ఇండియన్ మార్కెట్ లోకి యమహా NMax 155 ఎంట్రీ, ఫీచర్లు చూస్తే షాక్!

Yamaha NMax 155 India Launch: యమహా త్వరలో భారత మార్కెట్లో తన ప్రీమియం టూ వీలర్ లైనప్‌ ను మరింతగా విస్తరించేందుకు రెడీ అవుతోంది. ఇప్పటికే దేశంలో EC-06 ఎలక్ట్రిక్ స్కూటర్‌ ను విడుదల చేసిన కంపెనీ, ఇప్పుడు NMax 155 మ్యాక్సీ స్కూటర్‌ ను కూడా తీసుకురావాలని భావిస్తోంది. ఈ స్కూటర్ ఇప్పటికే యూరోప్, ఆగ్నేయాసియా దేశాల్లో మంచి గుర్తింపు తెచ్చుకుంది. అద్భుతమైన సౌకర్యం, ప్రీమియం లుక్, మంచి పనితీరు కారణంగా బాగా అమ్ముడవుతోంది.

ఈ ఏడాది చివరలో లాంచింగ్..

భారత మార్కెట్లో కూడా ప్రీమియం స్కూటర్లకు డిమాండ్ పెరుగుతున్న నేపథ్యంలో యమహా ఈ విభాగంపై దృష్టి పెట్టింది. ప్రస్తుతం కంపెనీ ఏరాక్స్ 155ను 155cc సెగ్మెంట్‌ లో విక్రయిస్తోంది. ఇప్పుడు అదే ప్లాట్‌ ఫారమ్ ఆధారంగా మరింత సౌకర్యవంతమైన, ఫ్యామిలీ ఓరియెంటెడ్ స్కూటర్‌ గా NMax 155ను తీసుకురావాలని భావిస్తోంది. ఈ స్కూటర్ 2026 చివరి లేదా 2027 ప్రారంభంలో దేశంలో లాంచ్ కావచ్చని అంచనా. డిజైన్ పరంగా ఇది సంప్రదాయ స్కూటర్ల కంటే భిన్నంగా, పెద్ద బాడీతో మ్యాక్సీ స్టైల్‌ లో ఉంటుంది. దీని ప్రధాన లక్ష్యం సుదూర ప్రయాణాల్లో ఎక్కువ కంఫర్ట్ అందించడం.

ఇంజిన్ గురించి..

NMax 155లో 155cc సింగిల్ సిలిండర్, లిక్విడ్ కూల్డ్ ఇంజిన్‌ ను ఉపయోగించే అవకాశం ఉంది. ఇది సుమారు 15 bhp పవర్, 14 Nm టార్క్‌ ను ఉత్పత్తి చేస్తుందని అంచనా. ఈ సెటప్ సిటీ రైడింగ్‌ తో పాటు హైవే ప్రయాణాలకు కూడా సరిపోతుంది. అంతర్జాతీయ మార్కెట్లలో ఇది ఇప్పటికే నమ్మదగిన పనితీరు కోసం పేరుపొందింది.

ఫీచర్ల గురించి..

ఫీచర్ల పరంగా ఈ స్కూటర్ చాలా ప్రీమియంగా ఉండే అవకాశం ఉంది. ఇందులో 4.2 అంగుళాల TFT డిస్‌ ప్లే, స్మార్ట్‌ ఫోన్ కనెక్టివిటీ, టర్న్ బై టర్న్ నావిగేషన్, రైడింగ్ మోడ్స్ లాంటి ఆధునిక టెక్నాలజీ ఉంటుందని తెలుస్తోంది. అలాగే పూర్తి LED లైటింగ్, డ్యూయల్ ఛానల్ ABS, డిస్క్ బ్రేకులు, స్మార్ట్ కీ సిస్టమ్ లాంటి సేఫ్టీ ఫీచర్లు కూడా అందించే అవకాశం ఉంది.

సౌకర్యం విషయంలో కూడా NMax 155 ప్రత్యేకంగా ఉంటుంది. పెద్ద, స్టెప్డ్ సీటు, వెనుక డ్యూయల్ షాక్ అబ్జార్బర్లు, హ్యాండిల్‌ బార్ కంట్రోల్స్ లాంటి అంశాలు దీర్ఘ ప్రయాణాలను మరింత సులభతరం చేస్తాయి. ఇది రోజువారీ ప్రయాణాలతో పాటు వీకెండ్ ట్రిప్స్‌ కు కూడా సరిపోయేలా డిజైన్ చేయబడుతుంది.

ధర ఎంత అంటే?

ఈ మోడల్ ప్రస్తుతం ఉన్న ఏరాక్స్ 155 కంటే కొంచెం ఎక్కువగా ఉండే అవకాశం ఉంది. ఏరాక్స్ ధర సుమారు రూ.1.43 లక్షల వద్ద ఉండగా, NMax 155 కొంచెం ప్రీమియం సెగ్మెంట్‌ లో ఉంటుందని భావిస్తున్నారు. దేశంలో ఇప్పటికే బర్గ్‌ మ్యాన్ స్ట్రీట్ 125, ఏరాక్స్ 155, ఏప్రిలియా SXR 160, హీరో జూమ్ 160 లాంటి స్కూటర్లు ఈ సెగ్మెంట్‌ లో పోటీగా ఉన్నాయి. ఈ సెగ్మెంట్ లోకి యమహా NMax 155 ఎంట్రీ ఇస్తే పోటీ మరింత పెరిగే అవకాశం ఉంది.