ఇండియన్స్ మనసు గెలిచిన టాప్ 5 హోండా కార్లు.. ఇవి వాహనాలు కాదు, ఓ భావోద్వేగం!

Honda’s Most Loved Cars in India: ఒకప్పుడు ఇండియన్ కార్ల మార్కెట్లో హోండా పేరు అంటే ప్రత్యేకమైన గౌరవం ఉండేది. ఇంటి ముందు హోండా కారు ఉంటే, ఆ కుటుంబం ఉన్నత స్థాయికి చేరుకున్నట్లు భావించేవారు. మంచి పనితీరు, నమ్మకమైన ఇంజిన్లు, తక్కువ మెయింటెనెన్స్ ఖర్చు కారణంగా హోండా కార్లు మధ్యతరగతి కుటుంబాల కలల కార్లుగా నిలిచాయి. భారతీయులు ఎంతో ఇష్టపడ్డ హోండా టాప్-5 కార్ల గురించి ఇప్పుడు చూద్దాం..

1.హోండా సిటీ

1998లో భారత మార్కెట్లోకి వచ్చిన హోండా సిటీ త్వరగానే ప్రీమియం సెడాన్లలో తనకంటూ ఓ ప్రత్యేక గుర్తింపు తెచ్చుకుంది. విశాలమైన క్యాబిన్, సౌకర్యవంతమైన ప్రయాణం, అద్భుతమైన డిజైన్‌ తో కుటుంబాలకు ఎంతో నచ్చింది. దీని VTEC పెట్రోల్ ఇంజిన్ మంచి పనితీరుతో పాటు ఈజీ డ్రైవింగ్ ఎక్స్ పీరియెన్స్ ను ఇచ్చేది. రీసేల్ విలువ కూడా ఎక్కువగా ఉండటంతో ఈ కారు ఇప్పటికీ ఎంతో మంది అభిమానాన్ని పొందుతోంది.

2.హోండా సివిక్

స్పోర్టీ లుక్, ఫ్యూచరిస్టిక్ డిజైన్‌ తో హోండా సివిక్ యువతను విపరీతంగా ఆకట్టుకుంది. డిజిటల్ డ్యాష్‌ బోర్డ్, తక్కువ ఎత్తులో ఉండే డ్రైవింగ్ పొజిషన్, ప్రీమియం ఇంటీరియర్ తో వావ్ అనిపించేది. 1.8 లీటర్ ఐ విటెక్ ఇంజిన్ మంచి శక్తిని అందించడంతో పాటు హైవేలపై సౌకర్యవంతమైన డ్రైవింగ్‌ ను అందించింది. ఈ కారు ఇప్పటికీ ఆటోమొబైల్ అభిమానుల ఫేవరెట్ మోడల్‌ గా కొనసాగుతోంది.

3.హోండా అకార్డ్

ఒకప్పుడు హోండా అకార్డ్‌ ను కలల కారుగా భావించేవారు. పెద్ద ఇంటీరియర్, లగ్జరీ ఫీచర్లు, నిశ్శబ్దమైన క్యాబిన్ దీన్ని ప్రీమియం సెడాన్‌ గా నిలబెట్టాయి. వెనుక సీటులో ప్రయాణించే వారికి కూడా అత్యంత సౌకర్యాన్ని అందించేది. శక్తివంతమైన ఇంజిన్, మెరుగైన నాణ్యత కారణంగా వ్యాపారవేత్తలు, ఉన్నత ఉద్యోగులు ఈ కారును ఎక్కువగా ఇష్టపడేవారు.

4.హోండా CR-V

దేశంలో ప్రీమియం SUVల విభాగానికి పునాది వేసిన కార్లలో హోండా CR-V ఒకటి. SUV స్టైల్‌ తో పాటు సెడాన్ స్థాయి సౌకర్యాన్ని అందించడం దీని ప్రధాన బలం. పెద్ద కుటుంబాలకు ఇది చాలా అనుకూలంగా ఉంటుంది. నగర ప్రయాణాలు, లాంగ్ డ్రైవ్‌ లకు ఈ కారు మంచి ఆప్షన్ గా ఉంటుంది. పెట్రోల్ ఇంజిన్ పనితీరు, విశాలమైన క్యాబిన్ దీనికి ప్రత్యేక గుర్తింపును తెచ్చిపెట్టాయి.

5.హోండా జాజ్

చిన్న కారు అయినప్పటికీ ఎక్కువ స్థలం అందించడం హోండా జాజ్ ప్రత్యేకత. బయట చిన్నగా కనిపించినా, లోపల చాలా విశాలంగా ఉండేది. మ్యాజిక్ సీట్స్ కారణంగా సీట్లను అవసరానికి అనుగుణంగా మడిచి ఎక్కువ సామాను తీసుకెళ్లే అవకాశం ఉండేది. మంచి మైలేజ్, నమ్మకమైన ఇంజిన్, ప్రాక్టికల్ డిజైన్ కారణంగా కుటుంబాలకు ఈ కారు ఎంతో నచ్చింది.