EMI Missing: ఒకటో తేదీ రాగానే అందరిలోనూ ఒకటే టెన్షన్. అదే ఈఎంఐ టెన్షన్. ఆర్థిక అవసరాలకు కోసం లోన్ తీసుకున్నా? లేదా ఏదైనా వస్తువును ఈఎంఐలో కొనుగోలు చేసినా ఈఎంఐలు పెట్టుకుంటాం. ఒకవేళ ఒక నెల ఈఎంఐ కట్టడం లేట్ అయినా, కట్టకపోయినా.. భారీ వడ్డీలు, క్రెడిట్ స్కోర్ తగ్గిపోవడం.. ఇలా నానా టెన్షన్లు ఉంటాయి. ఏదైనా అనుకోని పరిస్థితుల్లో ఈఎంఐ చెల్లించకపోతే వెంటనే బ్యాంకులను సంప్రదించాలని నిపుణులు చెబుతున్నారు.
ఒక్కసారి ఈఎంఐ తప్పితే బ్యాంకులు కస్టమర్ల చెల్లింపు సామర్థ్యాన్ని తక్కువగా అంచనా వేయవు. క్రెడిట్ బ్యూరోలు.. కస్టమర్లు ఇప్పుడు వరకు చెల్లించిన ఈఎంఐలను గమనిస్తాయి. అప్పుడప్పుడు జరిగే ఒకటి రెండు పొరపాట్లను ప్రామాణికంగా తీసుకోవు. ఒక ఈఎంఐ ఆలస్యమైనప్పటికీ 30 రోజుల్లోపు దాన్ని తిరిగి చెల్లిస్తే క్రెడిట్ స్కోరుపై పెద్దగా ప్రభావం పడదని నిపుణులు అంటున్నారు. కానీ అదే పనిగా ఈఎంఐ కట్టం ఆలస్యం అయితే మాత్రం భారీగా వడ్డీ పడుతుంది. అలాగే రికవరీ చర్యలు, క్రెడిట్ స్కోరు తగ్గిపోవడం ఉంటాయి.
Also Read: ఎయిర్టెల్ యూజర్లకు రూ.4,000 సబ్స్క్రిప్షన్ ఫ్రీ.. ఎలా పొందాలో చూసేయండి!
ఈఎంఐ కట్టడం లేట్ అయితే వెంటనే బ్యాంకును సంప్రదించాలి. మీ ఆర్థిక పరిస్థితిని వివరించాలి. మంచి క్రెడిట్ హిస్టరీ ఉన్న వారికి ఈఎంఐ చెల్లింపు తేదీని మార్చడానికి, తాత్కాలిక ఉపశమనం కల్పించడానికి బ్యాంకులు అంగీకరిస్తాయి. చాలామంది భయంతోనో, సరైన సమాచారం లేకో బ్యాంకులను సంప్రదించరు. ఒక్క ఈఎంఐ చెల్లించకపోతే క్రెడిట్ హిస్టరీ దెబ్బతింటుందని అనుకుంటారు. కానీ, ఇది అపోహే. ఈఎంఐ మిస్ అయితే జరిమానాలు, వడ్డీలతో భారం పెరిగిపోతుంది. దీనివల్ల వచ్చే ఈఎంఐపై మరింత భారం పడుతుంది. అందుకే ఈఎంఐ చెల్లించడం లేట్ అయితే సరైనా సమయంలో స్పందించడం ముఖ్యమని నిపుణులు చెబుతున్నారు.
Share
Antarctica: అంటార్కిటికా మంచు కింద దాగిన రహస్యం ఇదే.. వామ్మో, ఒకటి కాదు రెండు కాదు, 200 పైనే!
Gadwal Municipality: గద్వాల్లో రగులుతున్న విచిత్ర రాజకీయం.. కాంగ్రెస్కు రెబల్స్ బెడద..!
