Norton Atlas: లాంచ్ కు ముందే నార్టన్ అట్లాస్ స్పై షాట్స్ లీక్.. చూడ్డానికి భలే ఉందిగా!

Norton Atlas Spy Shots Viral: బ్రిటిష్ ప్రీమియం టూ వీలర్ కంపెనీ నార్టన్ మోర్టార్ సైకిల్ కు చెందిన కొత్త అడ్వెంచర్ బైక్ నార్టన్ అట్లాస్ తాజాగా భారత రోడ్లపై టెస్టింగ్ చేస్తూ కనిపించింది. ఈ బైక్ కు సంబంధించిన స్పై షాట్లు ప్రస్తుతం సోషల్ మీడియాలో వైరల్ అవుతున్నాయి. బైక్ ప్రియులను క్రేజీగా ఆకట్టుకుంటున్నాయి. ముఖ్యంగా అడ్వెంచర్, టూరింగ్ బైక్‌లను ఇష్టపడే వారికి ఇంకా అలరిస్తున్నాయి. ఈ బైక్ 2026 సెకెండాఫ్ లో ఇండియన్ మార్కెట్లో విడుదలయ్యే అవకాశం ఉంది.

రెండు వేరియంట్లలో అందుబాటులోకి!

నార్టన్ ఈ అట్లాస్ ఈ మోడల్ ను రెండు వేరియంట్లలో తీసుకురానుంది. అందులో ఒకటి ఆఫ్ రోడ్ ప్రయాణాలకు అనువైన స్టాండర్డ్ అట్లాస్ కాగా, మరొకటి రోడ్డు ప్రయాణాలకు ఫోకస్ చేసిన అట్లాస్ GT. రెండు మోడళ్ల డిజైన్, వీల్ సెటప్‌ లో కొంత తేడా ఉండే అవకాశం ఉంది.

టెస్టింగ్ టైమ్ లో కనిపించిన బైక్‌ ను బట్టి చూస్తే, దీనికి ముందు వైపు 19 అంగుళాల అల్లాయ్ వీల్ ఉన్నట్లు కనిపిస్తోంది. EICMA 2025లో కంపెనీ ఈ బైక్‌ను ప్రదర్శించినప్పుడు స్టాండర్డ్ అట్లాస్ మోడల్‌ లో ముందువైపు 19 అంగుళాల, వెనుకవైపు 17 అంగుళాల క్రాస్ స్పోక్ వీల్స్ ఉన్నాయి. ఇప్పుడు భారత మార్కెట్ కోసం ఖర్చును తగ్గించేందుకు అల్లాయ్ వీల్స్‌ ను కూడా ఆప్షన్‌ గా ఇవ్వొచ్చని అంచనా వేస్తున్నారు. టెస్టింగ్ కోసం కంపెనీ టెంపరరీగా అల్లాయ్ వీల్స్‌ ను ఉపయోగించే అవకాశం ఉందని భావిస్తున్నారు. మరోవైపు అట్లాస్ GT మోడల్‌ లో ముందు, వెనుక రెండు వైపులా 17 అంగుళాల అల్లాయ్ వీల్స్ ఉండే అవకాశం ఉందని సమాచారం.

ఇంజిన్ గురించి..

ఈ బైక్‌లో 585cc లిక్విడ్ కూల్డ్ ప్యారలల్ ట్విన్ ఇంజిన్‌ ను ఉపయోగించారు. ఈ ఇంజిన్ సుమారు 70bhp పవర్‌ ను ఉత్పత్తి చేస్తుందని తెలుస్తోంది. హైవే రైడింగ్‌ తో పాటు అడ్వెంచర్ టూరింగ్‌ కు కూడా సరిపడే పర్ఫార్మెన్స్ ను కలిగి ఉంటుందని తెలుస్తోంది.

ఫీచర్ల గురించి..

ఫీచర్ల పరంగా కూడా నార్టన్ అట్లాస్ ప్రీమియం సెగ్మెంట్‌ కు తగ్గట్టే ఉండనుంది. ఇందులో 8 అంగుళాల TFT డిస్‌ ప్లే ఇవ్వనున్నారు. ఈ స్క్రీన్‌ లో కనెక్టెడ్ ఫీచర్లు కూడా ఉండనున్నాయి. పలు రైడింగ్ మోడ్‌ లు ఉంటాయి. క్రూయిజ్ కంట్రోల్, ట్రాక్షన్ కంట్రోల్ లాంటి లేటెస్ట్ ఫీచర్లు కూడా ఈ బైక్‌లో ఉండనున్నాయి. దీని వల్ల సుదూర ప్రయాణాల్లో రైడర్లకు మరింత సౌకర్యం లభించనుంది. ఇటీవల కంపెనీ ఈ అట్లాస్ శ్రేణికి సంబంధించిన కలర్ ఆప్షన్లను కూడా వెల్లడించింది. ఈ అడ్వెంచర్ బైక్‌ ను మొత్తం ఐదు కలర్ ఆప్షన్స్ లో తీసుకురానున్నట్లు వెల్లడించింది. యువతతో పాటు ప్రీమియం బైక్ ప్రియులను ఆకట్టుకునేలా ప్లాన్ చేస్తోంది.