Gold Rates : ‘తగ్గేదేలే’ అంటున్న బంగారం..!

Today Gold Rates: భారతీయ మహిళలకు బంగారం అంటే ఎంత ఇష్టమో మనకు తెలిసిందే. ఏ ఏటికాయేడు మనదేశంలో బంగారం కొనుగోళ్లు పైపైకి సాగిపోతున్నాయి.

దీనికి తగినట్లు బంగారం ధర కూడా కొండెక్కి కూర్చుంటోంది. నిరుడు మనదేశంలో 747.5 టన్నుల బంగారం కొన్న జనం.. తమ మదుపు సొమ్మును బంగారం మీద పెట్టుబడిగా పెట్టేందుకు ఆసక్తి చూపుతున్నారు.

2023 మే నెలలో 10 గ్రాముల మేలిమి బంగారం రేటు… రూ.61,845కి చేరి ఆల్ టైం రికార్డును సృష్టించింది. కాగా.. ఈ రికార్డును బద్దలు కొడుతూ.. నవంబరు 16న ఈ ధర రూ.61,914కి చేరింది.

ఇదిలాగే కొనసాగితే.. 2024లో దేశీయంగా 800-900 టన్నుల బంగారం అమ్మకాలు జరగొచ్చని వరల్డ్ గోల్డ్ కౌన్సిల్ రూపొందించిన ‘గోల్డ్‌ డిమాండ్‌ ట్రెండ్స్‌ 2023’ నివేదికలో అంచనా వేసింది.

పెరుగుతున్న పసిడి ధరలకు తోడు దిగుమతి సుంకాల పెంపు, స్టాక్‌ మార్కెట్ల జోరు తదితరాలు ఇందుకు నేపథ్యం.

ఇక.. ప్రపంచవ్యాప్త పరిణామాలనూ ఆ నివేదిక వెల్లడించింది. 2023లో అంతర్జాతీయంగా బంగారానికి 2022 కంటే 5 శాతం తగ్గి 4448.4 టన్నులకు చేరిందని నివేదిక తెలిపింది.

Join WhatsApp Channel

Share

• 
• 
• 
• 
• 
•