Frozen Sea Water : సముద్రజలాలు గడ్డ కట్టడం మీరెప్పుడైనా చూశారా? సుడులు తిరుగుతున్న ప్రవాహాలను ఘనీభవన స్థితిలో వీక్షించడం దాదాపు అసాధ్యం. మున్నెన్నడూ చూడని అలాంటి అద్భుత దృశ్యాన్ని వీక్షించే అవకాశం కల్పించింది నాసా. తూర్పు కెనడాలోని లాబ్రెడార్ తీరంలో సముద్రజలం ఘనీభవించింది.
ఆ అరుదైన దృశ్యాన్ని అంతర్జాతీయ అంతరిక్ష కేంద్రం(ISS) నుంచి వ్యోమగాములు ఈ నెల 3న కెమెరాలో బంధించారు. మంచినీటిలాగానే సముద్రపు నీరు కూడా ఘనీభవిస్తుంది. అదీ అత్యల్ప ఉష్ణోగ్రతల వద్ద. మంచినీరు 32 డిగ్రీల ఫారిన్ హీట్ వద్ద ఫ్రీజ్ అయితే.. సముద్రజలాలు 28.4 డిగ్రీల ఫారిన్ హీట్(మైనస్ 2 డిగ్రీల సెల్సియస్) వద్ద గడ్డకడతాయి.
సంవత్సరంలో ఏదో ఒక సమయంలో కడలిలో దాదాపు 15 శాతం సముద్రపు మంచుగా మారిపోతుంది. లాబ్రెడార్ సముద్రం ఘనీభవించిన ఫొటోలను ఇన్స్టాగ్రామ్లో నాసా షేర్ చేసిన తొలి ఏడు గంటల్లోనే 2.1 లక్షల లైక్లు వచ్చాయి. అద్భుతం అంటూ నెటిజన్లు విపరీతంగా ప్రతిస్పందిస్తున్నారు.
Share
Side Effects Of Cashew Nuts: అతిగా జీడిపప్పు తింటున్నారా..? అయితే మీరు ప్రమాదంలో ఉన్నట్టే..
BRS Leaders Joined In Congress : బీఆర్ఎస్కు అల్లు అర్జున్ మామ షాక్.. కాంగ్రెస్లో చేరిన పట్నం, బొంతు..
