America : అగ్రరాజ్యంలో ఉద్యోగాలు చేయాలనుకొనే వారికి గుడ్ న్యూస్ చెప్పింది అమెరికా. ముఖ్యంగా భారతీయులకు మేలు చేసేలా మరో ముందడుగు పడింది. ఈక్వల్ యాక్సెస్ టు గ్రీన్ కార్డ్ ఫర్ లీగల్ ఎంప్లాయ్మెంట్ యాక్ట్-2022కు వైట్ హైస్ ఓకే చెప్పింది. బిల్లుపై ఈ వారంలోనే యూఎస్ పార్లమెంట్ దిగువ సభలో ఓటింగ్ నిర్వహించేందుకు సర్వం సిద్ధమైనట్లు తెలుస్తోంది.
ఇప్పటి వరకు ప్రతి సంవత్సరం జారీ చేసే గ్రీన్ కార్డుల్లో ఒక్కో దేశానికి సంబంధించి నిర్దిష్ట సంఖ్యలో మాత్రమే కార్డులు జారీ చేస్తోంది అమెరికా. యూఎస్ వెళ్లాలనుకున్న ఎవరికైనా అధిక వృత్తి నైపుణ్యాలున్నా.. అప్పటికే ఆ దేశ కోటా పూర్తయితే అలాంటి వారికి గ్రీన్ కార్డు ఇవ్వడం లేదు. ఈ క్రమంలో ఈ తరహా నిబంధనలను అమెరికా ఎత్తివేస్తోంది. ఏదేశంలో పుట్టాడనే దానితో సంబంధం లేకుండా అత్యున్నత వృత్తి నైపుణ్యాలు ఉన్న వ్యక్తులను ఒకే దేశం నుంచి అయినా సరే.. ఎక్కువ సంఖ్యలో తీసుకొనేందుకు ఈగల్ చట్టం అవకాశం కల్పించనుంది.
ఈగల్ చట్టం అమల్లోకి వస్తే భారతీయులకు ఎక్కువగా మేలు జరుగుతుందని భావిస్తున్నారు. ఇప్పటి వరకు గ్రీన్ కార్డు పొందుతున్న భారతీయుల సంఖ్య పరిమితంగానే ఉంటోంది. వృత్తి నైపుణ్యాలున్న చాలా మందికి యూఎస్ వెళ్లాలనే కోరిక కలగానే మిగిలిపోతోంది. తాజాగా అమెరికా తెచ్చిన కొత్త చట్టంతో భారతీయులకు మేలు జరగనుంది.
Share
Sri Satya Sai District : ప్రజల ప్రాణాలతో ఆర్ఎంపీ చెలగాటం.. నాటు వైద్యం వికటించి ఇద్దరి మృతి..
Twitter: వైసీపీకి సైబర్ షాక్.. ట్విటర్ అకౌంట్ హ్యాక్..
