Iran: ఇరాన్‌లో భారీ భూకంపం.. ఏడుగురి దుర్మరణం

Iran: వరుస భూకంపాలతో ఇరాన్ వణికిపోతోంది. తాజాగా అజర్‌బైజాన్ ప్రావిన్స్‌లోని ఖోయ్ నగరంలో భూమి కంపింది. భూకంప తీవ్రత రిక్టర్ స్కేలుపై 5.9గా నమోదైంది. భూకంప ప్రభావంతో నగరంలోని భవనాలు నేలమట్టమయ్యాయి. ఈ ఘటనలో ఏడుగురు మృతి చెందారు. దాదాపు 440మందికిపైగా గాయాలపాలయ్యారు. శిథిలా కింద పడి కొందరు మృతి చెందగా.. తప్పించుకునేందుకు భవనాలపై నుంచి దూకి వందలాది మంది గాయాలపాలయ్యారు. మృతుల సంఖ్య మరింత పెరిగే అవకాశం ఉంది.

భూకంప ప్రభావిత ప్రాంతంలో సహాయక చర్యలు కొనసాగుతున్నాయని ఇరాన్ అత్యవసర సేవల విభాగ అధికారులు తెలిపారు. ఆయా ప్రాంతాల్లో మంచు కురుస్తుండడంతో సహాయక చర్యలకు ఆటంకం కలుగుతోందని వెల్లడించారు. మరోవైపు విద్యుత్ సరఫరా కూడా నిలిచిపోయిందని తెలిపారు.

Join WhatsApp Channel

Share

• 
• 
• 
• 
• 
•