Mexico Drug Cartel Violence: డ్రగ్స్ మాఫియా కింగ్ ‘ఎల్ మెంచో’ మృతితో మెక్సికో అట్టుడుకుతోంది. దేశంలో అల్లర్లు చెలరేగడంతో.. ప్రభుత్వం లాక్ డౌన్ విధించింది. డ్రగ్స్ గ్యాంగ్స్ రెచ్చిపోతున్నాయి. పెట్రోల్ బ్యాంకులకు నిప్పు పెడుతున్నారు. మెక్సికన్ రాష్ట్రాల్లో స్కూళ్లను బంద్ చేశారు. ప్రజలెవ్వరూ బయటకు రావొద్దని అడ్వెజరీ జారీ చేశారు.
“ఎల్ మెంచో” అని పిలిచే నెమెసియో రూబెన్ ఒసేగురా సెర్వంటెస్.. మెక్సికో క్రిమినల్ నెట్‌వర్క్‌లకు డాన్. ఇతడు ఫెంటానిల్, మెథాంఫెటమైన్, కొకైన్‌ వంటి డ్రగ్స్ ను అమెరికాకు రవాణా చేయడంలో, డ్రగ్స్ మాఫియాను అడ్డుకుంటున్న ప్రభుత్వ అధికారులపై దాడులను చేయడంతో సిద్ధహస్తుడు. మెక్సికన్ సైన్యం అతడ్ని పట్టుకోవడానికి ప్రయత్నించగా, జరిగిన కాల్పుల్లో మరణించాడు. కార్టెల్ డ్రగ్స్ గ్యాంగ్ దేశవ్యాప్తంగా హింసకు పాల్పడుతోంది. రోడ్లను దిగ్బంధించి, వాహనాలకు నిప్పంటించారు.
మెక్సికో అధ్యక్షురాలు క్లాడియా షీన్‌బామ్.. పౌరులు ప్రశాంతంగా ఉండాలని కోరారు. ఆదివారం నాడు చెలరేగిన హింసతో సైన్యం ఎదుర్కొంటుంది. 20 రాష్ట్రాలలో 250కి పైగా రోడ్ బ్లాక్‌లను తొలగించినట్లు ప్రెసిడెంట్ ప్రకటించారు. కార్టెల్ డ్రగ్స్ గ్యాంగ్ నాయకుడిని పట్టుకోవడానికి జరిగిన ఆపరేషన్‌కు అమెరికా నిఘా సంస్థ మద్దతు అందించిందని ఆమె తెలిపారు. రెండు దేశాలలో మోస్ట్ వాంటెడ్ నేరస్థులలో ఒకరైన మెంచోను మట్టుబెట్టినందుకు మెక్సికో సైన్యాన్ని వైట్ హౌస్ ప్రశంసించింది.
ప్రపంచంలోనే అతిపెద్ద డ్రగ్స్ రవాణా కిన్ పిన్ మరణంతో కార్టెల్‌లపై మరింత చర్యలు తీసుకోవాలనే మెక్సికోను ట్రంప్ కోరారు. జాలిస్కో రాష్ట్ర రాజధాని, మెక్సికోలోని రెండో అతిపెద్ద నగరమైన గ్వాడాలజారా ఆదివారం పూర్తిగా స్తంభించింది. హింస చెలరేగడంతో భయపడిన నివాసితులు ఇళ్లలోనే ఉండిపోయారు. మెక్సికో అంతర్జాతీయ విమానాశ్రయం పరిమిత సిబ్బందితో మాత్రమే పనిచేస్తుంది. జాలిస్కో, మిచోకాన్, గ్వానాజువాటోలలో ఆదివారం జరిగిన ఘటనలలో ఏడుగురు నేషనల్ గార్డ్ సైనికులు సహా కనీసం 14 మంది మరణించినట్లు అధికారులు తెలిపారు.
Also Read: డ్రగ్స్ మాఫియాపై ‘ఈగల్’ పంజా.. తెలంగాణలో సింథటిక్ డ్రగ్స్ అంతమే లక్ష్యం!
ఎల్ మెంచోను పట్టుకునేందుకు మెక్సికో సైన్యం ఎప్పటి నుంచో ప్రయత్నాలు చేస్తుంది. అమెరికా ఇంటెలిజెన్స్‌ సాయంతో మెంచో ఆచూకీని గుర్తించి చుట్టుముట్టారు. ఈ క్రమంలో జరిపిన కాల్పుల్లో తీవ్రంగా గాయపడిన మెంచోను ఆసుపత్రికి తరలిస్తుండగా మృతి చెందాడు. అతడిపై దాదాపు రూ.136 కోట్లు రివార్డు ఉంది.
Share
Sreemukhi : శ్రీముఖి ఏముంది మావా.. లంగావోణీలో మనసు దోచుకుంటుంది..
Balakrishna: ఫ్లాప్ డైరెక్టర్ తో బాలయ్య.. అంత నమ్మకమేంటి?
