Jio, Airtel, Vi: జియో, ఎయిర్ టెల్, విఐ.. 2026లో చౌకైన వార్షిక రీఛార్జ్ ప్లాన్ ఏదో తెలుసా?

ఈ రోజుల్లో ప్రతి ఒక్కరి చేతుల్లోకి సెల్ ఫోన్స్ వచ్చేశాయి. ఫోన్ లేకుండా గంట గడవడం కూడా కష్టంగా మారింది. చాలా మంది తమ పనులను ఫోన్ ద్వారానే చక్కదిద్దుకుంటున్నారు. ఆయా టెలికాం కంపెనీలు ఒక్కో అవసరానికి అనుగుణంగా ఒక్కో రీఛార్జ్ ప్లాన్ ను అందుబాటులోకి తీసుకొచ్చాయి. కొంత మంది నెల నెలకు రీఛార్జ్ చేసుకుంటే, మరికొంత మంది ఆరు నెలలు, ఇంకొంత మంది ఏడాదికి ఒకేసారి రీఛార్జ్ చేసుకుంటారు. ప్రస్తుతం అన్ని టెలికాం కంపెనీలు వార్షిక ప్లాన్స్ ను అందిస్తున్నాయి. 2026లో ఏ కంపెనీకి చెందిన యాన్యువల్ రీఛార్జ్ ప్లాన్ తక్కువ ధరలో లభిస్తుందో తెలుసుకుందాం..

తక్కువ ధరలో వార్షిక ప్లాన్ అందిస్తున్న జియో!

ప్రస్తుతం అందుబాటులో ఉన్న అన్ని వార్షిక రీఛార్జ్ ప్లాన్స్ లో అత్యంత చౌక ధరకు అందిస్తున్న కంపెనీ జియో. ఈ టెలింకాం సంస్థ రూ. 3,599 వార్షిక ప్లాన్ ను తీసుకొచ్చింది. నెలకు కేవలం రూ. 300కి వస్తుంది. ఈ వార్షిక ప్లాన్ లో భాగంగా వినియోగదారులు ప్రతిరోజూ 2.5GB డేటా, అపరిమిత కాల్స్, ప్రతిరోజూ 100 ఉచిత ఎస్సెమ్మెస్ లను అందిస్తోంది జియో. 5G కవరేజ్ ఉన్న ప్రాంతాలలో డేటా అపరిమితంగా ఉపయోగించుకునే అవకాశం ఉంటుంది. రోజువారీ పరిమితి తర్వాత నెట్ స్పీడ్ తగ్గుతుంది. కానీ, బ్రౌజింగ్ చేసుకోవచ్చు. ఈ ప్లాన్‌లో JioTV, JioCinema యాక్సెస్ కూడా ఉంది. వీడియోలు, బ్రౌజింగ్, వర్క్ కోసం ప్రతిరోజూ మొబైల్ డేటాను ఉపయోగించే వ్యక్తులకు ఈ ప్లాన్ అనుకూలంగా ఉంటుంది. ప్రతి నెలా రూ. 300-రూ. 350 చెల్లించే బదులు, ఇది పూర్తి సంవత్సరానికి ఉపయోగపడుతుంది.

ఎయిర్‌టెల్ వార్షిక రీఛార్జ్ ధర ఎంత అంటే?

ఎయిర్‌టెల్ రూ. 1,849 వార్షిక ప్లాన్ 365 రోజులు నంబర్‌ ను యాక్టివ్‌గా ఉంచడానికి ఉపయోగపడుతుంది. నెలవారీ ఖర్చు దాదాపు రూ. 154. ఇందులో అపరిమిత కాల్స్, సంవత్సరానికి 3,600 ఉచిత ఎస్సెమ్మెస్ లు ఉంటాయి. ఈ ప్లాన్‌లో రోజువారీ డేటా లేదు. ఇది Wi-Fiపై ఆధారపడే, అరుదుగా మొబైల్ ఇంటర్నెట్‌ను ఉపయోగించే వినియోగదారులకు అనుకూలంగా ఉంటుంది. ఇది ఇప్పటికీ Hellotunes, AI సబ్‌ స్క్రిప్షన్ లాంటి ప్రాథమిక Airtel ప్రయోజనాలను కలిగి ఉంటుంది. ఈ ప్లాన్ ప్రధానంగా కాల్స్, OTPలు, కేవలం కమ్యూనికేషన్ కోసం ఫోన్‌ను ఉపయోగించే వినియోగదారులకు సరిపోతుంది. దీనిని తరచుగా తల్లిదండ్రులు, సెకండరీ సిమ్ వినియోగదారులు, ఇంట్లో బ్రాడ్‌ బ్యాండ్ ఉన్న వ్యక్తులకు బాగుంటుంది.

Vi వార్షిక రీఛార్జ్ ప్లాన్ గురించి

Vi రూ.1,189తో వార్షిక రీఛార్జ్ ప్లాన్ ను అందిస్తుంది. దీని ధర నెలకు రూ.100 కంటే తక్కువగా ఉంటుంది. సంవత్సరానికి 50GB డేటాను అందిస్తుంది. కాలింగ్ వినియోగదారుల కోసం అనుకూలంగా ఉంటుంది. రూ.1,849 ప్లాన్ అపరిమిత కాల్స్, రోజువారీ ఎస్సెమ్మెస్ లకు బెస్ట్.

ఈ ప్లాన్లు అన్నీగ్రామీణ వినియోగదారులు, విద్యార్థులు, బ్యాకప్ సిమ్ కార్డ్‌ లకు బాగా ఉపయోగపడుతాయి. అదనపు ఫీచర్లు లేకుండా, కనీస ఖర్చుతో నంబర్‌ ను యాక్టివ్‌గా ఉంచుకునే వారికి అనుకూలంగా ఉన్నాయి.