TVS Orbiter: టీవీఎస్ ఆర్బిటర్ కొత్త వేరియంట్లు, ఒక్కోదాని రేంజ్ ఎంతో తెలుసా?

TVS Orbiter Variants: పాపులర్ టూవీలర్ బ్రాండ్ టీవీఎస్ మోటార్స్ నుంచి వచ్చిన అద్భుతమైన ఎలక్ట్రిక్ స్కూటర్ టీవీఎస్ ఆర్బిటర్. ఈ స్కూటర్ రెండు వేరియంట్లలో అందుబాటులోకి వచ్చింది. అందులో ఒకటి TVS ఆర్బిటర్ V1 కాగా, మరొకటి TVS ఆర్బిటర్ V2. ఈ రెండు వేరియంట్లు ఒకే ప్లాట్‌ ఫామ్‌ పై ఆధారపడి ఉన్నప్పటికీ.. అవి బ్యాటరీ సామర్థ్యం, పరిధి, ఛార్జింగ్ సమయం, ధర పరంగా తేడాలను కలిగి ఉన్నాయి.

TVS ఆర్బిటర్ V1 గురించి..

TVS ఆర్బిటర్ V1 అనేది ఈ లైనప్‌ లో అత్యంత చౌకైన ఎంపికగా చెప్పుకోవచ్చు. దీని ధర రూ. 92,247 (ఎక్స్ షోరూమ్)గా కంపెనీ నిర్ణయించింది. ఇది ఒకే ఛార్జ్ తో 86 కిలో మీటర్ల రైడింగ్ రేంజ్ అందిస్తుంది. 1.8kWh చిన్న బ్యాటరీ ప్యాక్‌ ను కలిగి ఉంటుంది. అయితే గరిష్ట వేగం గంటకు 68 మైళ్లు ఉంటుంది. ఈ స్కూటర్ బ్యాటరీ 2.2 గంటల్లో 0 నుంచి 80 శాతం వరకు ఛార్జ్ చేయవచ్చు. స్కూటర్ కర్బ్ బరువు 101 కేజీలు ఉంటుంది.

TVS ఆర్బిటర్ V2 గురించి..

అటు ఆర్బిటర్ V2 ధర రూ. 1,09,894 (ఎక్స్ షోరూమ్)గా కంపెనీ ఫిక్స్ చేసింది. ఈ స్కూటర్ పెద్ద 3.1kWh బ్యాటరీ ప్యాక్‌ తో వస్తుంది. ఈ వేరియంట్ ఒకే ఛార్జ్ తో 158 కిలో మీటర్ల వరకు రైడిండ్ రేంజ్ అందిస్తుంది. గరిష్ట వేగం 68 కిలో మీటర్లు ఉంటుంది. ఈ స్కూటర్ 0 నుంచి 80 శాతం వరకు బ్యాటరీ ఛార్జింగ్ అయ్యేందుకు 4.1 గంటల సమయం తీసుకుంటుంది. పెద్ద బ్యాటరీ కారణంగా, V2 కర్బ్ బరువు 112 కేజీలు ఉంటుంది.

రెండింటి మధ్య తేడాలు ఇవే!

ఈ రెండు స్కూటర్ల మధ్య సాధారణ తేడా బ్యాటరీ పరిమాణం. అదే సమయంలో రైడింగ్ రేంజ్ కూడా తేడా ఉంటుంది. V1తో పోల్చితే V2 రేంజ్ ఇంచుమించు రెట్టింపు ఉంటుంది. ఆర్బిటర్ V1 చిన్న బ్యాటరీతో తక్కువ కొనుగోలు ధరపై ఫోకస్ పెడుతుంది. ఆర్బిటర్ V2 పెద్ద బ్యాటరీ ప్యాక్ కారణంగా ఎక్కువ శ్రేణిని అందిస్తుంది. ధర విషయంలో V2 ఎక్కువగా ఉంటుంది.

BaaS స్కీమ్ లో భాగంగా..

టీవీఎస్ ఆర్బిటర్ రెండు వేరియంట్లు TVS బ్యాటరీ కింద సర్వీస్ లేదంటే BaaS స్కీమ్ లో అందుబాటులో ఉన్నాయి. ఈ స్కీమ్ లో ఉన్న కొనుగోలు దారులు భారీగా ముందస్తు ఖర్చులను తగ్గించుకునే అవకాశం ఉంటుంది.