Honda Motorcycle Sales May 2026: మే 2026లో హోండా కంపెనీ అమ్మకాల్లో దుమ్మురేపింది. దేశీయ మార్కెట్ తో పాటు ఎగుమతుల్లో కూడా డిమాండ్ పెరగడంతో కంపెనీ మొత్తం అమ్మకాలు గతేడాదితో పోలిస్తే గణనీయంగా పెరిగాయి. ఈ నెలలో హోండా మొత్తం 5,18,777 టూ వీలర్స్ ను అమ్మింది. గతేడాది ఇదే కాలంలో ఈ సంఖ్య 4,65,109 యూనిట్లుగా ఉండగా, దాదాపు 12 శాతం వృద్ధి నమోదైంది.
దేశీయ అమ్మకాల్లో కంపెనీ మంచి గ్రోత్ సాధించింది. మే 2025లో 4,17,250 యూనిట్లు అమ్ముడవగా, మే 2026లో ఈ సంఖ్య 4,59,611 యూనిట్లకు చేరుకుంది. అంటే, దేశీయ మార్కెట్ లో సుమారు 10 శాతం వృద్ధి నమోదైంది. ఇండియన్ టూ వీలర్ మార్కెట్ లో డిమాండ్ ఎలా ఉందో సూచిస్తోంది.
ఎగుమతుల విభాగంలో హోండా మరింత మంచి ఫలితాలు సాధించింది. గతేడాది మేలో 47,859 యూనిట్లు ఎగుమతి చేయగా, ఈసారి 59,166 యూనిట్లకు పెరిగాయి. అంటే ఎగుమతులు 24 శాతం వరకు పెరిగాయి. అంతర్జాతీయ మార్కెట్లలో కూడా హోండా ఉత్పత్తులకు ఎంత డిమాండ్ ఉందనేది సూచిస్తుంది.
మొత్తం అమ్మకాలలో దేశీయ మార్కెట్ ప్రధాన పాత్ర పోషించినప్పటికీ, ఎగుమతుల వృద్ధి కంపెనీకి అదనపు బలాన్ని ఇచ్చింది. ముఖ్యంగా 59,000 యూనిట్లకు పైగా ఎగుమతులు నమోదు కావడం హోండా గ్లోబల్ మార్కెట్ లో తన స్థిరమైన స్థానం కొనసాగిస్తోందని అర్థం అవుతోంది.
Read Also: ఒక్క నెలలో ఇన్నిఈవీలా.. ఈ నెలలో మార్కెట్ ను షేక్ చేయనున్న ఎలక్ట్రిక్ కార్లు ఇవే!
ఈ నెలకు సంబంధించిన మోడల్ వారీ అమ్మకాల వివరాలను కంపెనీ అధికారికంగా వెల్లడించలేదు. అయినప్పటికీ, మొత్తం గణాంకాలు చూస్తే స్కూటర్ మరియు కమ్యూటర్ బైక్ సెగ్మెంట్లు ఈ వృద్ధికి ప్రధాన కారణాలుగా భావించవచ్చు. మొత్తం మీద, మే 2026 హోండా కోసం స్థిరమైన, సానుకూల వృద్ధిని చూపించిన నెలగా నిలిచింది. దేశీయ డిమాండ్ బలంగా ఉండటం, ఎగుమతులు వేగంగా పెరగడం కంపెనీ భవిష్యత్ పనితీరుపై కూడా మంచి సంకేతాలు ఇస్తున్నాయి. ఇదే ఊపుతో కంపెనీ సరికొత్త బైకులను మార్కెట్ లోకి తీసుకొచ్చేందుక ప్రయత్నిస్తోంది. పెట్రోల్ తో పాటు ఈవీ సెగ్మెంట్ లోనూ సత్తా చాటాలని భావిస్తోంది.
Read Also: యమహా To ఏథర్.. ఈ నెలలో విడుదలయ్యే క్రేజీ ఎలక్ట్రిక్ స్కూటర్లు ఇవే!
Share
కొరియా టూరిజం గౌరవ రాయబారిగా ప్రియాంక మోహన్ నియామకం..
Peddi Movie : రిలీజ్ ముందే రికార్డ్ బ్రేక్..' పెద్ది' బ్రేక్ ఈవెన్ టార్గెట్ ఎంతంటే..?
