Massive Oil Spill Caribbean Island: కరీబియన్ ఐలాండ్ సమీపంలో గుర్తు తెలియని నౌక ప్రమాదానికి గురైంది. ఆ నౌకలోని చమురు 15 కిలోమీటర్ల మేర తీర ప్రాంతాన్ని ముంచెత్తించింది. ట్రినిడాడ్, టబేగోకు చెందిన దాదాపు 1000 మంది వాలంటీర్లు చమురు లీకేజీని అడ్డుకునే ప్రయత్నాల్లో నిమగ్నమయ్యారు.
ఈ నేపథ్యంలో టబేగో అధికారులు ఎమర్జెన్సీ ప్రకటించారు. చేపలవేటకు దూరంగా ఉండాలని, సెయిలింగ్ కార్యకలాపాలు కూడా చేపట్టొద్దని చెప్పారు. ఈ ప్రమాదాన్ని లెవల్-3గా ప్రకటించారు. అట్లాంటిక్ తీరంలోని బీచ్లు, రీఫ్లకు తీవ్ర నష్టం వాటిల్లినట్టు పర్యావరణవేత్తలు చెబుతున్నారు.
Read More: PAK Elections 2024: ఎన్నికల ఫలితాల్లో జాప్యం.. దేశవ్యాప్తంగా పాకిస్తాన్ తెహ్రీక్-ఇ-ఇన్సాఫ్ నిరసన..
కార్నివాల్ టూరిజంపై ఆధారపడిన కరీబియన్ ఐలాండ్లోని రిసార్ట్లు, హోటళ్ల వ్యాపారంపైనా దీని ప్రభావం గణనీయంగా ఉండొచ్చని భావిస్తున్నారు. మునకకు గురైన నౌకను గల్ఫ్స్ట్రీమ్గా గుర్తించారు. దక్షిణ టబేగోలోని కోవ్ ఎకో-ఇండస్ట్రియల్ పార్క్ తీరానికి 200 మీటర్ల దూరంలో బుధవారం ఈ నౌక మునిగిపోయింది. ప్రస్తుతం చమురును తొలగించే పని ముమ్మరంగా సాగుతోంది.
Share
Kadapa Politics: కడప కోటకు బీటలు.. బరిలో ఆయన భార్య..
Ummareddy Venkata Ramana: ఎంపీ టికిట్ నిరాకరించిన ఉమ్మారెడ్డి!.. గుంటూరు వైసీపీలో గుబులు! 
