Singapore Airlines: విమానంలో భారీ కుదుపులు.. ఒకరు మృతి, 30 మందికి గాయాలు!

1 Dead, 30 Injured in Singapore Airlines Trubulence: సింగపూర్ ఎయిర్ లైన్స్ కు చిందిన విమానం గాల్లో ఉండగానే తీవ్రమైన కుదుపులకు గురైంది. ఈ ఘటనలో ఒకరు మృతి చెందగా సుమారు 30 మంది గాయపడినట్లు తెలుస్తోంది. లండన్ నుంచి సింగపూర్ వెళుతుండగా ఈ ఘటన చోటు చేసుకున్నట్లు ఎయిర్ లైన్స్ వెల్లడించింది.

సింగపూర్ ఎయిర్ లైన్స్ కు చెందిన బోయింగ్ 777- 300ER విమానం 211 మంది ప్రయాణికులు, 18 విమాన సిబ్బందితో లండన్ నుంచి సింగపూర్ బయలు దేరింది. టేకాఫ్ అయిన కాసేపటికే విమానం తీవ్ర కుదుపులకు లోనైనట్టు ఎయిర్ లైన్స్ వెల్లడించింది. అనంతరం ప్లైట్ ను బ్యాంకాక్ మళ్లించినట్లు ప్రకటించింది. సోమవారం మధ్యాహ్నం 3:45 గంటల సమయంలో సువర్ణభూమి ఎయిర్ పోర్టులో విమానాన్ని సురక్షితంగా ల్యాండ్ చేసినట్లు పేర్కొంది.

అయితే ఈ ఘటనలో ఓ ప్రయాణికుడు మరణించగా, సుమారు 30 మంది గాయపడినట్లు ఎయిర్ లైన్స్ తెలిపింది. ఈ మేరకు మృతి చెందిన కుటుంబానికి సంతాపం ప్రకటించింది. అంతే కాకుండా గాయపడిన వారికి మెరుగైన చికిత్స అందించే విషయంపై థాయ్ లాండ్ అధికారులతో సంప్రదింపులు జరిపినట్లు తెలిపింది.

Also Read: సింగపూర్ లో కోవిడ్ కలకలం.. వారం రోజుల్లో 25,900 కేసులు నమోదు!

A Singapore Airlines Boeing 777-312(ER) aircraft (9V-SWM) operating flight SQ321 from London (LHR) to Singapore (SIN) hit an air pocket and made an emergency landing at Suvarnabhumi Airport, Bangkok (BKK) at 3:34 pm today. Initial reports indicate 20 people were injured.… pic.twitter.com/G4TH7Vs2xX

— FL360aero (@fl360aero) May 21, 2024