Engine Overheating: వేసవిలో కారు ఇంజిన్ ఓవర్ హీట్ అవుతుందా? ఈ జాగ్రత్తలు పాటించండి!

Summer Driving Tips: వేసవిలో ఎక్కువ వేడి అనేది కార్లపై ఎక్కువ ఒత్తిడిని కలిగిస్తాయ. ముఖ్యంగా మన దేశంలో చాలా ప్రాంతాల్లో ఎండలు 35-40°C దాటుతాయి. ఈ కాలంలో డ్రైవర్లు ఎదుర్కొనే అత్యంత సాధారణ సమస్యలలో ఒకటి ఇంజిన్ వేడెక్కడం. లేటెస్ట్ కార్లు పాత మోడళ్ల కంటే వేడిని కంట్రోల్ చేసే వ్యవస్థ ఉన్నప్పటికీ, ఎక్కువ ఎండలో ఎక్కువ దూరం ప్రయాణించడం, ట్రాఫిక్ రద్దీ, సరిగా మెయింటెనెన్స్ లేకపోవం వల్ల ఇంజిన్ వేడెక్కడానికి కారణమవుతాయి. ఇంజిన్ ఎందుకు వేడెక్కుతుందో తెలుసుకుంటే, నివారణ చర్యలు ఈజీగా తీసుకునే అవకాశం ఉంటుంది.

ఇంజన్లు ఎందుకు వేడెక్కుతాయి?

సాధారణంగా కార్లు ప్రయాణిస్తుంటే, ఫ్యూయెల్ మండటం వల్ల పెద్ద మొత్తంలో వేడిని ఉత్పత్తి చేస్తాయి. ఈ వేడిని ఇంజిన్, రేడియేటర్ లాంటి కూలింగ్ వ్యవస్థ ద్వారా కంట్రోల్ చేయబడుతుంది. సమ్మర్ లో ఎక్కువ వేడి, కారణంగా శీతలీకరణ వ్యవస్థపై అదనపు ఒత్తిడిని కలిగిస్తాయి. వేడెక్కడానికి సాధారణ కారణాలు, తక్కువ శీతలకరణి స్థాయిలు, బ్లాక్ చేయబడిన రేడియేటర్లు, పని చేయని శీతలీకరణ ఫ్యాన్లు, పాతదైన ఇంజిన్ ఆయిల్. చాలా సందర్భాల్లో శీతలీకరణ వ్యవస్థను సరిగ్గా మెయింటెయిన్ చేయనప్పుడు ఇంజిన్ వేడెక్కుతుంది. ఫలితంగా తీవ్రమైన ఇంజిన్ సమస్యలు ఏర్పడుతాయి.

ఓవర్ హీటింగ్ సమస్యను ఎలా కంట్రోల్ చేయాలి?

⦿ కూలెంట్ లెవెల్స్ చెక్ చేయాలి: సరైన పద్దతిలో కూలెంట్ లెవెల్స్ ఉన్నప్పుడు ఇంజిన్ ఓవర్ హీట్ కాదు. కూలెంట్ అనేది ఇంజిన్ నుంచి వేడిని గ్రహిస్తుంది. దానిని రేడియేటర్‌కు బదిలీ చేస్తుంది. అందుకే, రేడియేటర్ లో కూలెంట్ లెవెల్ సరిగా లేకపోతే ఇంజిన్ వేడెక్కుతుంది. అందుకే, సుదూర ప్రయాణాలు చేసే కూలెంట్ రిజర్వాయర్‌ ను చెక్ చేయాలి. లెవెల్ తక్కువగా ఉంటే, నింపాలి. కూలెంట్ ఆయిల్ తో కలిపి వాటర్ ను నింపాలి. కూలెంట్ ఆయిల్ నింపడం వల్ల శీతలీకరణ వ్యవస్థ లోపల తుప్పు, ఇతర వ్యవర్థాలు తొలగిపోతాయి.

⦿ రేడియేటర్‌ను చెక్ చేయాలి: రేడియేటర్ వేడిని బయటకు విడుదల చేస్తుంది. దుమ్ము, బురద రేడియేటర్ మీద పేరుకుపోతాయి. గాలి ప్రవాహాన్ని పరిమితం చేస్తాయి. శీతలీకరణ సామర్థ్యాన్ని తగ్గిస్తాయి. రేడియేటర్‌ను తరచుగా శుభ్రం చేయడం వల్ల పనితీరును మెరుగుపరుస్తుంది. రేడియేటర్ ట్యూబ్స్ పగుళ్లు, లీక్ లు లేకుండా చూసుకోవాలి. ఎందుకంటే, దెబ్బతిన్న ట్యూబ్ లు ఇంజిన్ కూల్ కాకుండా అడ్డుకుంటాయి.

⦿ ఇంజిన్ ఆయిల్‌ విషయంలో జాగ్రత్త: ఇంజిన్ ఆయిల్ కదిలే భాగాల మధ్య ఘర్షణను తగ్గించడంలో సహాయపడుతుంది. వేడిని ఎక్కువగా రాకుండా చేస్తుంది. సరైన ఇంజిన్ ఆయిల్ లేకపోవడం వల్ల ఇంజిన్ ఉష్ణోగ్రతను పెంచుతుంది. అందుకే క్రమం తప్పకుండా ఇంజిన్ ఆయిల్ మార్పించాలి.

⦿ లాంగ్ ఐడ్లింగ్స్ వద్దు: నగరాల్లో భారీ ట్రాఫిక్, ఎక్కువసేపు ఐడ్లింగ్ సర్వసాధారణం. కానీ, ఈ రెండు ఇంజిన్ ఉష్ణోగ్రతలు పెరగడానికి కారణం అవుతాయి. లేటెస్ట్ కార్లు వేడిని కంట్రోల్ చేయడానికి కూలింగ్ ఫ్యాన్‌లతో అమర్చబడినప్పటికీ, ఎక్కువ వేడితో కలి ఎక్కువసేపు ఐడ్లింగ్ చేయడం వల్ల కూలింగ్ సిస్టమ్ ఒత్తిడికి గురవుతుంది.

⦿ టెంపరేచర్ గేజ్‌ చెక్ చేయండి: చాలా కార్లలో ఇంజిన్ ఆపరేటింగ్ ఉష్ణోగ్రతను చూపించే టెంపరేచర్ గేజ్ ను చెక్ చేయాలి. వేసవిలో ఉష్ణోగ్రత సాధారణ పరిధి కంటే పెరిగితే, ఇంజిన్ చల్లబరచడానికి కారును ఆపివేయాలి. ఓవర్‌ హీటింగ్ ఇంజిన్‌తో డ్రైవింగ్ చేయడం వల్ల పెద్ద సమస్యలు ఏర్పడుతాయి.

⦿ కూలింగ్ ఫ్యాన్‌ను చెక్ చేయాలి: కారు నెమ్మదిగా వెళ్తున్నప్పుడు కూలింగ్ ఫ్యాన్ రేడియేటర్ ద్వారా గాలిని బయటకు లాగుతుంది. ఫ్యాన్ పనిచేయకపోతే, రేడియేటర్ ఇంజిన్‌ను చల్లబరచదు. ఇంజిన్ ఉష్ణోగ్రత పెరుగుతుంది. అందుకే, ఫ్యాన్ సరిగా పని చేస్తుందో? లేదో? చెక్ చేయాలి.

ఇంజిన్ వేడెక్కితే ఏం చేయాలి?

కారు ప్రయాన సమయంలో ఇంజిన్ వేడెక్కితే, కారను ఆపి ఇంజిన్‌ను స్టాప్ చేయాలి. బోనెట్ ఓపెన్ చేయాలి. రేడియేటర్ క్యాప్‌ను వెంటనే తెరవకూడదు. ఎందుకంటే, వేడి కూలెంట్ బయటకు చిమ్మి గాయాలకు కారణం అవుతుంది. ఇంజిన్ చల్లగా మారిన తర్వాత ప్రయాణాన్ని మొదలు పెట్టాలి. కూలింగ్ సిస్టమ్‌ను బాగుంటే, ఇంజిన్ అనేది సాధారణం వేడెక్కదు.