Human Brain : వాతావరణ మార్పులు అనేవి విపరీతంగా పెరిగిపోతున్న సంగతి తెలిసిందే. దాని వల్ల పలు విధాలుగా మానవాళికి తీవ్ర ఇబ్బందులు ఎదురవుతున్నాయి. గత కొన్నేళ్లుగా వీటిని అదుపులోకి తీసుకురావడానికి శాస్త్రవేత్తలు ఎన్ని విధాలుగా ప్రయత్నించినా.. రోజురోజుకీ పరిస్థితులు ఇంకా దారుణంగా మారుతూనే ఉన్నాయి. అయితే ఈ వాతావరణ మార్పుల వల్ల మనుషులపై మానసిక ప్రభావం కూడా పడుతుందని శాస్త్రవేత్తలు ఇటీవల బయటపెట్టారు.
ఒక్కసారిగా వాతావరణంలో మార్పులు రావడం, గ్లోబల్ వార్మింగ్ అనేది మానవాళిపై ప్రభావం చూపిస్తుందని తెలుసు కానీ స్పష్టంగా వారిపై ఎలాంటి ఎఫెక్ట్ పడుతుంది అనే విషయం చాలామందికి తెలియదు. అయితే వీటి వల్ల మనుషులు మానసికంగా కూడా దెబ్బతింటారని శాస్త్రవేత్తలు కనిపెట్టారు. వాతావరణ మార్పులు అనేవి మనిషి మెదడు పెరుగుదలను ఆపేస్తాయని కాలిఫోర్నియా శాస్త్రవేత్తలు గమనించారు. 50 వేల ఏళ్ల క్రితానికి సంబంధించిన డేటాను స్టడీ చేసినప్పుడు శాస్త్రవేత్తలు ఈ విషయాలను తెలుసుకున్నారు.
వాతావరణ మార్పులు అనేవి మనిషి మెదడుపై ఎలాంటి ప్రభావం చూపిస్తాయి అనే విషయాన్ని శాస్త్రవేత్తలు తాజాగా స్టడీ చేశారు. మనిషి మెదడుతో పాటు వాతావరణ మార్పుల వల్ల మనిషి ప్రవర్తనపై కూడా ప్రభావం పడే ఛాన్స్ ఉందని కనిపెట్టారు. 50 వేల ఏళ్ల క్రితం నాటి మనిషి అస్తికలను, అప్పటి వాతావరణ మార్పుల రికార్డ్స్‌ను పరీక్షించి చూశారు. వాతావరణం వేడిగా మారుతున్నకొద్దీ మనిషి మెదడు చిన్నగా అవుతూ వస్తోందని తెలుసుకున్నారు. చల్లగా ఉన్న వాతావరణంలో మనిషి మెదడు మామూలు సైజ్‌లోనే ఉందని.. వేడిగా మారుతున్నకొద్దీ దాని సైజ్ తగ్గిపోతుందని గమనించారు.
కేవలం ఉష్ణోగ్రత మాత్రమే కాదు.. హ్యుమిడిటీ, వర్షపాతం వంటివి కూడా మనిషి మెదడును ప్రభావితం చేస్తాయని చెప్తున్నారు. ఇవన్నీ ఆగాలంటే వాతావరణం మామూలుగా మారాలని, ఉష్ణోగ్రతలు విపరీతంగా పెరిగిపోకుండా ఉండాలని శాస్త్రవేత్తలు తెలిపారు. అందుకోసం వారు ప్రయత్నాలు చేస్తున్నా.. ప్రతీ ఒక్కరూ వాతావరణ మార్పులను అదుపు చేయడం తమ బాధ్యతగా భావిస్తేనే.. అనుకున్న టార్గెట్‌ను రీచ్ అవుతామని అన్నారు. వాతావరణ మార్పులతో పాటు కల్చర్, టెక్నాలజీ లాంటి అంశాలు కూడా మనిషి మెదడు సైజ్‌పై ప్రభావం చూపిస్తాయని శాస్త్రవేత్తలు బయటపెట్టారు.
Share
AP BJP: సోముపై వేటుకు 10 రీజన్స్‌.. జనసేన, టీడీపీ ఇంపాక్ట్!
KishanReddy: కిషన్‌రెడ్డి ప్రొఫైల్ ఇదే.. స్టూడెంట్ లీడర్ నుంచి సెంట్రల్ మినిస్టర్ వరకు..
