Valentine’s Day Tax in Bali: వాలెంటైన్స్ డే నాడు విదేశీ టూరిస్టులకు ఇండొనేసియా వాత పెట్టింది. ప్రపంచ ప్రసిద్ధ టూరిస్ట్ డెస్టినేషనల్లో ఒకటైన బాలి ప్రావిన్స్లోకి ప్రవేశించాలంటే ఇక నుంచి పన్ను చెల్లించాల్సిందే.
బీచ్లు, ఎంతో అందమైన లాండ్స్కేప్లకు ఆ ప్రాంతం పెట్టింది పేరు. నిరుడు జనవరి-నవంబర్ నెలల మధ్య 4.8 మిలియన్ల మంది టూరిస్టులు బాలిని సందర్శించారని అంచనా.
టూరిస్ట్ టాక్స్ను గత సంవత్సరం ప్రకటించగా.. బుధవారం వాలెంటైన్స్ డే నుంచి అమల్లోకి వచ్చింది. బాలితో పాటు ఇతర ప్రాంతాల్లో పర్యటించే విదేశీ పర్యాటకులకు మాత్రమే ఈ టాక్స్ వర్తిస్తుంది. స్థానిక టూరిస్టులకు దీని నుంచి మినహాయింపు ఇచ్చింది.
దేశంలోకి అడుగుపెట్టడానికి మునుపే ట్రావెలర్లు 9.6 డాలర్లను ‘లవ్ బాలి’ వెబ్సైట్ ద్వారా చెల్లించాల్సి ఉంటుంది. కరోనా మహమ్మారి రాక ముందు బాలి జీడీపీలో 60 శాతం పర్యాటకరంగం నుంచే లభించేది. నిరుడు లక్ష మంది బాలిని సందర్శించారని అంచనా. వీరిలో అత్యధికులు ఇండియా, చైనా, సింగపూర్ దేశాల నుంచే విచ్చేశారు.
ఇండొనేసియా దీవుల పర్యావరణాన్ని, సంస్కృతిని పరిరక్షించే లక్ష్యంతో ఈ పన్ను విధిస్తున్నట్టు ప్రభుత్వం ప్రకటించింది.
Share
Ketika Sharma: కేతిక శర్మ హాట్ ఫోజులకు అల్లాడుతున్న నెటిజన్లు..!
Budh Gochar 2024: కుంభరాశిలోకి బుధుడు ప్రవేశం.. ఈ రాశుల వారికి విశేష ప్రయోజనం..!
