్రింక్ ఉదయం పరగడుపున దీనిని తాగండి.
ప్రయోజనం: ఉదయం ఈ డిటాక్స్ డ్రింక్ తీసుకోవడం వల్ల జీవక్రియ పెరుగుతుంది. మునగలో ఉండే యాంటీఆక్సిడెంట్లు, ఫైబర్ జీర్ణవ్యవస్థను శుభ్రపరుస్తాయి. అంతే కాకుండా రోజంతా శక్తి స్థాయిలను స్థిరంగా ఉంచుతాయి. తద్వారా ఆకలిని నియంత్రించవచ్చు.
2. స్మూతీస్, జ్యూస్లు:
మీరు రోజూ తయారు చేసుకునే పండ్లు లేదా కూరగాయల స్మూతీ లేదా జ్యూస్లో ఒక టీస్పూన్ మునగ పొడిని కలపండి.
ప్రయోజనం: స్మూతీస్ లేదా జ్యూస్లలో మునగ పొడిని కలపడం వల్ల వాటి యొక్క పోషక విలువ (పెరుగుతుంది. అంతేకాకండా మునగ పొడిలో ఫైబర్ , ప్రోటీన్ అధికంగా ఉంటాయి. ఇవి ఎక్కువసేపు కడుపు నిండిన అనుభూతిని ఇస్తాయి. తద్వారా మీరు అనవసరమైన స్నాక్స్ తినకుండా ఉంటారు.
3. భోజనంలో కలుపుకోవడం:
మునగ పొడిని మీరు తీసుకునే కూరలు, సలాడ్ డ్రెస్సింగ్లు, చపాతీ పిండి, దోశ పిండి లేదా సూప్లపై చిలకరించండి.
ప్రయోజనం: ఆహారంలో మునగ పొడిని చేర్చడం వల్ల మీ భోజనానికి విటమిన్ల, ఖనిజాలు, యాంటీఆక్సిడెంట్లు సమృద్ధిగా లభిస్తాయి. విటమిన్ B జీర్ణక్రియను మెరుగు పరచడంలో, కొవ్వును శక్తిగా మార్చడంలో ముఖ్యమైన పాత్ర పోషిస్తుంది. అంతే కాకుండా ఇది బరువు తగ్గడానికి పరోక్షంగా సహాయ పడుతుంది.
4. మునగ టీగా తాగడం:
ఒక కప్పు వేడి నీటిలో అర టీస్పూన్ మునగ పొడిని వేసి, 5 నిమిషాలు నానబెట్టి, వడకట్టి తాగండి. దీనిని రోజుకు రెండుసార్లు కూడా తాగొచ్చు.
Also Read: కీళ్ల నొప్పులా ? వీటితో క్షణాల్లోనే.. పెయిన్ రిలీఫ్
ప్రయోజనం: మునగాకు టీ రక్తంలో చక్కెర స్థాయిలను స్థిరీకరించడంలో సహాయ పడుతుంది. రక్తంలో చక్కెర స్థాయిలు స్థిరంగా ఉన్నప్పుడు, అకస్మాత్తుగా వచ్చే తినాలన్న కోరికలు కూడా తగ్గుతాయి. ముఖ్యంగా స్వీట్లు తినాలనే కోరిక తగ్గుతుంది. ఇది బరువు నిర్వహణలో చాలా కీలకం.
5. క్యాప్సూల్స్ :
విధానం: మునగ పొడిని నేరుగా తీసుకోలేని వారు, మార్కెట్లో లభించే మునగ క్యాప్సూల్స్ లేదా టాబ్లెట్లను పోషకాహార నిపుణుల సలహా మేరకు తీసుకోవచ్చు.
ప్రయోజనం: క్యాప్సూల్స్ తీసుకునే వారికి మునగ యొక్క పోషకాలన్నీ అందుతాయి. మునగలో శోథ నిరోధక గుణాలు ఉండడం వల్ల శరీరంలోని దీర్ఘకాలిక మంటను తగ్గిస్తుంది. అంతే కాకుండా ఇది బరువు తగ్గడాన్ని అడ్డుకునే ఒక ముఖ్య కారకం
Share
Chevella Bus Accident: పైనుంచి నా కూతుళ్లు జీతం పంపించారా!! జ్ఞాపకాలు గుర్తు చేసుకొని బోరున ఏడ్చేసిన తండ్రి
Telangana: కార్తీక పౌర్ణమి నాడు జంతుబలితో క్షుద్రపూజలు.. స్కూల్, శ్మశానవాటికలో..
