మిలటరీ తయారు చేసిన ఎలక్ట్రిక్ డర్ట్ బైక్ ఇది.. ఆఫ్ రోడ్‌లో రయ్ రయ్!

STRiX Enters Off Road Space: స్లోవేనియాకు చెందిన స్టార్టప్ సంస్థ STRiX ఎలక్ట్రిక్ డర్ట్ బైక్స్ రంగంలోకి అడుగు పెట్టింది. ఒకప్పుడు సైన్యం అవసరాల కోసం తయారు చేసిన ఈ బైక్ ను.. ఈ కంపెనీ ప్రేరణగా తీసుకొని రూపొందించబడింది. కఠినమైన పరిస్థితులను తట్టుకుని ప్రయాణించేలా ఈ బైక్‌ ను డిజైన్ చేశారు. STRiX ఎండ్యూరో బైక్ కేవలం వినోదం కోసమే కాదు, భవిష్యత్ ర్యాలీ, ఆఫ్ రోడ్ వినియోగానికి కూడా అనుకూలంగా ఉండేలా తయారు చేస్తున్నారు.

STRiX ఎలక్ట్రిక్ డర్ట్ బైక్ ఇంజిన్ గురించి..

STRiX ఎలక్ట్రిక్ బైక్ సుమారు 90 హార్స్‌ పవర్, 719 పౌండ్ ఫీట్ టార్క్ ను ఉత్పత్తి చేస్తుంది. బరువు సుమారు 304 పౌండ్లుగా ఉంటుంది. గరిష్ట వేగం గంటకు 80 మైళ్లు ఉంటుంది. రేంజ్ 25–50 మైళ్లుగా ఉంటుంది. రైడింగ్ స్టైల్, రోడ్డు పరిస్థితులపై ఆధారపడి ఈ వేగం ఉంటుంది. దీనికి 6.2 kWh మార్చుకోగల బ్యాటరీ రైడర్‌ కు బ్యాటరీని వేగంగా మార్చి ప్రయాణాన్ని కొనసాగించడానికి అవకాశం ఇస్తుంది. STRiX ఎలక్ట్రిక్ డర్ట్ బైక్ వాస్తవానికి తక్కువ సౌండ్, తక్కువ రక్షణ అవసరాలు, తక్కువ కదిలే భాగాలతో సౌకర్యవంతమైన రైడింగ్ ఫీల్ ను అందిస్తుంది. ఇది కఠినమైన, దూర ప్రాంత మార్గాల్లో రైడింగ్ కు అనుగుణంగా ఉంటుంది.

STRiX బైక్ ఎలక్ట్రిక్ డ్రైవ్ సిస్టమ్, ఆఫ్ రోడ్ సొల్యూషన్లలో ఉన్న అత్యాధునిక ఫీచర్లతో రైడర్లకు కొత్త ఎక్స్ పీరియెన్స్ అందిస్తోంది. ఇది కేవలం గ్యాస్ బైక్‌ ల స్థానాన్ని భర్తీ చేయడం మాత్రమే కాదు, కొత్త మార్గాలను, కొత్త రైడింగ్ సవాళ్లను ఎదుర్కొనేలా చేస్తుంది.

కంపెనీ లక్ష్యం ఏంటంటే?

2027 నాటికి డాకర్ ర్యాలీ మిషన్ 1000 క్లాస్లో పాల్గొనడమే లక్ష్యంగా STRiX కంపెనీ ప్రయత్నిస్తోంది. ప్రస్తుత కిక్‌ స్టార్టర్ వెర్షన్ కేవలం ఒక ఉత్పత్తి కాదు, భవిష్యత్ పరీక్షా వేదికగా మారనుంది. STRiX బైక్ ఎలక్ట్రిక్ డర్ట్ బైక్‌ల భవిష్యత్ కోసం కొత్త మార్గాన్ని చూపే అవకాశం ఉంటుంది. తేలికగా, సైలెంట్ గా, ఈజీ వినియోగంతో అత్యధిక పనితీరు కలిగిన రైడింగ్ అనుభవాన్ని అందించడం లక్ష్యం ముందుకుసాగుతోంది.

ఒక బైక్.. ఆల్ సొల్యూషన్స్

STRiX ఎలక్ట్రిక్ ఎండ్యూరో బైక్ ఆఫ్ రోడ్, ర్యాలీ, అడ్వెంచర్ రైడర్ల కోసం ప్రత్యేకమైన, భవిష్యత్ దృష్టితో రూపొందించిన ఒక వినూత్న పరిష్కారం. ఇది రైడింగ్ అనుభవాన్ని మార్చి, ఎలక్ట్రిక్ మోటార్‌ సైకిల్ విభాగంలో కొత్త ప్రామాణికాలను సృష్టించబోతున్నట్లు కంపెనీ వెల్లడించింది. ఈ బైక్ కు సంబంధించిన, ధర, రేంజ్ కు సంబంధించి కంపెనీ ఇప్పటి వరకు ఎలాంటి ప్రకటన చేయలేదు.