Driving Licence: 5 నిమిషాల్లోనే డ్రైవింగ్ లైసెన్స్.. ఔనా? నిజమా?

ఈ రోజుల్లో డ్రైవింగ్ లైసెన్స్ లేకుండా వాహనాలు నడపడం తీవ్రమైన ట్రాఫిక్ వాయిలేషన్ కిందికి వస్తుంది. పెద్ద మొత్తంలో జరిమానాలు విధించే అవకాశం ఉంటుంది. ఒకవేళ ప్రమాదాలకు కారణం అయితే, జైలు శిక్ష కూడా పడే అవకాశం ఉంటుంది. ఈ నేపథ్యంలో చాలా మంది డ్రైవింగ్ లైసెన్స్ తీసుకునేందుకు చాలా మంది ఆసక్తి చూపిస్తున్నాయి. అయితే, గత కొద్ది రోజులులగా జస్ట్ 5 నిమిషాల్లో డ్రైవింగ్ లైసెన్స్ పొందవచ్చు అంటే సోషల్ మీడియాలో వార్తలు హల్ చల్ చేస్తున్నాయి. ఇంతకీ ఈ వార్తల్లో నిజం ఎంత అనేది ఇప్పుడు తెలుసుకుందాం..

5 నిమిషాల్లో డ్రైవింగ్ లైసెన్స్ వెనుక అసలు నిజం!

సారథి పరివాహన్ పోర్టల్ ద్వారా భారత రవాణా వ్యవస్థ, రోడ్డు రవాణా, రహదారుల మంత్రిత్వ శాఖ సంస్కరణల కారణంగా బాగా డిజిటలైజ్ చేయబడింది. ఆధార్ ఇంటిగ్రేషన్, AI-ప్రొక్టర్డ్ పరీక్షలు, డిజిటల్ డౌన్‌ లోడ్‌ తో అనేక ప్రక్రియలు ఆన్‌ లైన్‌ లో పొందే అవకాశం ఉంది. అయితే, 5 నిమిషాల్లో లైసెన్స్ వెనుక అసలు నిజం ఏంటంటే.. అది కేవలం లెర్నింగ్ లైసెన్స్ మాత్రమే.

18 ఏళ్ల వయసున్న యుతీ యువకులు ఈ లైసెన్స్ తీసుకోవచ్చు. ముందుగా sarathi.parivahan.gov.in పోర్టల్ కు వెళ్లాలి. రాష్ట్రాన్ని ఎంచుకోవాలి. లెర్నర్స్ లైసెన్స్ కోసం దరఖాస్తు చేసుకోవాలి. ముందుగా ఫారమ్ నింపాలి. అవసరమైన ఆధార్, ఫోటో, అడ్రస్ ప్రూఫ్ లాంటి డాక్యుమెంట్స్ అప్ లోడ్ చేయాలి. ఆన్ లైన్ లోనే ఫీజు చెల్లించాలి. ఆన్‌ లైన్ లెర్నర్స్ పరీక్ష రాయాలి. ట్రాఫిక్ నియమాలపై మల్టిఫుల్ క్వశ్చన్స్ అడుగుతారు. ముఖ కదలికల గుర్తింపు, ఆధార్ ప్రామాణీకరణతో AI-ప్రొక్టర్ చేయబడతాయి. ఈ పరీక్షలో పాస్ అయితే, లెర్నర్స్ లైసెన్స్ ఆమోదించబడుతుంది. డిజిటల్, PDF కాపీగా నిమిషాల్లోనే చేసుకోవచ్చు. చాలా మంది వినియోగదారులు ఇంటి నుంచి 5 నుంచి 15 నిమిషాల్లో మొత్తం ప్రక్రియను పూర్తి చేసుకోవచ్చు. ఈ లెర్నర్స్ లైసెన్స్ కు 6 నెలలు చెల్లిబాటు వ్యవధి ఉంటుంది. 5 నిమిషాల్లో డ్రైవింగ్ లైసెన్స్ వీడియోలు LLని మాత్రమే సూచిస్తాయి. శాశ్వత లైసెన్స్ కాదు.

శాశ్వత డ్రైవింగ్ లైసెన్స్ కు ఎంత సమయం పడుతుంది?

శాశ్వత డ్రైవింగ్ లైసెన్స్ కావాలంటే కనీసం 30 రోజుల LLని కలిగి ఉండాలి. చాలా సందర్భాలలో తప్పనిసరి RTO డ్రైవింగ్ పరీక్ష ఉంటుంది. ముందు సారథి పోర్టల్ ద్వారా బుక్ స్లాట్ చేసుకోవాలి. ఆమోదించబడిన కేంద్రంలో డ్రైవింగ్ పరీక్ష పూర్తి చేసుకోవాలి. ఉత్తీర్ణత సాధించిన తర్వాత, శాశ్వత డ్రైవింట్ లైసెన్స్ స్మార్ట్ కార్డ్ రూపంలో లభిస్తుంది. ఈ డ్రైవింగ్ లైసెన్స్ సాధారణంగా 20 సంవత్సరాలు లేదంటే 40/50 సంవత్సరాల వయస్సు వరకు వ్యాలిడిటీ ఉంటుంది.