అమెరికా ప్రభుత్వం హెచ్1బీ,హెచ్4 వీసాపై కొత్త నిర్ణయం తీసుకుంది. ఇటీవల పంపిన ఈమెయిల్స్ ద్వారా కొన్ని ఉద్యోగుల వీసాలను తాత్కాలికంగా రద్దు చేసినట్టు ప్రకటించింది. అయితే.. ఈ వీసాల రద్దు తాత్కాలికమే అని వాటి గడువు ముగిసే వరకు అమెరికాలో చట్టపరంగా నివసించవచ్చని ఇమిగ్రేషన్ అధికారులు స్పష్టపరిచారు. ఈ నిర్ణయం నేపథ్యంగా.. ట్రంప్ ప్రభుత్వం భద్రతా, నిబంధనల పరిరక్షణ కోసం ఈ చర్యలను తీసుకోవచ్చని అంచనా.
భారత్లో జరుగుతున్న హెచ్1బీ వీసా ఇంటర్వ్యూలు తాత్కాలికంగా నిలిపివేయబడ్డాయి. వీసా దరఖాస్తుదారులు వారి కుటుంబ సభ్యుల గత ఐదు సంవత్సరాల సోషల్ మీడియా కార్యకలాపాల వివరాలు ఇచ్చి సమర్పించాల్సి ఉంటుంది. ఇప్పటికే వీసాలు ఉన్న వారిని కూడా సోషల్ మీడియా వివరాలు సమర్పించమని కోరుతోంది.
ప్రస్తుతం అమెరికాలో ఉన్న వీసా దారులు సమస్య లేకుండా దేశంలో ఉండవచ్చు. కానీ.. దేశం నుండి బయలుదేరి తిరిగి రావాలంటే కష్టమయ్యే అవకాశం ఉంది. ఈ నిర్ణయం ఎక్కువగా భారతీయులపై ప్రభావం చూపనుందని విశ్లేషకులు చెబుతున్నారు. ఎందుకంటే హెచ్1బీ, హెచ్4 వీసాదారుల్లో ఎక్కువ సంఖ్య భారతీయులే ఉన్నారు.
Share
KTR: ప్రభుత్వంపై వ్యతిరేకతతోనే బీఆర్ఎస్కు పట్టం.. సర్పంచ్లకు అండగా లీగల్ సెల్: కేటీఆర్
Road Accident: గ్రానైట్ లోడ్తో వెళ్తున్న లారీ బీభత్సం.. సడన్గా బ్రేక్ వేయడంతో...
