Tomato Face Mask: ముఖం అందంగా, తెల్లగా మెరిసిపోవాలని అందరికీ ఉంటుంది. ముఖ్యంగా గ్లోయింగ్ స్కిన్ కోసం చాలా మంది తాపత్రయ పడుతుంటారు. అంతే కాకుండా కొంత మంది హోం రెమెడీస్ ట్రై చేస్తారు. రసాయనాలతో తయారు చేసిన ప్రొడక్ట్స్కు బదులుగా హోం రెమెడీస్ వాడటం వల్ల మంచి ఫలితం ఉంటుంది. ఇదిలా ఉంటే.. టమాటోతో కూడా హోం రెమెడీస్ తయారు చేసుకుని వాడొచ్చు. ఇవి ముఖాన్ని మెరిసేలా చేస్తాయి. అంతే కాకుండా మచ్చలు కూడా మొటిమలను కూడా తొలగిస్తాయి. ఇంతకీ ఇన్ని ప్రయోజనాలు ఉన్న టమాటోను గ్లోయింగ్ స్కిన్ కోసం ఎలా ఉపయోగించాలనే విషయాలను గురించిన పూర్తి వివరాలను ఇప్పుడు తెలుసుకుందాం.
టమాటో ఫేస్ మాస్క్ ప్రయోజనాలు:
సహజ కాంతి: టమాటోలలో ఉండే విటమిన్ సి, లైకోపీన్ వంటి యాంటీఆక్సిడెంట్లు చర్మ కణాలను పునరుజ్జీవింపజేసి, సహజ కాంతిని అందిస్తాయి. అంతే కాకుండా ముఖం తెల్లగా మెరిసేలా చేస్తాయి.
మొటిమలు, మచ్చల నివారణ: టమాటోలలోని యాసిడిక్ గుణాలు మొటిమలకు కారణమయ్యే బ్యాక్టీరియాను నాశనం చేస్తాయి. ఇవి మొటిమలు, నల్ల మచ్చలను తగ్గించడంలో కూడా సహాయపడతాయి.
సన్ టాన్ తొలగింపు: సూర్యరశ్మి వల్ల ఏర్పడే టాన్ను తొలగించడంలో టమాటోలు సమర్థవంతంగా పనిచేస్తాయి. తరచుగా ముఖానికి టమాటో వాడటం వల్ల కూడా ట్యాన్ పూర్తిగా తొలగిపోతుంది.
చర్మ రంధ్రాల శుభ్రత: టమాటోలు చర్మ రంధ్రాలను శుభ్రం చేసి, వాటిని బిగుతుగా మార్చడంలో సహాయపడతాయి. అంతే కాకుండా ముఖాన్ని మెరిసేలా చేస్తాయి.
యాంటీ ఏజింగ్: యాంటీఆక్సిడెంట్లు ఫ్రీ రాడికల్స్ నుండి చర్మాన్ని రక్షించి, ముడతలు, సన్నటి గీతలు రాకుండా నిరోధిస్తాయి.
కొన్ని టమాటో ఫేస్ మాస్క్లు:
1. టమాటో, శనగపిండి మాస్క్ (కాంతి కోసం):
ముందుగా ఒక టమాటో గుజ్జుకు 1-2 చెంచాల శనగపిండిని కలపండి. ఈ మిశ్రమాన్ని ముఖం, మెడకు పట్టించి 15-20 నిమిషాలు ఆరనివ్వండి. తరువాత చల్లటి నీటితో శుభ్రం చేసుకోండి. ఇది చర్మాన్ని శుభ్రపరిచి, మెరుపును ఇస్తుంది. తరచుగా ఈ ఫేస్ మాస్క్ వాడటం వల్ల కూడా అద్భుతమైన ప్రయోజనాలు ఉంటాయి.
Also Read: ఉదయం పూట ఖాళీ కడుపుతో జామ ఆకులు తింటే.. ?
2. టమాటో, పసుపు మాస్క్ (మచ్చల కోసం):
ఒక టమాటో గుజ్జులో చిటికెడు పసుపు పొడిని కలపండి. ఈ మిశ్రమాన్ని మచ్చలు, మొటిమలు ఉన్న చోట అప్లై చేసి 10-15 నిమిషాలు ఉంచండి. పసుపు యాంటీసెప్టిక్గా పనిచేసి మచ్చలను తగ్గించడంలో సహాయపడుతుంది. అంతే కాకుండా ముఖంపై ఉన్న మొటిమలను తగ్గించడంలో కూడా మేలు చేస్తుంది. తక్షణ మెరుపు కోసం కూడా ఇది ఎంతగానో ఉపయోగపడుతుంది.
3. టమాటో, ఓట్స్ మాస్క్ (స్క్రబ్, టాన్ కోసం):
ఒక టమాటో గుజ్జుకు 1 చెంచా ఓట్స్ పొడిని కలపండి. ఈ మిశ్రమాన్ని ముఖానికి పట్టించి, మెల్లగా వృత్తాకార కదలికలతో స్క్రబ్ చేయండి. ఇది మృత కణాలను తొలగించి, టాన్ను తగ్గిస్తుంది. 15 నిమిషాల తర్వాత కడిగేయండి. ఈ ఫేస్ ప్యాక్ తరచుగా వాడటం వల్ల సూర్యరశ్మి వల్ల వచ్చే ట్యాన్ తొందరగా తొలగిపోతుంది.
Share
AIIMS Recruitment: టెన్త్, ఇంటర్తో 3501 ఉద్యోగాలు.. తక్కువ కాంపిటేషన్, అప్లై చేస్తే జాబ్ మీదే బ్రో
Luxury railway stations India: మన దేశంలో టాప్ రైల్వే స్టేషన్ అంటే ఇదే.. ఎందుకింత స్పెషల్?
