ఈ కారును రెండేళ్లు వాడుకొని వెనక్కి ఇచ్చేయొచ్చు, ఇదీ కదా అదిరిపోయే ఆఫర్ అంటే!

VinFast VF MPV 7 Benefits: భారత ఎలక్ట్రిక్‌ ఎస్‌యూవీ మార్కెట్‌ లో కొత్తగా అడుగుపెట్టిన VinFast VF 7 ఇప్పటికే కారు లవర్స్ ను తెగ ఆకట్టుకుంటుంది. క్రేజీ డిజైన్‌, అద్భుతమైన పర్ఫార్మెన్స్, ఆధునిక సాంకేతిక ఫీచర్లతో ఈ ప్రీమియం ఎలక్ట్రిక్‌ ఎస్‌యూవీ ప్రత్యేక గుర్తింపు తెచ్చుకుంటోంది. ఈ నేపథ్యంలో విన్ ఫాస్ట్ తీసుకొస్తున్న VF MPV 7 కుటుంబ అవసరాలకు అనుగుణంగా రూపొందించిన ఆధునిక ఎలక్ట్రిక్ MPVగా గుర్తింపు పొందుతోంది. ఈ వాహనం కొనుగోలు చేస్తే లభించే క్రేజీ బెనిఫిట్స్ గురించి ఇప్పుడు తెలుసుకుందాం..

VF MPV 7 కొనుగోలుదారులకు కంపెనీ అందించే బెనిఫిట్స్ ఇవే!

⦿ 5 ఏళ్ల వెహికల్ వ్యారెంటీ, 10 ఏళ్ల బ్యాటరీ వ్యారెంటీ ఉంటుంది. 3 ఏళ్ల వరకు మెయింటెనెన్స్ ఫ్రీ.అంటే సర్వీస్ ఫ్రీగా ఇస్తారు.

⦿ అష్యూర్డ్ బై బ్యాక్ ఆఫర్ లభిస్తుంది. ఇందులో 75 శాతం వరకు అందిస్తారు. రెండేళ్లు లేదంటే 40 కిలో మీటర్ల వరకు కారు వాడుకొని మళ్లీ వెనక్కి ఇస్తే,. 75 శాతం వరకు బై బ్యాక్ ఆఫర్ ఇస్తున్నారు.

⦿ పెట్రో వాహనాల నుంచి మీరు ఎలక్ట్రిక్ కారుకు మారితే, రూ. 2.40 లక్షల వరకు బెనిఫిట్స్ అందిస్తోంది విన్ ఫాస్ట్ సంస్థ.

VF MPV 7 ఎందుకు కొనాలంటే?

పెద్ద కుటుంబానికి సరిపోయే స్థలం

VF MPV 7లో ప్రయాణికులకు తగినంత స్థలం ఉండేలా డిజైన్ చేశారు. కుటుంబ సభ్యులతో కలిసి ప్రయాణాలు చేసే వారికి ఇది చాలా అనుకూలంగా ఉంటుంది. వెనుక సీట్లలో కూడా మంచి లెగ్‌ రూమ్, హెడ్‌ రూమ్ లభించే అవకాశం ఉంది. లాంగ్ డ్రైవ్‌లు మరింత సౌకర్యవంతంగా మారతాయి.

ఇంధన ఖర్చులకు గుడ్‌ బై

ఇది పూర్తిగా ఎలక్ట్రిక్ వాహనం కావడంతో పెట్రోల్, డీజిల్ అవసరం ఉండదు. ఇంట్లో, పబ్లిక్ ఛార్జింగ్ స్టేషన్లలో ఛార్జ్ చేసుకోవచ్చు. దీంతో ప్రతిరోజూ ప్రయాణించే వారికి ఇంధన ఖర్చులు గణనీయంగా తగ్గుతాయి.

లేటెస్ట్ టెక్నికల్ ఫీచర్లు

VF MPV 7లో పెద్ద టచ్‌ స్క్రీన్, కనెక్టెడ్ కార్ టెక్నాలజీ, స్మార్ట్ డ్రైవింగ్ ఫీచర్లు వంటి ఆధునిక సదుపాయాలు ఉండే అవకాశం ఉంది. ఇవి డ్రైవింగ్ అనుభవాన్ని మరింత సులభతరం చేస్తాయి.

మెరుగైన భద్రత

ప్రయాణికుల భద్రతను దృష్టిలో ఉంచుకుని పలు సేఫ్టీ ఫీచర్లను అందించే అవకాశం ఉంది. ఎయిర్‌ బ్యాగ్‌ లు, ఎలక్ట్రానిక్ స్టెబిలిటీ కంట్రోల్, డ్రైవర్ అసిస్టెన్స్ సిస్టమ్స్ లాంటి ఫీచర్లు ప్రమాదాలను తగ్గించడంలో సహాయపడతాయి.

పర్యావరణ అనుకూల ప్రయాణం

ఎలక్ట్రిక్ వాహనం కావడంతో పొల్యూషన్ ఉండదు. పర్యావరణ పరిరక్షణకు కారణం అవుతుంది. భవిష్యత్తులో గ్రీన్ మొబిలిటీ వైపు అడుగులు వేయాలనుకునే వారికి ఇది మంచి ఎంపికగా నిలుస్తుంది.