Home EV Charging Safety Tips: దేశంలో ఎలక్ట్రిక్ స్కూటర్ల వినియోగం రోజురోజుకూ పెరుగుతోంది. చాలామంది ఇంట్లోనే ఎలక్ట్రిక్ స్కూటర్లకు ఛార్జ్ చేస్తున్నారు. అయితే, సరైన భద్రతా చర్యలు తీసుకోకుండా ఛార్జింగ్ చేస్తే ప్రమాదాలు జరిగే అవకాశం ఉందని నిపుణులు హెచ్చరిస్తున్నారు. ఇటీవల నోయిడాలో ఛార్జింగ్ సమయంలో ఓ ఎలక్ట్రిక్ వాహనానికి మంటలు అంటుకోవడంతో ఈ అంశంపై మరోసారి చర్చకు దారితీసింది.
ఎలక్ట్రిక్ స్కూటర్ ను ఇంట్లో ఛార్జ్ చేసే ముందు ఇంట్లో విద్యుత్ కనెక్షన్ ఆ లోడ్ను తట్టుకోగలదా? లేదా? అనేది తెలుసుకోవాలి. తక్కువ సామర్థ్యం ఉన్న విద్యుత్ కనెక్షన్పై ఎక్కువ లో డ్తో ఛార్జింగ్ చేయడం వల్ల షార్ట్ సర్క్యూట్ లేదంటే ఇతర ప్రమాదాలు సంభవించే అవకాశం ఉంటుంది. అందుకే ఛార్జింగ్ పాయింట్ ఏర్పాటు చేసే ముందు ఎలక్ట్రీషియన్ తో చెక్ చేయించడం మంచిది.
హోమ్ ఛార్జర్ ను ఎప్పుడూ అనుభవం కలిగిన టెక్నీషియన్ తోనే ఇన్ స్టాల్ చేయించాలి. ప్రత్యేక విద్యుత్ సర్క్యూట్ కు లింక్ చేయాలి. ఇలా చేయడం వల్ల విద్యుత్ వ్యవస్థపై అనవసర ఒత్తిడి పడకుండా ఉంటుంది.
చాలామంది సౌకర్యం కోసం ఎక్స్ టెన్షన్ బోర్డులు, అడాప్టర్లు, టెంపరరీ వైరింగ్ ఉపయోగిస్తుంటారు. కానీ, ఇవి అగ్నిప్రమాదాలకు ప్రధాన కారణంగా మారే అవకాశం ఉంది. సో, ఛార్జింగ్ కోసం నేరుగా ప్రత్యేక సాకెట్ ను మాత్రమే ఉపయోగించడం మంచిది.
సురక్షితమైన హోమ్ ఛార్జింగ్ కోసం ఎంసీబీ, ఆర్సీసీబీ లాంటి భద్రతా పరికరాలు తప్పనిసరిగా ఉండాలి. సరైన ఎర్తింగ్ కూడా చాలా ముఖ్యం. ఛార్జర్ ను ఎప్పుడూ తేమ లేని, నీరు చేరని ప్రదేశంలో అమర్చాలి.
వాహనంతో పాటు వచ్చిన ఒరిజినల్ ఛార్జర్ను మాత్రమే ఉపయోగించడం ఉత్తమం. ఇతర కంపెనీల ఛార్జర్లు, నాణ్యత లేని ఛార్జర్లు వాడితే బ్యాటరీతో పాటు విద్యుత్ వ్యవస్థకు నష్టం కలిగే అవకాశం ఉంటుంది.
ఛార్జింగ్ సమయంలో కాలిపోయిన వాసన రావడం, కేబుల్ వేడెక్కడం, వైర్లు దెబ్బతినడం, స్పార్క్ లు కనిపించడం లాంటి సమస్యలు గమనిస్తే వెంటనే ఛార్జింగ్ నిలిపివేయాలి. సమస్యను నిర్లక్ష్యం చేయకుండా కంపెనీ సర్వీస్ సెంటర్, లేదంటే టెక్నీషియన్ను సంప్రదించడం మంచిది.
ఇంట్లో ఇ-స్కూటర్ను ఛార్జ్ చేయడం సౌకర్యవంతమే అయినా, భద్రత విషయంలో ఎలాంటి నిర్లక్ష్యం చేయకూడదు. సరైన విద్యుత్ కనెక్షన్, ప్రత్యేక ఛార్జింగ్ పాయింట్, MCB, RCCB, మంచి ఎర్తింగ్, కంపెనీ అందించిన ఛార్జర్ వాడటం లాంటి సాధారణ జాగ్రత్తలు పాటిస్తే ప్రమాదాలను చాలా వరకు నివారించవచ్చు. చిన్న జాగ్రత్తలు మీ ఎలక్ట్రిక్ వాహనాన్నే కాకుండా కుటుంబాన్ని కూడా సేఫ్ గా ఉంచుతాయి.
Read Also: విన్ ఫాస్ట్ డబుల్ సర్ ప్రైజ్.. కొత్త ఈ-స్కూటర్, ఈ-బైక్కు పేటెంట్!
Share
యష్ 'టాక్సిక్' కథ లీక్..ఆ సెంటిమెంట్ వింటే మైండ్ పోవాల్సిందే!
వారి టార్చర్ వల్లే వదిలేసా -ఐశ్వర్య లక్ష్మీ
