5 Star Rating Cars: స్కార్పియో To సఫారీ.. 5-స్టార్ గ్లోబల్ సేఫ్టీ రేటింగ్‌ పొందిన ఇండియన్ కార్లు ఇవే!

ప్రస్తుతం భారత్ లో తయారవుతున్న కార్లు అద్భుతమైన ఇంజనీరింగ్, బిల్డ్ క్వాలిటీతో ఆకట్టుకుంటున్నాయి. సేఫ్టీ రేటింగ్ లో సత్తా చాటుతున్నాయి. పలు ఇండియన్ మోడల్ కార్లు గ్లోబల్ NCAP, భారత్ NCAP అత్యున్నత భద్రతా ప్రమాణాలను కలిగి ఉన్నాయి. టాప్ మోడళ్లలో మహీంద్రా స్కార్పియో-ఎన్, టాటా సఫారీ, మారుతి సుజుకి విక్టోరిస్, టాటా హారియర్, మారుతి సుజుకి డిజైర్ ఉన్నాయి.

⦿ మహీంద్రా స్కార్పియో-ఎన్

గ్లోబల్ NCAP క్రాష్ టెస్ట్ లో అడల్ట్ ప్యాసింజర్స్ రక్షణలో స్కార్పియో ఎన్ 5 స్టార్ సేఫ్టీ రేటింగ్ ను పొందింది. ఈ SUV డ్యూయల్ ఫ్రంట్ ఎయిర్‌ బ్యాగ్స్, ఎలక్ట్రానిక్ స్టెబిలిటీ కంట్రోల్, హిల్ స్టార్ట్, డిసెంట్ కంట్రోల్ లాంటి భద్రతా ఫీచర్లను కలిగి ఉంది. ప్రస్తుతం ఈ కారు మార్కెట్ లో రూ. 13.49 లక్షల (ఎక్స్-షోరూమ్)కు అందుబాటులో ఉంది.

⦿ టాటా సఫారీ

టాటా సఫారీ గ్లోబల్ NCAP రేటింగ్ లో సత్తా చాటింది. అడల్ట్స్ తో పాటు పిల్లల సేఫ్టీలో 5 స్టార్ భద్రతా రేటింగ్‌ను కలిగి ఉంది. ఈ SUV 6 ఎయిర్‌ బ్యాగ్స్, ఎలక్ట్రానిక్ స్టెబిలిటీ ప్రోగ్రామ్, లెవల్ 2 ADAS లాంటి కీలక భద్రతా ఫీచర్లను కలిగి ఉంది. ఈ మోడల్ రూ. 13.29 లక్షల (ఎక్స్-షోరూమ్) ధరకు అందుబాటులో ఉంది.

⦿ మారుతి సుజుకి విక్టోరిస్

మారుతి సుజుకి విక్టోరిస్ పెద్దలు, పిల్లల రక్షణకు సంబంధించి గ్లోబల్ NCAP నుంచి 5 స్టార్ భద్రతా రేటింగ్‌ ను పొందింది. ఇది లెవల్ 2 ADASను కలిగి ఉన్న మొట్టమొదటి మారుతి సుజుకి మోడల్. దీని ధర రూ. 10.49 లక్షలు (ఎక్స్ షోరూమ్) ఉంది. ఈ కారు ఎలక్ట్రానిక్ స్టెబిలిటీ కంట్రోల్, హిల్ హోల్డ్ అసిస్ట్, 6 ఎయిర్‌ బ్యాగ్‌ లను కలిగి ఉంది.

⦿ టాటా హారియర్

టాటా హారియర్ గ్లోబల్ NCAP నుంచి 5 స్టార్ భద్రతా రేటింగ్‌ ను పొందింది. పెద్దలు, పిల్లలకు సంబంధించి రక్షణ విభాగాలలో అద్భుతమైన స్కోర్‌ ను కలిగి ఉంది. ఈ SUV లెవల్ 2 ADAS ఫీచర్లను కూడా అమర్చబడింది. ఈ కారు ధర రూ. 12.89 లక్షల (ఎక్స్-షోరూమ్) నుంచి ప్రారంభమవుతుంది.

⦿ మారుతి సుజుకి డిజైర్

మారుతి సుజుకి డిజైర్ అడల్డ్ ప్రయాణీకుల భద్రత పరంగా 5 స్టార్ రేటింగ్‌, చిల్డ్రన్ ప్రొటెక్షన్ లో 4 స్టార్ రేటింగ్‌ ను కలిగి ఉంది. డిజైర్‌ లో ఆరు ఎయిర్‌ బ్యాగులు, ఎలక్ట్రానిక్ స్టెబిలిటీ కంట్రోల్ లాంటి ఫీచర్లను కలిగి ఉన్నాయి. దీని ధర దాదాపు రూ. 6.26 లక్షలు (ఎక్స్-షోరూమ్).