California Gun Firing: అమెరికాలో మరోసారి కాల్పులు.. నలుగురు అక్కడికక్కడే..

California Gun Firing:  అగ్రరాజ్యం అమెరికాలో మరోసారి కాల్పుల కలకలం రేగింది. కాలిఫోర్నియాలోని స్టాక్‌టన్‌లో శనివారం రాత్రి జరిగిన ఓ బాలుడి పుట్టినరోజు వేడుక విషాదంగా మారింది. విందు హాల్‌లో దుండగులు జరిపిన కాల్పుల్లో నలుగురు మృతి చెందగా.. 14 మందికి గాయాలయ్యాయి. గాయపడిన వారిని చికిత్స నిమిత్తం ఆస్పత్రికి తరలించారు. నిందితులు ప్రస్తుతం పరారీలో ఉన్నారు.

కాల్పుల ఘటనపై శాన్ జోక్విన్ కౌంటీ షెరీఫ్ కార్యాలయం దర్యాప్తు ప్రారంభించింది. దీనిని లక్ష్యంగా పెట్టుకొని చేసిన దాడిగా అధికారులు అనుమానిస్తున్నారు. వేడుకలో ఒక్కసారిగా కాల్పుల శబ్దాలు రావడంతో అందరూ తీవ్ర భయాందోళన చెంది పరుగులు తీశారు. ఈ ఘటనపై స్టాక్‌టన్ వైస్ మేయర్ జాసన్ లీ తీవ్ర ఆవేదన వ్యక్తం చేశారు. బాధిత కుటుంబాలను ఆదుకుంటామన్నారు.

Join WhatsApp Channel

Share

• 
• 
• 
• 
• 
•