Home remedies for summer: వేసవి కాలం వచ్చేసింది. మండుతున్న ఎండలు, చెమట, ధూళి వల్ల చర్మం తన సహజమైన కాంతిని కోల్పోయి నల్లగా, నిర్జీవంగా మారుతుంది. బయట తిరిగే వారు ఎంత జాగ్రత్తగా ఉన్నా సూర్యరశ్మి ప్రభావం చర్మంపై పడుతూనే ఉంటుంది. అయితే.. ఇలాంటి సమయంలో ఖరీదైన కెమికల్ ప్రొడక్ట్స్ వాడకుండానే.. మన వంటింట్లో దొరికే పదార్థాలతో చర్మాన్ని తిరిగి మెరిపించుకోవచ్చు. ఎండలో తిరిగినా మీ చర్మం తాజాగా, కాంతివంతంగా ఉండటానికి సహాయపడే 5 అద్భుతమైన హోమ్ రెమెడీస్ మీకోసం..
వేసవిలో స్కిన్ కేర్ అనేది కేవలం అందానికి సంబంధించింది మాత్రమే కాదు.. అది చర్మ ఆరోగ్యం కూడా. సూర్యుడి నుంచి వచ్చే అతి నీలలోహిత కిరణాలు చర్మ కణాలను దెబ్బతీస్తాయి. దీని వల్ల ముడతలు, నల్లని మచ్చలు, ట్యాన్ ఏర్పడతాయి. వీటిని సమర్థవంతంగా ఎదుర్కోవడానికి ఈ 5 చిట్కాలు పాటించండి.
1. కలబంద – సహజమైన మాయిశ్చరైజర్
కలబందలో యాంటీ ఆక్సిడెంట్లు , యాంటీ ఇన్ఫ్లమేటరీ గుణాలు పుష్కలంగా ఉంటాయి. ఇది చర్మాన్ని చల్లబరచడమే కాకుండా.. ఎండ వల్ల కలిగే మంటను తగ్గిస్తుంది.
ఎలా వాడాలి: తాజా కలబంద జెల్ను ముఖానికి, చేతులకు రాసుకుని 20 నిమిషాల తర్వాత చల్లని నీటితో కడిగేయండి. ఇది చర్మాన్ని హైడ్రేటెడ్గా ఉంచుతుంది.
2. పెరుగు , శనగపిండి – ట్యాన్ రిమూవర్
పెరుగులోని లాక్టిక్ యాసిడ్ చర్మంపై ఉన్న మృతకణాలను తొలగిస్తుంది. శనగపిండి చర్మాన్ని లోతుగా శుభ్రపరుస్తుంది.
ఎలా వాడాలి: రెండు చెంచాల పెరుగులో ఒక చెంచా శనగపిండి, చిటికెడు పసుపు కలిపి ప్యాక్లా వేసుకోండి. ఇది ఆరిన తర్వాత మెల్లగా స్క్రబ్ చేస్తూ కడిగేయండి. వారానికి రెండుసార్లు ఇలా చేస్తే ట్యాన్ త్వరగా తగ్గుతుంది.
3. టమాటో రసం – నేచురల్ బ్లీచింగ్ ఏజెంట్
టమాటోలో ఉండే లైకోపీన్ చర్మాన్ని ఎండ దెబ్బ నుంచి కాపాడుతుంది. ఇది చర్మంపై ఉండే నలుపును తొలగించి సహజమైన మెరుపును ఇస్తుంది.
ఎలా వాడాలి: టమాటో ముక్కను తీసుకుని ముఖంపై మసాజ్ చేయండి లేదా రసాన్ని అప్లై చేయండి. 15 నిమిషాల తర్వాత కడిగేయండి. జిడ్డు చర్మం ఉన్నవారికి ఇది బెస్ట్.
Also Read: ఎండల నుంచి రక్షణ.. ఈ సమ్మర్ హ్యాక్స్ పాటిస్తే.. వడదెబ్బ మీ దరి చేరదు!
4. కీరదోస, నిమ్మరసం – కూలింగ్ ఎఫెక్ట్
కీరదోస చర్మానికి చలువ చేస్తుంది. నిమ్మరసంలో ఉండే విటమిన్-సి చర్మం ఛాయను మెరుగు పరుస్తుంది.
ఎలా వాడాలి: కీరదోస రసంలో కొన్ని చుక్కల నిమ్మరసం కలిపి దూదితో ముఖానికి రాసుకోండి. ఇది చర్మ రంధ్రాలను బిగుతుగా చేసి, ముఖాన్ని తాజాగా ఉంచుతుంది.
5. పాలు, తేనె – చర్మ పోషణ:
ఎండ వల్ల చర్మం పొడిబారినట్లు అనిపిస్తే పాలు, తేనె అద్భుతంగా పనిచేస్తాయి.
ఎలా వాడాలి: పచ్చి పాలలో కొద్దిగా తేనె కలిపి ముఖానికి అప్లై చేయండి. ఇది చర్మానికి మంచి తేమను అందించి, మృదువుగా మారుస్తుంది.
Share
Horoscopes: సూర్య, చంద్రుల కలయికతో ఆ తేదీలో పుట్టిన వారి జాతకం వేరే లెవల్లో ఉంటుందట
ఐఫోన్ లవర్స్ ఎగిరి గంతేసే డిస్కౌంట్.. Apple Airపై ఏకంగా రూ.30,000 ధర తగ్గింపు!
