Mobile Data: మొబైల్ డేటా ఇట్టే అయిపోతుందా? ఈ టిప్స్ పాటిస్తే ఇక నో టెన్షన్!

Mobile Data Saveing Tips:

దేశీయ టెలికాం సంస్థలు ఎయిర్‌ టెల్, జియో, వొడాఫోన్ ఐడియా గత ఏడాది జూలైలో తమ రీఛార్జ్ ప్లాన్ల ధరలను పెంచాయి. అప్పటి నుంచి మొబైల్ వినియోగదారులు ఇంటర్నెట్ డేటా ప్యాక్‌ల కోసం గతంతో పోల్చితే ఎక్కువ ఖర్చ చేయాల్సి వస్తుంది. చాలా మంది టెలికాం ఆపరేటర్లు 1GB రోజువారీ డేటా ప్లాన్లను నిలిపివేశారు. అదే సమయంలో 1.5GB రోజువారీ డేటాతో చౌకైన ప్లాన్ కోసం కూడా నెలకు రూ.300 కంటే ఎక్కువ ఖర్చు చేయాల్సి వస్తోంది. గతంలో రోజువారీ 2GB ప్లాన్‌ ను ఉపయోగిస్తున్న చాలా మంది వినియోగదారులు ఇప్పుడు 1.5GB ప్లాన్‌ కు మారారు. ఇలాంటి పరిస్థితిలో, రోజువారీ డేటా కూడా రోజంతా ఉండటం లేదు. కొద్ది గంటల్లోనే అయిపోతుంది. మిగతా సమయం అంతా వచ్చీరాని నెట్ తో ఇబ్బంది పడాల్సి వస్తుంది. ఈ నేపథ్యంలోనే రోజువారీ డేటాను ఆదా చేయడానికి కొన్ని టిప్స్ సూచిస్తున్నారు టెక్ నిపుణులు. ఈ టిప్స్ పాటిస్తే పాకెట్ మీద ఎక్కువ భారం పడే అవకాశం తగ్గుతుంది.

మొబైల్ డేటా మరింత సేవ్ చేసే నాలుగు కీలక టిప్స్

⦿ ఆండ్రాయిడ్ లేదంటే ఐఫోన్‌ లో ఉపయోగించే యాప్‌ లు ఆటో అప్‌ డేట్‌ లో ఉంటాయి. ఇది మాత్రమే కాదు, ఆపరేటింగ్ సిస్టమ్‌ లో కూడా ఆటోమేటిక్ అప్‌ డేట్‌ లు ఆన్‌ లో ఉంటాయి. ఈ యాప్‌ లు లేదా సిస్టమ్‌ లో అప్‌ డేట్ విడుదలైన వెంటనే, మీ మొబైల్ డేటా చాలా త్వరగా అయిపోతుంది. ఈ నేపథ్యంలో మీరు యాప్‌ లు, సిస్టమ్ అప్‌ డేట్లను Wi-Fiకి మాత్రమే సెట్ చేయాలి. ఇలా చేయడం ద్వారా మీ ఫోన్ Wi-Fiకి కనెక్ట్ చేయబడినప్పుడు మాత్రమే ఈ అప్‌ డేట్‌ లు డౌన్‌ లోడ్ చేయబడతాయి. మీ రోజువారీ డేటా సేవ్ చేయబడుతుంది.

⦿ సాధారణంగా అన్ని స్మార్ట్‌ ఫోన్ వినియోగదారులు WhatsApp ను ఉపయోగిస్తారు. మీరు WhatsApp లో ఫోటోలు, వీడియోలు మొదలైన వాటిని డౌన్‌లోడ్ చేసుకునే ఆప్షన్ ను కూడా ఆఫ్ చేయాలి. ఇలా చేయడం ద్వారా, WhatsAppలో వచ్చిన ఫోటోలు, వీడియోలు ఆటోమేటిక్ గా డౌన్‌ లోడ్ చేయబడవు. మీ రోజువారీ డేటా సేవ్ చేయబడుతుంది.

⦿ మీ స్మార్ట్‌ ఫోన్ సెట్టింగ్‌ లకు వెళ్లడం ద్వారా డేటా సేవర్ మోడ్‌ ను ఆన్ చేయవచ్చు. ఇలా చేయడం ద్వారా, మీ ఫోన్ మొబైల్ డేటా మీకు అవసరమైనప్పుడు మాత్రమే ఉపయోగించబడుతుంది. అప్పటి వరకు డేటా సేవ్ చేయబడుతుంది.

⦿ ఫోన్‌ లో వీడియోలను చూస్తున్నప్పుడు, మీరు వాటిని నార్మల్ క్వాలిటీలో స్ట్రీమ్ చేయాలి. మీరు HD లేదంటే హై డెఫినిషన్ క్వాలిటీలో వీడియోలను స్ట్రీమ్ చేస్తే, మీ డేటా త్వరగా అయిపోవచ్చు. ఈ నాలుగు టిప్స్ పాటించడం ద్వారా మీ డేటా సేవ్ చేసుకునే అవకాశం ఉంటుంది.