Fighter Get: కువైట్‌లో US F-15 ఫైటర్ జెట్ క్రాష్.. వీడియోలు వైరల్

Fighter Get: కువైట్‌లోని అలీ అల్ సలేం ఎయిర్ బేస్ సమీపంలో అమెరికాకు చెందిన F-15 స్ట్రైక్ ఈగిల్ యుద్ధ విమానం సాంకేతిక కారణాలతో కూలిపోయింది. క్రమం తప్పకుండా జరిగే శిక్షణలో భాగంగా గాలిలోకి ఎగిరిన ఈ విమానం, అకస్మాత్తుగా నియంత్రణ కోల్పోవడంతో ఈ ప్రమాదం సంభవించింది. విమానం భూమిని ఢీ కొనకముందే భారీ శబ్దంతో మంటలు చెలరేగడం స్థానికంగా కలకలం రేపింది.

ఈ ప్రమాద సమయంలో విమానంలో ఉన్న పైలట్లు అత్యంత చాకచక్యంగా వ్యవహరించి తమ ప్రాణాలను కాపాడుకున్నారు. విమానం కూలిపోతుందని ముందే గ్రహించిన వారు, అందులోని ‘ఎజెక్షన్ సీట్’ వ్యవస్థ ద్వారా విమానం నుండి బయటకు దూకేశారు. పారాచూట్ల సాయంతో వారు సురక్షితంగా భూమికి చేరుకోగా, వెంటనే రంగంలోకి దిగిన రెస్క్యూ టీం వారిని సురక్షిత ప్రాంతానికి తరలించింది. పైలట్లకు స్వల్ప గాయాలయ్యాయని, ప్రస్తుతం వారి ఆరోగ్యం నిలకడగా ఉందని ఆర్మీ వర్గాలు వెల్లడించాయి.

ఈ ఘటనకు సంబంధించిన వీడియోలు ప్రస్తుతం సోషల్ మీడియాలో విపరీతంగా వైరల్ అవుతున్నాయి. విమానం నిలువుగా ఆకాశం నుండి కిందికి పడిపోవడం, ఆ తర్వాత పెద్ద ఎత్తున పొగలు కమ్మేయడం ఆ వీడియోల్లో స్పష్టంగా కనిపిస్తోంది. ఈ దృశ్యాలు చూస్తుంటే ప్రమాద తీవ్రత ఎంతలా ఉందో అర్థం చేసుకోవచ్చు. విమానం జనావాసాలు లేని ఖాళీ ప్రదేశంలో పడటంతో తృటిలో పెద్ద ముప్పు తప్పిందని అధికారులు ఊపిరి పీల్చుకున్నారు.

Also Read: అమెరికాతో ఇక చర్చల్లేవ్, వెనక్కి తగ్గం, తాడోపేడో తేల్చేందుకు సిద్ధమైన ఇరాన్

అమెరికా రక్షణ శాఖ (Pentagon) ఈ ఘటనపై అధికారిక ప్రకటన విడుదల చేస్తూ, ప్రమాదానికి గల కారణాలను అన్వేషించడానికి ఒక ఉన్నత స్థాయి దర్యాప్తుకు ఆదేశించింది. ఇది ఏదైనా ఉగ్రవాద చర్యనా లేక కేవలం ఇంజిన్ వైఫల్యమా అనే కోణంలో విచారణ జరుపుతున్నారు. ప్రాథమిక సమాచారం ప్రకారం సాంకేతిక లోపమే ప్రధాన కారణంగా కనిపిస్తున్నప్పటికీ, పూర్తి నివేదిక వచ్చాకే అసలు విషయాలు బయటపడతాయని అధికారులు తెలిపారు.

కువైట్‌లో US F-15 ఫైటర్ జెట్ క్రాష్

F-15 నుంచి కిందికి దూకడంతో ప్రాణాలతో బయటపడిన పైలెట్లు

F-15 కూలిపోయిందని అమెరికా ప్రకటన

ఫైటర్ జెట్ కూలిపోతున్న వీడియోలు వైరల్

US F-15 fighter jet crashes in Kuwait.. Pilots survive after jumping out of F-15 https://t.co/BWyR8w1AN3 pic.twitter.com/5OOTFQnBR1

— BIG TV Breaking News (@bigtvtelugu) March 2, 2026