Forest Bathing:శారీరికంగా మాత్రమే కాదు మానసికంగా కూడా ఆరోగ్యం అనేది ముఖ్యమే. దాని వెనుక ఎంతో సైన్స్ కూడా ఉంది. ఈరోజుల్లో శరీర వ్యాధులతో బాధపడుతున్న వారు ఎంతమంది ఉన్నారో.. మానసికంగా కూడా ఆరోగ్య సమస్యలు ఎదుర్కుంటున్న వారు కూడా అంతేమంది ఉన్నారు. ముఖ్యంగా వృద్ధుల్లో ఈ రెండు సమస్యలు ఎక్కువగా కనిపిస్తూ ఉంటాయి. అలాంటి వారికి దూరంగా ఉండడానికి పరిశోధకులు కొన్ని సలహాలు ఇస్తున్నారు.
పర్యావరణం అనేది ఎవరి మనసును అయినా ప్రశాంతంగా మారేలా చేస్తుంది. ముఖ్యంగా 65 ఏళ్ల వయసు పైబడిన వారు పర్యావరణంలో, పచ్చదనంలో సమయం కేటాయించడం వల్ల మానసికంగానే కాకుండా శారీరికంగా కూడా లాభాలు కలుగుతాయని రీసెర్చ్లో తేలింది. తైవాన్కు చెందిన శాస్త్రవేత్తలు.. ప్రకృతితో సమయం గడుపుతున్న కొందరు వృద్ధుల మానసిక స్థితిని స్టడీ చేశారు. దీని ద్వారానే వారి ఆరోగ్యం మెరుగుపడడంతో పాటు లైఫ్ క్వాలిటీ కూడా బాగుంటుందని గుర్తించారు.
ఇప్పటికే ప్రకృతిలో సమయం గడపడానికి ఎన్నో యాక్టివిటీస్ ఏర్పడ్డాయి. అందులో ఒకటి ఫారెస్ట్ బాతింగ్. అంటే అడవిలో సమయం గడపడం. స్వచ్ఛమైన గాలిని ఆస్వాదించడం, అడవి వాసనను లోపలికి తీసుకోవడం, అక్కడి శబ్దాలను వినడం, అనుభూతిని పొందడం.. ఇలాంటి ఫారెస్ట్ బాతింగ్లో భాగమే. హైకింగ్లాంటివి చేయడం వృద్ధులకు చాలా కష్టం. అందుకే దానికి బదులుగా ఫారెస్ట్ బాతింగ్ కూడా అలాంటి రిజల్టే ఇస్తుందని పరిశోధకులు అంటున్నారు.
జపాన్, తైవాన్, చైనా వంటి దేశాల్లో ప్రారంభమయిన ఈ ఫారెస్ట్ బాతింగ్ ప్రక్రియ.. ఇప్పుడు అమెరికాలో కూడా పాపులర్ అవుతోంది. అందుకే తైవాన్లోని క్జిటో ఎడ్యుకేషన్ ఏరియాకు వచ్చే వృద్ధులను రీసెర్చ్ కోసం ఎంపిక చేశారు. 2022లో ఈచోటికి తరచుగా వచ్చే దాదాపు 292 మందిని వారు స్టడీ చేశారు. పరిశోధకులు అడిగిన పలు ప్రశ్నలకు వారు సమాధానాలిచ్చారు. అడవి వల్ల వారు పొందుతున్న అనుభూతిని ఇతరులతో పంచుకున్న వారికి ఫారెస్ట్ బాతింగ్ వల్ల ఎక్కువ లాభాలు కలిగాయని వారు గుర్తించారు.
Vaccine For Covid:కోవిడ్కు కొత్త వ్యాక్సిన్.. మరింత మెరుగ్గా..
Lay Off Robots:రోబోలకు కూడా లేఆఫ్ తాకిడి.. గూగుల్ నిర్ణయం..
Share
Science Centre:దేశంలోనే మొదటి సైన్స్ సెంటర్ ఏర్పాటు..
Preethi : మెడికో ప్రీతి అంత్యక్రియులు పూర్తి.. స్వగ్రామంలో కన్నీటి వీడ్కోలు..
