LPG Cylinder Price Slashed by RS.30 : ప్రతినెలా 1వ తేదీన ఎల్పీజీ సిలిండర్ ధరలు మారుతాయి. ఈసారి వినియోగదారులకు చమురు సంస్థలు గుడ్ న్యూస్ చెప్పాయి. 19 కేజీల కమర్షియల్ గ్యాస్ సిలిండర్ ధరపై (Commercial LPG Cylinder Rate) రూ.30 తగ్గినట్లు చమురు సంస్థలు వెల్లడించాయి. గృహ అవసరాలకు వినియోగించే గ్యాస్ సిలిండర్ (Domestic LPG Cylinder Rate) ధరలో మాత్రం ఎలాంటి మార్పు లేదు.
తగ్గిన ధరతో ప్రస్తుతం దేశరాజధాని ఢిల్లీలో కమర్షియల్ గ్యాస్ సిలిండర్ ధర రూ.1646గా ఉంది. కలకత్తాలో రూ.1756, ముంబైలో రూ.1598కి కమర్షియల్ గ్యాస్ సిలిండర్ లభిస్తుంది. 14.2 కేజీల సిలిండర్ ధర ముంబైలో రూ. 802.50 గా ఉంది. కోత్ కతాలో రూ.829, చెన్నైలో రూ.818.50కి 14.2 కేజీల గ్యాస్ సిలిండర్ లభిస్తుంది. మార్చి 9వ తేదీ నుంచి డొమెస్టిక్ గ్యాస్ సిలిండర్ ధరలో ఎలాంటి మార్పులు జరగలేదు.
కాగా.. మే 1వ తేదీన కమర్షియల్ ఎల్పీజీ గ్యాస్ సిలిండర్ ధర రూ.19 తగ్గింది. లోక్ సభ ఎన్నికలకు ముందు ధర తగ్గడంతో ఈసారి భారీగా గ్యాస్ ధరల వడ్డింపు ఉంటుందని భావించారు. ఏప్రిల్ 1న కూడా గ్యాస్ సిలిండర్ ధర తగ్గింది. రూ.30.50 తగ్గింది. ఫిబ్రవరిలో రూ.14, మార్చిలో రూ.25.50 మేర గ్యాస్ సిలిండర్ ధర పెరగ్గా.. జనవరిలో మాత్రం రూ.1.50 తగ్గించాయి చమురు సంస్థలు.
Share
Another shock to BRS: బీఆర్ఎస్కు గట్టి షాక్, సొంతింటికి బస్వరాజు, మరో ఇద్దరు కూడా..
Budh Gochar 2024: బుధుడి అనుగ్రహంతో వీరు ఆర్థికంగా లాభపడబోతున్నారు
