Iran Hospital : ఇరాన్ రాజధాని టెహ్రాన్లోని గాంధీ ఆస్పత్రి అగ్నికీలల్లో చిక్కుకుంది. ఆస్పత్రి భవనం ముందుభాగంలో మంటలు ఎగసిపడుతున్న వీడియోను మైక్రో బ్లాగింగ్ ప్లాట్ఫాం ‘ఎక్స్’లో స్పుత్నిక్ న్యూస్ ఏజెన్సీ పోస్ట్ చేసింది. ఈ ప్రమాదం దరిమిలా 80 మంది రోగులను హుటాహుటిన తరలించారు. ఇతర ఆస్పత్రులకు వారందరినీ చేర్చినట్టు ఇరాన్ ఆరోగ్య శాఖ అధికార ప్రతినిధి పెడ్రం పాక్ అయిన్ వెల్లడించారు.
సిబ్బంది, పేషంట్లలో ఎవరూ గాయపడలేదని తెలిపారు. మంటలు ఎగసి పడటానికి కారణాలు తెలియరావాల్సి ఉంది. ఆస్పత్రి భవనం వెలుపలి నుంచి మంటలు వ్యాపించినట్టు ప్రాథమిక సమాచారం. ఉత్తర టెహ్రాన్లోని గాంధీ ఆస్పత్రిలో 100 పడకలు ఉన్నాయి. 17 ఆపరేషన్ల థియేటర్లు, 100 గదులు ఉన్నాయి. అగ్నిప్రమాదం సంభవించిన సమయంలో ఆస్పత్రిలో ఎంత మంది రోగులకు చికిత్స అందుతున్నదన్నదీ కచ్చితంగా తెలియడం లేదు.
నిరుడు ఆగస్టులో గ్రాండ్బజార్లో అగ్నిప్రమాదం వల్ల పలు దుకాణాలు ధ్వంసం కాగా.. పలువురు గాయపడ్డారు. జూన్ 2020లో నార్తర్న్ టెహ్రాన్లో ఓ క్లినిక్లో గ్యాస్ సిలిండర్లు పేలి. 19 మంది మరణించారు. జనవరి 2017లో 15 అంతస్తుల ప్లాస్కో షాపింగ్ సెంటర్లో మంటలు చెలరేగి 22 మంది మరణించారు. వీరిలో 16 మంది అగ్నిమాపక సిబ్బందే.
Share
Sania Mirza : అద్దంలో నేను.. విడాకుల తర్వాత సానియా ఫస్ట్ పోస్ట్..!
Twins Re Unite : టాలెంట్ షోతో 19 ఏళ్లకు దగ్గరైన కవలలు..!
