Asafoetida : ఇంగువ.. దీన్ని భారతీయులు పురాతన కాలం నుంచి ఉపయోగిస్తున్నారు. అనేక వంటల్లో ఇంగువ వేసుకుంటారు. దీంతో వంటకాలకు మంచి రుచి, వాసన కూడా వస్తాయి. ఇంగువ వేసి వండిన పదార్థాలను ఎక్కువ మంది ఎంతో ఇష్టంగా తింటారు.
అయితే ఇంగువతో మనకు ఎన్నో ఆరోగ్య ప్రయోజనాలు కూడా ఉన్నాయి. ఇంగువను ఆహారాల్లో తీసుకోవడం వల్ల గ్యాస్, పేగుల్లోని పురుగులు, ఇర్రిటబుల్ బౌల్ సిండ్రోమ్, అజీర్ణం, కడుపునొప్పి, కడుపు ఉబ్బరంగా ఉండటం, మలబద్దకం, డయేరియా, అల్సర్లు పోతాయి. ఇంగువలో యాంటీ వైరల్, యాంటీ బయోటిక్, యాంటీ ఇన్ఫ్లామేటరీ లక్షణాలు పుష్కలంగా ఉంటాయి. దీంతో శ్వాసకోశ సమస్యల నుంచి బయటపడవచ్చు. శరీరంలో ఎక్కువగా ఉండే మ్యూకస్ కూడా కరుగుతుంది. అంతేకాకుండా బాక్టీరియా, సూక్ష్మక్రిములు నశిస్తాయి. రోగ నిరోధక శక్తి కూడా బాగా పెరుగుతుంది. బ్రాంకైటిస్, ఆస్తమా, కోరింత దగ్గులాంటి సమస్యలకు ఇంగువ ఎంతో మేలు చేస్తుంది.
ఇంగువ తీసుకోవడం వల్ల స్త్రీలకు అనారోగ్య సమస్యలు దరిచేరవు. రుతు సమయంలో అధికంగా రక్తస్రావం కాకుండా ఉంటుంది. అలాగే సంతాన లోపం, ముందుగానే ప్రసవ నొప్పులు రావడంలాంటి సమస్యలు ఉండవు. దంతాలు, చెవుల నొప్పికి ఇంగువ మంచి ఔషధంగా పనిచేస్తుంది. ఒక గ్లాస్ నీటిలో కొద్దిగా ఇంగువ కలిపి నోట్లో పోసుకుని బాగా పుక్కిలిస్తే దంతాల నొప్పి కూడా తగ్గుతుంది. అలాగే కొబ్బరినూనె, ఇంగువ కలిపి రెండు చుక్కలు చెవుల్లో వేస్తే చెవి నొప్పి తగ్గుతుంది. ఈ ఇంగువలో ఉండే యాంటీ ఇన్ఫ్లామేటరీ గుణాలు నొప్పులు, వాపులను తగ్గిస్తాయని నిపుణులు చెబుతున్నారు.
Share
Waltair Veerayya Release date :‘వాల్తేరు వీరయ్య’ రిలీజ్ డేట్..మాస్ మూల విరాట్ వచ్చేది అప్పుడే
Jobs : ఇంటర్ అర్హతతో కేంద్ర ప్రభుత్వ ఉద్యోగం.. మొత్తం పోస్టుల 4500..
