SIP : మ్యూచువల్ ఫండ్లలో పెట్టుబడి పెట్టే లక్షలాది మందికి కొన్ని డౌట్స్ ఉంటాయి. జీతం వచ్చిన వెంటనే నెల మొదట్లో SIP చేయాలా? లేదా నెలాఖరులో పెట్టుబడి పెడితే ఎక్కువ యూనిట్లు వస్తాయా? ఒక నిర్దిష్ట తేదీని ఎంచుకుంటే రాబడులు భారీగా పెరుగుతాయా? వైట్ఓక్ క్యాపిటల్ మ్యూచువల్ ఫండ్ నిర్వహించిన అధ్యయనం ఆసక్తికరమైన విషయాన్ని వెలుగులోకి తీసుకొచ్చింది. 1993 నుంచి ఇప్పటి వరకు దాదాపు మూడు దశాబ్దాల సెన్సెక్స్ చరిత్రను విశ్లేషించిన ఈ అధ్యయనం SIP పెట్టుబడిదారులు ఎక్కువగా నమ్మే ఒక అపోహను పూర్తిగా చెదరగొట్టింది.
సాధారణంగా మార్కెట్లో నెలాఖరులో అమ్మకాలు పెరగడం లేదా తాత్కాలిక ఒత్తిడి కారణంగా నెట్ అసెట్ వ్యాల్యు(NAV)లు తగ్గుతాయని, అప్పుడు పెట్టుబడి పెడితే ఎక్కువ లాభం వస్తుందని చాలామంది భావిస్తారు. కానీ 30 సంవత్సరాల డేటా మాత్రం ఇది రాంగ్ అని చెబుతోంది. మూడు దశాబ్దాలుగా ప్రతి నెలా వేర్వేరు తేదీల్లో SIPలు చేసినట్లయితే ఫలితాలు డిఫరెంట్గా వచ్చాయి. గత 10 సంవత్సరాల రోలింగ్ రాబడులను పరిశీలించినప్పుడు ఆశ్చర్యకరమైన ఫలితాలు కనిపించాయి.
Also Read : రెండ్రోజుల బ్యాటరీ లైఫ్… కొత్తగా లాంచ్ అయిన ఈ ఇయర్బడ్స్ ధర తెలిస్తే దిమ్మతిరగాల్సిందే భయ్యా
నెల మొదటి ఐదు రోజుల్లో పెట్టుబడి పెట్టిన వారి సగటు ఎక్స్టెండెడ్ ఇంటర్నెల్ రేట్ ఆఫ్ రిటర్న్(XIRR) దాదాపు 15.22 శాతంగా నమోదైంది. నెల మధ్యలో 12 నుంచి 15వ తేదీ మధ్య పెట్టుబడి పెట్టిన వారికి సగటు రాబడి 15.26 శాతంగా ఉంది. ఇక నెలాఖరులో 25 నుంచి 28వ తేదీ మధ్య SIPలు చేసిన వారి సగటు రాబడి 15.24 శాతంగా నమోదైంది. ఈ సంఖ్యలను పరిశీలిస్తే తేదీల మధ్య తేడా కేవలం 0.02 నుంచి 0.04 శాతం మాత్రమేనని స్పష్టమవుతోంది.
Also Read : భారతదేశంలో స్కైడైవింగ్… ఎక్కడెక్కడ చేయవచ్చో తెలిస్తే సాహస ప్రియులు ఎగిరి గంతేస్తారు
ఈ అధ్యయనం మొత్తం విశ్లేషిస్తే మనకు అర్థమయ్యే విషయం ఒక్కటే. SIP విజయాన్ని నిర్ణయించేది తేదీ కాదు.. మనం పెట్టుకునే కాలవ్యవధి. మ్యూచువల్ ఫండ్లలో దీర్ఘకాలం క్రమశిక్షణతో కొనసాగించే పెట్టుబడే అసలైన సంపదను సృష్టిస్తుంది. మార్కెట్ ఎప్పుడు పెరుగుతుందో, ఎప్పుడు పడిపోతుందో ఎవరూ ఖచ్చితంగా చెప్పలేరు. కానీ ప్రతి నెలా నాన్స్టాప్గా పెట్టుబడి పెడితే కాస్ట్ యావరేజింగ్ అనే ఫార్ములా ద్వారా మార్కెట్ హెచ్చుతగ్గులు సహజంగానే ఉంటాయి.
Also Read : ట్రూ హర్రర్ మూవీ లవర్సా… ఈ ఇండోనేషియన్ సూపర్ నేచురల్ మూవీస్ ను డోంట్ మిస్
Share
క్రెడిట్ కార్డు వాడుతున్నారా? ఈ 5 పొరపాట్లు చేస్తే భారీ ఆర్థిక నష్టం తప్పదు
అతివేగం కొంప ముంచింది.. బావిలోకి దూసుకెళ్లిన కారు, నాలుగు గంటల తర్వాత, జగిత్యాల జిల్లాలో ఘోర ప్రమాదం
