Vijay Udhayanidhi: వాళ్లిద్దరూ హీరోలే. అయితే ఇప్పుడు వీరి విన్యాసాలను తెర బయట కూడా చూడొచ్చు. అది కూడా సాక్షాత్ అసెంబ్లీలో స్పీకర్ ముందరే ఈ ఇద్దరు హీరోలలో ఒకరు సీఎం, మరొకరు ప్రతిపక్ష నేతగా- రియల్ కేరెక్టర్స్ ప్లే చేయడం మాత్రమే కాదు. ఇంకా ఎన్నో చిత్రాలు నమోదు చేశారు. ఒకరు పిట్ట కథలు చెబితే, మరొకరు పర్సనల్ లైఫ్ కి సంబంధించిన కథనాలు అసెంబ్లీలో అందరి ముందు బయట పెట్టారు. ఇందుకు రివేంజ్ గా మరొకరు సభలో లేని వారిని అనుకరించారు. దీంతో అది అసెంబ్లీనా? లేక షూటింగ్ స్పాటా? అర్ధం కాలేదు. ఆ తమిళ సినీ పొలిటికల్ మషాళా మెలో డ్రామా ఏంటో ఇప్పుడు చూద్దాం.
చూశారుగా విజయ్ సినిమా స్టైల్లో సభలో ఎలా నవ్వులు పూయించారో. ఈ మొత్తం సీనేరియోకి ముందు అసలేం జరిగిందో చూస్తే మనం ప్రతిపక్ష నేత ఉదయనిధి స్టాలిన్ వర్సెస్ సీఎం స్టాలిన్ మధ్య జరిగిన డైలాగ్ పార్ట్ పరిశీలించాలి. దశాబ్దాల డీఎంకే వర్సెస్ అన్నాడీఎంకే పవర్ గేమ్ నుంచి బయట పడ్డ తమిళనాడు అసెంబ్లీలో తొలిసారిగా ద్రవిడేతర పార్టీలకు చెందిన ముఖ్యమంత్రి అధికార పీఠం అధిరోహించిన విషయం తెలిసిందే. ఇక మాజీ సీఎం స్టాలిన్ MLAగానూ ఓడిపోగా, ఆయన తనయుడు ఉదయనిథి స్టాలిన్ తండ్రి స్థానంలో ప్రతిపక్ష నేత పాత్ర పోషిస్తున్నారు.
అయితే అసెంబ్లీలో సీఎం విజయ్ గవర్నర్ ప్రసంగానికి ధన్యవాదాల తీర్మానం తెలిపారు. అందులో భాగంగా డీఎంకే ప్రభుత్వంపై తీవ్ర స్థాయిలో విమర్శలు గుప్పించారు. పార్టీ నిధుల వసూళ్ల పేరిట డీఎంకే ప్రజాధనం దోచుకుందని ఆరోపించారు సీఎం విజయ్. తమ ప్రభుత్వం ఆ నిధులన్నిటినీ తిరిగి రాబడుతుందని హెచ్చరించారు విజయ్. కేవలం ఒక కుటుంబానికే ప్రాధాన్యమివ్వకుండా, రాష్ట్రంలో ప్రతి కుటుంబానికీ సేవ చేయడమే తమ ప్రభుత్వ పాలసీగా చెప్పారాయన.
Also read: Harish Rao: రేవంత్ రెడ్డి నీ కౌంట్ డౌన్ స్టార్ట్ అంటూ.. హరీశ్ రావు సంచలన వ్యాఖ్యలు!
సీఎం విజయ్ ప్రసంగించే టైంలో.. స్పీకర్ అనుమతితో మాజీ సీఎం స్టాలిన్ గతంలో కాంగ్రెస్ పొత్తు సమయంలో చేసిన ఒక మేనరిజంని అనుసరించి చూపారు. ఇది సభలో దుమారానికి దారి తీసింది. ఇందుకు రియాక్టయిన ఉదయనిధి అసెంబ్లీ కెమెరాను సినిమా కెమెరా అనుకుని సీఎం విజయ్ తాను ముందే రాసుకున్న స్క్రిప్ట్ తో సింగిల్ టేక్ పెర్ఫామెన్స్ చేస్తున్నారనీ.. ఎద్దేవా చేశారు. ఇక రైతుల నిరసనలపై విజయ్ చెప్పిన పిట్టకథలకు నిరసనగా కౌంటర్ అటాక్ చేశారు ఉదయనిధి. చెంగల్పట్టు కోర్టులో భర్త కోసం వెతుకుతున్న భార్య కథ మాత్రమే తమిళ ప్రజలకు తెలుసనీ.. వ్యక్తిగత విమర్శలకు దిగారు. ఉదయనిధి వ్యాఖ్యలు సోషల్ మీడియాలో సంచలనంగా మారాయి.
కొత్త ప్రభుత్వం ఏర్పడ్డ తొలినాళ్లలోనే అసెంబ్లీలో ఇలాంటి సిట్యువేషన్ కనిపిస్తుంటే, ఇక పోను పోను ఇంకెన్ని ఫ్యామిలీ, యాక్షన్ సన్నివేశాలు చూడాల్సి వస్తుందో అన్న కామెంట్లు వినిపిస్తున్నాయి. ఏది ఏమైనా ప్రెజంట్ సీఎం విజయ్ స్టాలిన్ని అనుసరిస్తూ చేసిన యాక్షన్ వీడియో వైరల్ గా మారింది.
Also read: Lucknow Fire: లక్నో అగ్నిప్రమాదంలో ఘోరం.. కరెంట్ పోగానే బిల్డింగ్లో జరిగింది ఇదే..!
Share
బన్నీ-లోకేశ్ కాంబో.. షూటింగ్ మొదలవ్వకుండానే పూనకాలు తెప్పిస్తున్న క్రేజీ అప్డేట్!
యూకేలో విచిత్రం.. మగాళ్ళ నుంచి పాలు.. నెట్టింట వైరల్ అవుతున్నస్టోరీ
