Cheapest Toyota Car in India: కారు కొనాలని ఆలోచిస్తున్న చాలా మందికి ముందుగా వచ్చే సందేహం.. ఏ కంపెనీ కారు బాగుంటుంది? ఈ ప్రశ్నకు సమాధానం వెతుకుతున్నప్పుడు చాలామంది టయోటా పేరును తప్పక పరిశీలిస్తారు. ఎందుకంటే టయోటా కార్లు నాణ్యత, విశ్వసనీయత, దీర్ఘకాలిక పనితీరు చాలా బాగుంటుంది. అయితే, ఒక సాధారణ అపోహ ఏంటంటే, టయోటా కార్లు ధరలు చాలా ఎక్కువగా ఉంటాయి అనుకుంటారు. కానీ, ఇందులో ఏమాత్రం నిజం లేదు. ఈ కంపెనీ బడ్జెట్ కు సరిపోయే కొన్ని మంచి ఆప్షన్స్ ఉన్నాయి. ఇంతకీ ఈ కంపెనీ నుంచి అందుబాటులో ఉన్న చౌకైన కారు ఏదనేది ఇప్పుడు తెలుసుకుందాం..
భారత మార్కెట్లో ప్రస్తుతం టయోటా అందిస్తున్న చవకైన కార్లలో ఒకటి గ్లాంజా. ఇది ధర పరంగా అందుబాటులో ఉండటమే కాకుండా, ఫీచర్ల విషయంలో కూడా ఆకట్టుకునేలా ఉంటుంది. అందుకే తక్కువ బడ్జెట్ లో మంచి బ్రాండ్ కారును కోరుకునే వారికి ఈ మోడల్ బెస్ట్ ఆప్షన్ గా చెప్పుకోవచ్చు.
గ్లాంజా ధరలు సాధారణంగా ప్రారంభ వేరియంట్ లో సుమారు రూ. 6.5 లక్షల నుంచే ప్రారంభమవుతాయి. ఈ ధరలో టయోటా లాంటి నమ్మకమైన బ్రాండ్ నుంచి కారు లభించడం అనేది చాలా మందికి పెద్ద ప్లస్ పాయింట్. బడ్జెట్ సెగ్మెంట్ లో ఉన్నప్పటికీ, ఈ కారు ప్రీమియం ఫీల్ ను ఇస్తుంది.
డిజైన్ విషయానికి వస్తే, గ్లాంజా సింపుల్ అయినప్పటికీ స్టైలిష్ గా కనిపిస్తుంది. లోపల కూడా కంఫర్ట్ పై ప్రత్యేక శ్రద్ధ పెట్టారు. సీట్లు సౌకర్యంగా ఉండటం, క్యాబిన్లో స్పేస్ సరిపడా ఉండటం లాంటి అంశాలు రోజువారీ ప్రయాణాన్ని సులభంగా చేస్తాయి. చిన్న కుటుంబాలకు, సిటీలో ఎక్కువగా ప్రయాణించే వారికి ఈ కారు అనుకూలంగా ఉంటుంది.
ఇంజిన్ ఎంపికల విషయంలో కూడా ఈ కారు కొంత ఫ్లెక్సిబిలిటీని అందిస్తుంది. పెట్రోల్ వేరియంట్ తో పాటు CNG ఆప్షన్ కూడా లభిస్తుంది. ఇంధన ఖర్చులను తగ్గించుకోవాలని భావించే వారికి CNG మంచి ప్రత్యామ్నాయం అవుతుంది. మరోవైపు, పెట్రోల్ వేరియంట్ సాధారణ డ్రైవింగ్ కు సరిపోతుంది. మైలేజ్ పరంగా గ్లాంజా మంచి పనితీరును చూపుతుంది. లీటరుకు సుమారు 20 నుంచి 22 కిలోమీటర్ల వరకు మైలేజ్ ఇస్తుంది. రోజువారీ వినియోగంలో ఇంధన ఖర్చును తగ్గించడంలో సహాయపడుతుంది. ముఖ్యంగా పెట్రోల్ ధరలు పెరుగుతున్న ఈ కాలంలో, మంచి మైలేజ్ కలిగిన కారు కొనడం చాలా మందికి ముఖ్యమైన విషయం.
సిటీ డ్రైవింగ్ కు గ్లాంజా ప్రత్యేకంగా సరిపోతుంది. చిన్న పరిమాణం ఉండటంతో ట్రాఫిక్లో సులభంగా నడపవచ్చు. పార్కింగ్ కూడా పెద్ద సమస్యగా అనిపించదు. అలాగే స్టీరింగ్ లైట్ గా ఉండటం, హ్యాండ్లింగ్ సులభంగా ఉండటం వల్ల కొత్త డ్రైవర్లకు కూడా ఇది మంచి ఎంపికగా మారుతుంది. మొత్తంగా, టయోటా గ్లాంజా బ్యాలెన్స్ కారుగా చెప్పుకోవచ్చు. ధర, ఫీచర్లు, మైలేజ్, బ్రాండ్ నమ్మకం కలిసి ఈ కారును బడ్జెట్ సెగ్మెంట్ లో మంచి ఆప్షన్ గా కొనసాగుతోంది.
Read Also: కారు మీద విండ్ టర్బైన్లు పెట్టి ఛార్జింగ్.. నీ తెలివికి ఓ దండం భయ్యా!
Share
BRS తోక పార్టీ TRS.. కవిత కొత్త పార్టీపై సామ రామ్మోహన్ రెడ్డి సెటైర్లు
Kissik Talks: ఇండస్ట్రీలో రికమండేషన్ ఉంటేనే వర్కౌట్ అవుతుంది.. అర్జున్ కళ్యాణ్ సంచలన నిజాలు!
