Hizbullah Attack : బైడెన్ ఇజ్రాయెల్ టూర్.. యూఎస్ సైనిక స్థావరంపై టెర్రర్ ఎటాక్

Hizbullah Attack : సిరియాలోని యూఎస్ సైనిక స్థావరమే లక్ష్యంగా హిజ్బుల్లా రాకెట్ దాడికి పాల్పడింది. బైడెన్ ఇజ్రాయెల్ పర్యటన ముగించుకుని.. తిరిగి అమెరికాకు పయనమవుతున్న సమయంలో ఈ దాడి జరిగింది. ఇరాన్ మద్దతు ఉన్న సంస్థలు.. ఇరాక్‌లోని రెండు సైనిక స్థావరాలను లక్ష్యంగా చేసుకుని మూడు రాకెట్లను ప్రయోగించారు. సిరియాలోని సైనిక స్థావరంపై కూడా దాడి జరిగింది. గాజా స్ట్రిప్ లో ఆసుపత్రిపై జరిగిన దాడికి సంబంధించి ఇజ్రాయెల్ కు క్లీన్ చిట్ ఇవ్వడంతో ఈ దాడులు జరిగాయి.

అమెరికా సైనిక స్థావరంపై హిజ్బుల్లా రాకెట్‌ను ప్రయోగించినప్పుడు అధ్యక్షుడు జో బైడెన్ ఇజ్రాయెల్ నుండి తిరిగి వచ్చాడు. బైడెన్ తిరిగి వచ్చిన తర్వాత.. సిరియాలోని అమెరికా సైనిక స్థావరంపై హిజ్బుల్లా గురిపెట్టింది. ఇరాక్‌లోని యుఎస్ ఆర్మీ స్థావరాలను కూడా లక్ష్యంగా చేసుకున్నారు. మిత్రరాజ్యాల సైన్యానికి చెందిన కొందరు సైనికులు ఇక్కడ గాయపడినట్లు స్థానిక మీడియా సంస్థలు చెబుతున్నాయి.

ఇరాక్‌లోని సైనిక శిబిరాలపై 24 గంటల్లో రెండు డ్రోన్ దాడులు జరిగాయి. పశ్చిమ, ఉత్తర ఇరాక్‌లోని సైనిక శిబిరాలపై జరిగిన ఈ దాడిలో మిత్రరాజ్యాల సైన్యానికి చెందిన కొందరు సైనికులు గాయపడ్డారు.అయితే ప్రస్తుతం ఎలాంటి ప్రాణనష్టం జరిగినట్లు సమాచారం లేదు. ఇరాక్‌లోని అమెరికా సైనిక స్థావరాన్ని ఇరాన్‌ మద్దతుగల గ్రూపులు లక్ష్యంగా చేసుకోవడం ఏడాది కాలంలో ఇదే తొలిసారి. సైనిక స్థావరాలపై మూడు సార్లు డ్రోన్ దాడులు జరిగాయని అమెరికా అధికారులు తెలిపారు. ఇరాక్, కుర్దిస్థాన్ ప్రాంతంలో పశ్చిమాన ఉన్న అల్-హరీర్ ఎయిర్ బేస్ పై రాకెట్ దాడి రిగింది.

ఇరాక్‌లోని ఇరాన్-మద్దతు గల గ్రూపులు ఇజ్రాయెల్‌కు అమెరికా మద్దతుపై అక్కడి అమెరికా సౌకర్యాలపై దాడి చేస్తామని బెదిరించారు. ఇరాక్‌లోని ఇస్లామిక్ రెసిస్టెన్స్ తరువాత రెండు దాడులకు బాధ్యత వహిస్తూ ఒక ప్రకటన విడుదల చేసింది. ఇది “అమెరికన్ ఆక్రమణకు” వ్యతిరేకంగా “మరిన్ని కార్యకలాపాలకు నాంది” అని పేర్కొంది. ఈ దాడి ఇజ్రాయెల్-హమాస్ యుద్ధం యొక్క ఫలితం, ఇజ్రాయెల్ కు అమెరికా ఆయుధాలతో సహా అన్ని విధాలుగా సహాయం చేస్తోంది.

అక్టోబరు 7న ఇజ్రాయెల్ – పాలస్తీనాల మధ్య యుద్ధం ప్రారంభమైనప్పటి నుండి.. ప్రపంచ దృష్టి మొత్తం హమాస్ పైనే ఉంది. అలాగే ఇప్పుడు హమాస్ మిత్రపక్షమైన హిజ్బుల్లా కార్యకలాపాలపై దృష్టి పడింది. గతంలో.. ఇజ్రాయెల్ సైన్యం, హిజ్బుల్లా యోధుల మధ్య వైమానిక దాడులు జరిగాయి.