MG Majestor Gets 5-Year Unlimited Warranty: JSW MG మోటార్ ఇండియా మెజెస్టర్ కొనుగోలు చేసే వినియోగదారులకు గుడ్ న్యూస్ చెప్పింది. దేశంలో తొలి D+ సెగ్మెంట్ SUVగా అందుబాటులోకి రానున్న ఈ కారుకు సంబంధించి బండిల్డ్ ఓనర్ షిప్ ప్యాకేజీని ప్రవేశపెట్టింది. 5-5-5 ప్రోగ్రామ్ అని పిలువబడే ఈ ప్యాకేజీ కింద, వారంటీ, రోడ్‌సైడ్ అసిస్టెన్స్, సర్వీస్ బెనిఫిట్స్ ఒకే ఆఫర్ లో అందుబాటులో ఉంచింది. దీని ద్వారా దీర్ఘకాలిక యాజమాన్య ఖర్చులు తగ్గనున్నాయి.
కొనుగోలుదారులు తరచుగా పనితీరు, అధునాతన సాంకేతికతపై భారీగా ఖర్చు చేయాల్సి వస్తుంది. ఒక్కోసారి ఈ ఖర్చులు మరింతగా పెరిగే అవకాశం ఉంటుంది. ఈ నేపథ్యంలోనే దేశ వ్యాప్తంగా అందుబాటులో ఉండే 5-5-5 ప్లాన్ 5 సంవత్సరాల అపరిమిత కిలోమీటర్ వారంటీని అందిస్తుంది. 5 సంవత్సరాల ఉచిత రోడ్ సైడ్ అసిస్టెన్స్, ఐదు లేబర్ ఫ్రీ సర్వీస్ లు అందించడం ద్వారా ఈ సమస్యలను పరిష్కరించడానికి ప్రయత్నిస్తుంది. ఆప్షనల్ యాడ్ ఆన్స్, పొడిగించిన వారంటీ ప్యాకేజీల మాదిరిగా కాకుండా, ఈ ప్రయోజనాలు Majestorలో ప్రామాణికంగా అందిస్తుంది.
కస్టమర్ల కోసం వారంటీ కవరేజ్‌పై కిలోమీటర్ పరిమితి లేకపోవడం, దేశం అంతటా ఐదు సంవత్సరాల బ్రేక్‌ డౌన్ సపోర్టు కారణంగా ఓనర్లు కొనుగోలు చేసిన కొత్తలో సర్వీస్ ఖర్చులు భారీగా తగ్గే అవకాశం ఉంటుంది. ఈ ప్యాకేజీ ముఖ్యంగా అధిక ప్రయాణాలు చేసే వినియోగదారులు, సుదూర ప్రయాణికులు, ఆఫ్ రోడ్ ఔత్సాహికులకు సంబంధించినది. వాళ్లు కారు వినియోగానికి సంబంధించి తొలి సంవత్సరాలలో ఎక్కువ ఖర్చులను చేయాల్సి వచ్చే అవకాశం ఉంటుంది.
MG మెజెస్టర్ 2.0 లీటర్ ట్విన్ టర్బో డీజిల్ ఇంజిన్ ద్వారా నడుస్తుంది. ఇది 215.5 PS పవర్, 478.5 Nm టార్క్‌ ను అందిస్తుంది. 2WD, అధునాతన 4WD కాన్ఫిగరేషన్లలో అత్యుత్తమంగా 8 స్పీడ్ ఆటోమేటిక్ ట్రాన్స్‌ మిషన్‌ తో వస్తుంది. MG మెజెస్టర్ ఎక్కువ సామర్థ్యం కోసం రూపొందించబడింది. ఇది ఫస్ట్ ఇన్ సెగ్మెంట్ ట్రిపుల్ డిఫరెన్షియల్ లాక్‌లు, 10 ఆఫ్ రోడ్ మోడ్‌ లతో కూడిన అడ్వాన్స్‌ డ్ 4WD సిస్టమ్, ఎక్స్‌ ట్రీమ్ టెర్రైన్ మాస్టరీ కోసం క్రాల్ కంట్రోల్ మోడ్‌తో పాటు 219 mm గ్రౌండ్ క్లియరెన్స్, 810 mm వాటర్ వేడింగ్ సామర్థ్యంతో వస్తుంది. లెవెల్ 2 ADASతో కూడా తొలి D+ SUV గా, మెజెస్టర్ అధునాతన భద్రత, సాంకేతికతతో వస్తుంది.
MG మెజెస్టర్ కోసం ముందస్తు రిజర్వేషన్లు మొదలయ్యాయి. రూ. 41,000 చెల్లించి బుక్ చేసుకునే అవకాశం కల్పించింది కంపెనీ. షోరూమ్ డిస్ ప్లే, టెస్ట్ డ్రైవ్‌లు ఏప్రిల్ 2026లో ప్రారంభమవుతాయి. డెలివరీలు మే 2026లో ప్రారంభమవుతాయి. 5-5-5 కంప్లీట్ పీస్ ఆఫ్ మైండ్ ప్రోగ్రామ్ ప్రయోజనాలతో పాటు భారతదేశపు తొలి D+ SUVకి ముందస్తు యాక్సెస్ పొందే అవకాశం కల్పిస్తుంది.
Read Also: కొత్త లెక్సస్ ES లాంచ్ డేట్ ఫిక్స్, వావ్.. ఫీచర్లు చూస్తే మతిపోవాల్సిందే!
Share
Agniveer Vayu: అగ్నివీర్ వాయు ఉద్యోగాలకు అప్లై చేశారా..? ఈ అర్హత ఉంటే చాలు..!
CM Revanth Reddy: పోలీసులు అప్గ్రేడ్ కావాలి.. కనిపించని నేరాలను ఎదుర్కోవడమే అతిపెద్ద సవాలు: సీఎం రేవంత్ రెడ్డి
