TVS Scooty Pep+ Scooter: మహిళలకు, వృద్ధులకు ఈ స్కూటీ సూపర్.. ధర తక్కువ, మైలేజ్ ఎక్కువ.. మిస్ అవ్వొద్దు!

TVS Scooty Pep Plus Scooter for Girls and Womens: ఇండియన్ మార్కెట్లో బైక్‌లతో పాటు స్కూటర్‌లకు కూడా మంచి డిమాండ్ ఉంది. ఈ విభాగంలో చాలా పెద్ద కంపెనీలు ఉన్నాయి. అయినప్పటికీ వాటిలో హోండా యాక్టివా అత్యధికంగా అమ్ముడైన స్కూటర్. ఈ రోజుల్లో చాలా మంది ప్రజలు రోజువారీ ఉపయోగం కోసం స్కూటర్లను ఇష్టపడతారు.

ముఖ్యంగా స్కూటర్లు గేర్‌లెస్, మోటార్‌సైకిళ్ల కంటే సులభంగా ఆపరేట్ చేయడం వల్ల స్త్రీలలో బాగా ప్రాచుర్యం పొందాయి. అందువల్ల పిల్లలను స్కూల్‌కి దింపడం, షాపింగ్ చేయడం వంటి అన్ని పనులకు మహిళలు స్కూటర్‌లను ఇష్టపడతారు. అయితే దేశీయ విపణిలో లభ్యమవుతున్న చాలా స్కూటర్లు 125 సీసీ కెపాసిటీతో భారీగానే ఉన్నాయి. వీటిని నడపడంలో మహిళలు అనేక సమస్యలు ఎదుర్కోవాల్సి వస్తుంది. అటువంటి పరిస్థితిలో చాలా మంది మహిళలు తేలికపాటి స్కూటర్ కోసం చూస్తున్నారు.

అలాంటి వారికి TVS స్కూటర్ మంచి ఎంపిక అని చెప్పొచ్చు. ఇది తక్కువ బరువుతో అద్భుతమైన మైలేజీని అందిస్తుంది. మహిళా రైడర్లు, సీనియర్ సిటిజన్ల కోసం ఈ స్కూటర్ ప్రత్యేకంగా రూపొందించబడింది. ప్రస్తుతం వృద్ధులకు, మహిళలకు ఎక్కువగా ఉపయోగపడుతున్న టీవీఎస్ స్కూటీ పెప్ ప్లస్ స్కూటర్ (TVS Scooty Pep Plus scooter) గురించి మాట్లాడుకుంటున్నాం.

Also Read: అమ్మాయిలకు ఈ ఎలక్ట్రిక్ స్కూటర్లు ఎంతో ప్రత్యేకం.. ధర రూ. 50 వేల లోపే కొనుగోలు చేయవచ్చు!

ఇది మ్యాట్ బ్లాక్, మ్యాట్ బ్లూతో సహా అనేక ఆకర్షణీయమైన కలర్ ఆప్షన్లలో అందుబాటులో ఉంది. ఈ కొత్త TVS స్కూటీ పెప్ ప్లస్ స్కూటర్ 87.8 cc పెట్రోల్ ఇంజన్‌తో 5.43 PS గరిష్ట శక్తిని, 6.5 Nm గరిష్ట టార్క్‌ను ఉత్పత్తి చేస్తుంది. ఇంధన సామర్థ్యం విషయానికొస్తే.. ఇది లీటరుకు 50 కిమీల మైలేజీని ఇస్తుంది.

కొత్త TVS స్కూటీ పెప్ ప్లస్ స్కూటర్‌లో హాలోజన్ హెడ్‌లైట్, LED డేటైమ్ రన్నింగ్ లైట్లు (DRL), అనలాగ్ ఇన్‌స్ట్రుమెంట్ కన్సోల్, సైడ్ స్టాండ్ అలారం, USB ఛార్జింగ్ పోర్ట్ వంటి అనేక ఫీచర్లు ఉన్నాయి. TVS స్కూటీ పెప్ ప్లస్ స్కూటీ బరువు కేవలం 93 కిలోలు మాత్రమే. ఇందులో 4.2-లీటర్ కెపాసిటీ కలిగిన ఇంధన ట్యాంక్ ఉంది.

Also Read: Jitendra Primo: సూపరో సూపర్.. 137 కి.మీ మైలేజీ‌తో కొత్త ఎలక్ట్రిక్ స్కూటర్ లాంచ్.. కేవలం రూ.79,999లకే.. ఓ రేంజ్‌లో ఫీచర్లు!

టెలిస్కోపిక్ ఫోర్క్ ముందు, మోనోషాక్ సస్పెన్షన్ సెటప్ వెనుక అందుబాటులో ఉంది. భారత మార్కెట్లో ఈ స్కూటీ ధర రూ. 63,060 నుండి రూ. 66,160 (ఎక్స్-షోరూమ్) మధ్య ఉంది. సేఫ్టీ కోసం ఇది డ్రమ్ బ్రేక్ ఎంపికను కలిగి ఉంది. ఇందులో 10 అంగుళాల అల్లాయ్ వీల్స్ ఉన్నాయి. అలాగే దీని గ్రౌండ్ క్లియరెన్స్ 135 మిమీ, సీటు ఎత్తు 760 మిమీ. TVS స్కూటీ పెప్ ప్లస్ భారత మార్కెట్లో హీరో ప్లెజర్ స్కూటర్‌తో పోటీ పడుతోంది.