ఈ రోజుల్లో డ్రైవింగ్ చేస్తున్నప్పుడు మ్యాప్స్, కాల్స్, మెసేజ్లు, మ్యూజిక్ ఇలా అన్నింటినీ ఒకేసారి చూసుకోవాల్సి వస్తోంది. దీంతో చాలామంది డ్రైవర్లు ఫోన్, కార్ స్క్రీన్ మీద ఎక్కువ సమయం గడుపుతున్నారు. ఫలితంగా పలు ప్రమాదాలు జరుగుతున్నాయి. ఈ సమస్యను తగ్గించేందుకు గూగుల్ తన జెమిని ఏఐని ఆండ్రాయిడ్ ఆటోలో అందుబాటులోకి తీసుకొచ్చింది. జెమిని సాయంతో డ్రైవర్లు ఫోన్ ను చేతిలోకి తీసుకోకుండా పలు పనులు వాయిస్ కమాండ్లతో చేయవచ్చు. డ్రైవింగ్ను మరింత సేఫ్ గా, సౌకర్యవంతంగా మార్చే 5 క్రేజీ ఫీచర్ల గురించి ఇప్పుడు తెలుసుకుందాం..
కొన్నిసార్లు వాట్సాప్, ఇతర మెసేజింగ్ యాప్లలో ఒకేసారి చాలా మెసేజ్లు వస్తుంటాయి. డ్రైవింగ్ చేస్తున్నప్పుడు వాటిని ఒక్కొక్కటిగా చదవడం సాధ్యం కాదు. జెమిని ఈ సమస్యకు పరిష్కారం చూపుతుంది. పెద్ద మెసేజ్ లను చదివి, అందులోని ముఖ్యమైన విషయాలను వివరిస్తుంది. మీ స్నేహితులు ఆలస్యంగా వస్తున్నారని, మీటింగ్ టైమ్ మారిందని సింపుల్ గా వివరిస్తుంది. డ్రైవర్ కు అవసరమైన సమాచారం అందిస్తుంది.
డ్రైవింగ్ సమయంలో వచ్చిన మెసేజ్ లకు వెంటనే స్పందించడం కష్టం. కానీ, గూగుల్ జెమిని దీనికి పరిష్కారం చూపిస్తుంది. అవసరమైన సమాధానాలను అందిస్తుంది. “ఎప్పుడు వస్తావు?” అని అడిగితే, “కొద్ది సేపట్లో చేరుకుంటాను”, “ట్రాఫిక్లో ఉన్నాను” లాంటి సమాధానాలను సూచిస్తుంది. డ్రైవర్ ఒక ట్యాప్ తో, వాయిస్ ద్వారా ఆ సమాధానాన్ని పంపించవచ్చు.
చాలామంది ప్రయాణం మొదలుపెట్టే ముందు మ్యాప్స్ ఓపెన్ చేయడం, మ్యూజిక్ ఆన్ చేయడం, ఏసీ సెట్ చేయడం లాంటి పనులు చేస్తుంటారు. జెమిని ఈ పనులను ఆటోమేటిక్ గా చేస్తుంది. ఒక వాయిస్ కమాండ్ ఇస్తే, అది నావిగేషన్ ప్రారంభించడం, ఇష్టమైన పాటలు ప్లే చేయడం, ట్రాఫిక్ పరిస్థితిని పరిశీలించడం లాంటి పనులను ఒకేసారి చేస్తుంది. దీంతో సమయం ఆదా అవుతుంది.
పాత వాయిస్ అసిస్టెంట్లు ఒక ప్రశ్నకు మాత్రమే సమాధానం చెప్పగలిగేవి. కానీ, జెమిని ఒకేసారి అనేక విషయాలను అర్థం చేసుకుని సమాచారాన్ని అందిస్తుంది. “నా దగ్గరలో మంచి రేటింగ్ ఉన్న కాఫీ షాప్ దగ్గర ఎలక్ట్రిక్ వాహన ఛార్జింగ్ స్టేషన్ ఉందా?” అని అడిగితే, రెండింటి సమాచారాన్ని కలిపి ఫలితాలను చూపిస్తుంది. డ్రైవర్కు మధ్యలో ఫోన్ తీసుకోవాల్సిన అవసరం ఉండదు.
మనకు అవసరమైన చాలా వివరాలు ఈమెయిల్, క్యాలెండర్ లో ఉంటాయి. కానీ, డ్రైవింగ్ సమయంలో వాటిని తెరిచి చూడడం సురక్షితం కాదు. జెమిని మీ ఈమెయిల్స్ నుంచి అవసరమైన సమాచారాన్ని తీసుకుని చెబుతుంది. విమానం బయలుదేరే సమయం, హోటల్ అడ్రస్, డెలివరీ వివరాలు లాంటి సమాచారాన్ని వాయిస్ రూపంలో అందిస్తుంది.
Read Also: సేఫ్టీ To ఎంటర్టైన్మెంట్.. కారులో తప్పనిసరిగా ఉండాల్సిన 8 స్మార్ట్ గాడ్జెట్లు ఇవే!
Share
మళ్లీ వైభవ్ కాలర్లు పట్టుకుంటాడని భయంతో శ్రీలంక బౌలర్లు స్లోగా బంతులు వేశారు !
Hormuz Crisis: ప్రపంచ దేశాలకు పెద్ద షాక్.. చమురు నౌకలు వెళ్ళే మార్గాన్ని మూసివేసిన ఇరాన్ సైన్యం!
