Gold Price Today : మొన్నటి వరకూ భారీగా పెరిగిన ధరలతో ధగధగ మెరిసిన పసిడి.. ఇప్పుడు వెలవెలబోతోంది. ఇటీవల లోక్ సభలో ప్రవేశపెట్టిన బడ్జెట్ లో బంగారం, వెండి, ప్లాటినం లపై కస్టమ్స్ డ్యూటీ తగ్గిస్తున్నట్లు చెప్పిన విషయం తెలిసిందే. అంతే.. బంగారం ధర ఆ రోజే ఒక్కసారిగా రూ.3000 తగ్గింది. ఇక నిన్న 10 గ్రాముల బంగారంపై మరో రూ.1000 తగ్గింది. నేడు బంగారం ధర స్థిరంగా ఉంది.
హైదరాబాద్ లో 22 క్యారెట్లు 10 గ్రాముల బంగారం ధర రూ.64,000 వేలు ఉండగా.. 24 క్యారెట్లు 10 గ్రాముల బంగారం ధర రూ.69,820గా ఉంది. తెలుగు రాష్ట్రాల్లో ఇవే ధరలు కొనసాగుతున్నాయి. మరో 10 రోజుల్లో ఆషాఢ మాసం ముగిసి.. శ్రావణ మాసం మొదలు కానుంది. సాధారణంగా శ్రావణమాసంలో పెళ్లిళ్లు ఎక్కువగా జరుగుతాయి. అలాగే వరలక్ష్మి దేవి వ్రతాలను ఆచరిస్తారు. పెళ్లిళ్లు, పండుగలు, శుభకార్యాల కోసం బంగారం కొనుగోళ్లు చేస్తుంటారు. అలాంటి వారికి బంగారం ధర కాస్త తగ్గడం ఊరటనిచ్చే విషయమే.
ఇక వెండి కూడా బంగారం మాదిరిగానే తగ్గుతూ వస్తోంది. కిలో వెండి రూ.99000 కి చేరడంతో.. వెండి కూడా అందని ద్రాక్షగా మారిందని దిగులుపడ్డారు. దీనిపై కూడా కస్టమ్స్ డ్యూటీ తగ్గించడంతో క్రమంగా తగ్గుతూ వస్తోంది. గురువారం ఒక్కరోజే కిలో వెండిపై రూ.3500 తగ్గి రూ.84 వేలకు దిగివచ్చింది. ఈ రోజు కూడా అదే ధర కొనసాగుతోంది.
Share
Kargil Vijay Diwas 2024: పాక్ పాలిట యమకింకరులు.. కార్గిల్ యుద్ధ వీరులు.. యుద్ధంలో ఏం జరిగిందంటే..
Car Accident in Shamirpet: శామీర్పేటలో కారు బీభత్సం.. ముగ్గురు దుర్మరణం
